عرض مشاركة واحدة
قديم 11-06-12, 04:58 AM   رقم المشاركة : 19
مطلع
عضو فعال
الملف الشخصي






 
الحالة
مطلع غير متواجد حالياً

 


 

رد: ابتدائية (عمربن العاص ) مابين عام 1398 الى عام1403

نكمل الموضوع عن مدرسة عمر بن العاص بمحافظة حفرالباطن ايام زمان...
تم الانتقال لصف السادس .. وصرنا كبارشوي شايفيين انفسنا على الطلاب يعني صرنا رازين اخشومنا بس على الفاضي ههههه اذكر وقتها بداء بالمدارس تفعيل النشيد الوطني ...(سارعي للمجد والعليا...) وزعوا على الطلاب قصاصات ورق لحفظها خلال اسبوع .
وكان مدرس الرياضه يمر بين الطوابير الصباحيه ويختار واحد ويقول له امسك الميكرفون بصوت عالي وانشد النشيد الوطني وخل الطلاب يرددون وراك ...وياويلك اذا قلت ماني حافظ وهذا مجبرنا نحفظه عن ظهر قلب ادام الله لنا هذا الوطن الغالي لانه بعد وقت عرفنا قيمة هذا النشيد... تذكرت موقف لي انا الفقير لله ومعي حديجان ابو خالد..الله يطوال بعمره رجل صالح منذ نشأته (ولا ازكي على الله احد ) كنا بالطابور الصباحي في اول ايام القاء النشيد الوطني اذا شفنا مدرس الرياضه جاي لطابور عندنا قمنا ندف بعض بوجه المدرس خارج الطابور الصباحي حتى يختاره للنشيد امام الطابور ويتوهق ههه وهذا حالنا كل يوم .... لين ثبتوا النشيد للكشافه .... بالنسبه للنقل من والى المدرسه مافيه مح والف مح هههه ندقها كعابي في الصباح ذهاباً للمدرسه والظهر بهالقوايل والرمضى عوده للبيت معاناه حقيقيه بس تبون الحقيقه طلعت قلوب ورجال تعتمد عليها مهو هالوقت من تصبح الناس ماتسمع الا طيط طيط بواري الباصات وهالازعاج ولو تقول له روح جيب خبز من البقاله قال اوقفلي على الباب ههههه زمن ...
ممكن اخرج شوي عن الموضوع وسرد لكم بعض الموضات في تلك الفتره .....
موضة سن الذهب .. >>او بالاحراء تلبيس سن واحد وغالباً ميكون الناب بسن ذهب ...كانت موضه هاك الايام ههههه والي يركبها لنا رجال او نساء من الجنسيه السوريه متجوليين بين الاحياء.... والواحد اذا ركب سن الذهب مغير يتبسم بالشارع ويلقي راسه لشمس حتى يوريهم بليصه ويقولهم مركب سن ذهب ههههه
وعند الحلاق الموضه المشهوره تلك الايام لشعر قصة (التولايت) والزبون عند الحلاق ما يسئل عن السعر لأنه معروف 5 ريال يعطيها الحلاق ويمشي ومع هالتحليقه تدليك للرقبه وطقطقتها مجاناً لكسب الزباين هههه
بالنسبة للبس نلبس (الثوب صيني) قطن معروف هاك الايام وين راسه من يلبسه ..ومانفصل الثياب الا بالاعياد ... ونلبس تحت الثوب فنيله (ام بقره) هههه
وبالنسبة للشماغ الموضه هي شماغ العقل الاحمر ابو الختم اسود الثقيل قطن ...وطحنا بموضة الغترة اسمها (العطار) تجينا من الكويت لها هدب مبروم على شكل حبيبات صغيره ...بالنسبه لطاقيه عليها ختم الجوده دوائر مذهبه
.... المره الجايه ان شاء الله سوف اتكلم عن موضوع مهم هك الايام يحصل بالمدارس وخصوصاً بالطلعه ؟؟؟
للحديث بقيه... ان شاء الله







رد مع اقتباس