[جروح الذاكرة]

صباح الخير


قبل كم سنة وفي المربعانية إتصل عليه واحد من الزملاء وسألني : وينك ؟ ، قلت له : موجود تعال كلها ساعه وبنتعشا ، قال وش عشاك . قلت : خبز مفروك بالسمن . قال جايك . بعد العشاء سألني : عمرك اكلت العريكة ؟ . قلت اسمع فيها ، قال جربها ، وراح تدعي لي . وبسبب فقداني لعلاقات مع أخوة من الجنوب اللي تشتهر عندهم هالأكلة أيقنت إن راح تعدي السنة والسنتين والعشر وأنا ما جربت العريكة الصح . صرت كل ما قريت جملة " أكلات شعبية " على لوحات المطاعم جاء في بالي العريكة . المهم البارح مريت محل في الدمام يبيع منتجات مشهورة بالقصيم واخذ منه تمر وقهوة كالعادة ، وحصلت إعلان عن الحنيني ! . سألت وقال موجود في علبة وبسعر 15 ريال ، حجمها تقريبا ً 800 جرام . قلت بجربها . اخذتها وحصلت عليها ستيكر يقول إنها جاهزة وتحتاج تخليها على نار هادئة . جربتها وبصراحة اعجبتني . وقالت لي المدام هذي نفس العريكة ! .

هل صحيح العريكة والحنيني نفس المكونات بإختلاف المسميات أو بينهم فرق ؟ .