نعود لمحور حديثنا .......عند الصف الخامس انتقلنا للمبنى الجديده لمدرسة عمر بن العاص (النموذجي وقتها ) مبناها الحالي على ماظن.. كنا فرحين جداً تصدقون بالله انه اخذنا يمقن ههه(يمكن)ثلاث اسابيع نرتب الطاولات والكراسي بالمدرسه الجديده طبعاً كله مجهود طلابي لان مكان فيه عمال مثل هالوقت متسطحين على الارصفه يدورون الشغل كان المدير صالح الله يذكره بالخير يكرنا كر وقتها حشى عمال تابعين لوزارة التربيه والتعليم او تحت كفالته ...مهو طلاب جايين ندرس ..عموماً انتقلنا للمبنى الجديد وتغير كثير من الطاقم التدريسي وظهر لنا مدرسيين جدد وهذا الشي مهو من صالحنا لانه سوف يثبتون وجودهم مجدداً مثل أقرانهم امام المدير والضحيه حنا طبعاً لان أثبات وجودهم انذاك هو بضرب الطلاب.. ومن هولاء المدرسيين الجدد (محمد الجنادي) سوري الجنسيه(((على طاري السوريين الله ينصرهم ويثبت اقدامهم ويفرحنا بمقتل بشار)))كان الجنادي يدرس مواد الدين.. يلبس الثوب ومربي لحيه من الوهلة الأولى ترى فيه سمات الخير بس قلبه اسود من الليل حقود جداً الظاهر انه من سلالت بشار....كان يضربنا ضرب اشد من الفلسطينين.. اتذكر كان يوم من الايام علينا حفظ قران..وجيت المدرسه ماحفظت (كنت مشغول بمتابعه الدوري الاسباني ههه) طبعاً في ذلك الوقت مافيه شيئ اسمه دوري سباني ولا صومالي كان الي يشغلنا عن المذاكره هو العب بشارع (وسوف اذكر لكم في نهايه حديثي عن بعض الالعاب الي كنا نلعبها و تشغلنا عن المذاكره..) عموماً جاء دوري بالتسميع بالصف وقال لي انت حافظ قلت نعم قال سمع تعوذت من الشيطان الرجيم وقلت بسم الله الرحمن الرحيم بترتيل وصوت عالي جداً (الولد حافظ وواثق هههه) ووقفت وقال كمل قلت ماني حافظ ههههه وقالي تعى ولك تعى وتكزب كمان ..ويشيلني من أذني ويرفعني ويمشي فيني لين اخر الصف تخيلوا ويصمخ براسي الجدار..ويطلعني عند باب الصف(تعلم النفاق من القدما) ويجلدني ذاك الجلد الله لا يوريك الله يسامحه ...طلعت اشاعه قويه في تلك الايام يقلون انه طلع استخبارات اسرائليه مدري سوريه عموماً انهو عقده ...سفرته الدوله ولله الحمد يسلم من شره الطلاب.. وش كان يشغلنا عن المذاكره والمراجعه لدروسنا هك الايام ...((((( نلعـــــــب اغلب الوقت ... تيل ( المصاقيل ) . ياكان عندي مصقال اسمه حموري وكبوري يركز بين صف المصاقيل ويطلعهن خارج الدائره كان يكسبني دايم وذكر من كثر الي كسبته احط التيل بقوطي نيدو .. اذكر اول واحد يرمي التيله يقول ((تلش؟؟)) وش معناها مدري ليومك هذا ههههه... ومن ضمن الالعاب الي تشغلنا عن المذاكره لعبة الحجر السبع (الميد )= نضع مجموعة الاحجار وغلبها يكون كسر من االبلاط فوق بعض على لارض ونرميها بكوره صغيره لين تطيح ووو...وذكر نلعب بعد بعصى طولها نص متر تقريباً نضربها بخشبة صغيرة على الارض لفوق وووو الخ ... اما التلفزيون كانا نتابع بشغف قراند ديزر ...و عدنان ولينه .. وجزيره الكنز ( خمسة عشر رجلاً ماتو من اجل صندوق ههههه)..و الرجل الاخضر .... ياهي ايام حلوة )))))
للحديث بقيه ان شاء الله...