[align=center][/align] [align=center] زمان ايام عنفوان المراهقه وفي نهاية المرحلة المتوسطه وبدايه المرحلة الثانويه كان هناك تشكيل جديد على صعيد الصداقات ( كل يوم تتعرف على شله ) الموهم تعرفت على واحد من ضمن مجموعه هذا الانسان اسمه ( فرحان ) وسبحان الله اسم على مسمى بس فاتح خشته ويضحك في احنك الظروف وفي اتعس المواقف يضحك .. اذكر مره امسكوه الدوريه وهو يفحط جلس يضحك يحسبونه سكران طقوه لين عظ الارض طبعاً كان ابيض البشره بس المشكلة ان شعره عكش ( فلافل ) لا والمصيبه انه يربي ذيل وقذله اصلاً الحلاقين وقتها هنود يعني مايعرفون الا قصة الديك وقصة الاسد المهم جاني في أحد الايام يشكي ويقول يا اخي ابي شعري يصير ناعم ( وش عنده توم كروز ) وتخبرون انا شعري ناعم وهذا ساعدني انه يطبق نصيحتي << ارتفع هرمون الخبث عندي فقلت له : السالفه كلها ماتكلفك الا ريال واحد تروح للمحطة وتشتري بريال ديزل وتروح للبيت وتشغل الكوايه على رقم سته << ايامها مافيه بخار ومش عارف ايه والحركات الجديده كان ابيض واسود بس شرحت له الطريقة كا الاتي تشغل الكوايه على رقم سته وتفرك شعرك بالديزل وترش عليه سكر وترجع وتحط عليه نقطتين ديزل من جديد وتفركه لين يقوم يقطر ثم تسحب الكوايه وتحطها على شعرك لين يصير له دخنه ( المسكين صدق ) وجاني اليوم الثاني وهو يصيح راسه صاير تقول كرة قدم ومستوي نص استوى والى اليوم ماطلع له شعر من محل الكويات << يارب سامحني[/align]