[للتميز عنوان]

--------------------------------------------------------------------------------




الحرمه السنعه هي التي تمثل ادوراها بكل فاعليه وحسب اللاولويه

شلون يعني ؟؟

يعني الحين هي متزوجه وفى بيتها وعندها عيال وزوج 00
ولها اهل وتعمل معلمه ولا اي شغله ثانيه وفق الشرع 00
ولها يمكن نشاط تطوعي ولها علاقات اجتماعيه مع الناس والاقارب

كيف تلعب الدور بقولكم 00

اذ راحت عند امها وابوها تلعب دور بنتهم ومن هالباب تبرهم وتسعي لخدمتهم بقدر الامكان
اذ راحت لعملها تصب جام جهدها هههه ما تجي( تصب جام) خابره هذي للغضب اللى اقصده تبذل قصاري جهدها فى عملها مو تفتح ورشة عمل فى فى المدرسه عن مشاكلها مع جارتها وزوجها ووو00
واذ راحت ورجعت لبيته تمثل الام الحنون اللى تترك كل شي وراء ظهرها لاااساعد اولادها وخدمتهم وتنسيق الامور لهم
وما ان ياتي السي سيد حتي تقول اهلا بمن اتي وهنا تمثل دور الزوجه الودود العوود المهليه المرحبه التي تزيل الهم والغم عن زوجها وتقول مرحبا بمملكتك وها انا اشاركك فيها 00

الزبده تفكر بكل دور لها وحسب المكان والوقت وتضع الاولويات ولا تخلط بينهم00

فيهن من تتقدم بطلب اجازة امومه واذ رفضت منح الاجازه قالت اجل هذي استقالتي لاانها تعرف ان الامومه لها اولويه على العمل 000

اضبطو الدور زين واعرفوا اولويتكم تسعدو فى بيوتكم


ترا نفس الشي تقريبا ينطبق على الرجل الزوج
مو يترك كل وجل وقته للمكتب والعمل وبعدها يغز كراعينه بالاستراحه
وش تركت وقت لعيالك وين الاولويه وتوزيع الادور

فى بيتك خلك لعيالك مرشد موجه مستمتع معهم
وربعك لهم وقت ومكتبك له وقت
كثير اذ سالته وين ابوك قال مشغول فى اعماله
وما ندري بيسافر ولا ندري متي بيجي 00