اقتباس: المشاركة الأصلية كتبت بواسطة ابوفهد الفضلي والله ارتاااح للالوان البنيه غاامقه (كاكاوي) او اللون الذهبي الفاتح مع الفضي وبالنسبه لانواع الغرف اميل للغرف المغربيه والف شكر على اهتمامك ومتابعتك لموضوعي يعطيك العافيه اخي ابو فهد .. بما انك بتحب الديكورات المغربيه وبتدرجات اللون البني شوف هالديكور وان شاء الله بعجبك ... حسب كلامك ... اقتباس: لينو الغرفة 4*6 وفيها دريشه وحده وحده وباب بس يعني غرفه عاديه ماهي كبيره ولا صغيره وانا احاول اجيب شي حلو يركب عليها الالوان اللي رح انصح فيها بما ان الغرفه صغيره الالوان الكمونيه فيك تصبغ حيطه وحده بلون الكمون وفيك تعمله بالصبغ الرخامي او المعفن اذا بتحب بس المهم اللون يكون باللون الكموني ... وباقي الحيطان باللون البيج علشان يعطي وسعه للغرفه ... حاول تكون الارضيه رخام او سيراميك لان السجاد بعمل تصغير للغرفه واذا حطيب سيراميك حاول تكون مقاس البلاطه من الحجم الكبير ليوحي بالكبر ... وخليهم يحطولك اياه بالمايل يعني مو مصفوف صف ... هاي بالنسبه للغرفه بشكل عام نيجي للاثاث بعد ما اتفقنا على الصبغ والبلاط ... يا سيدي الاثاث المغربي بمتاز بالكنبيات اللي بتشبه الديوانيات ... انت فيك تجيب شي شبيه له وبنفس الوقت ما بياخد مساحه كبيره من الغرفه ... فيك تججيب الكنبايات اللي على شكل حرف L وتكون ساده بدرجه لون الكمون يعني قريبه من لون الحائط اللي رح تصبغه باللون الكموني وتحطها على هالحيطه وحاول المخدرات او القرن اللي بتحطها على الكنب تكون بعدة الوان لتوحي للنظر بتغيير الالوان ... وجيب سجاده مستطيله توضع تحت الكنب ومعها طاولات باللون البني المحمر مو البني الغامق بسموه ( ريد مهاقني ) وانت اتفنن بشكل الطاولات الوسط واهم شي لا تختار النوع العادي وكل ما اخترت اللي منقوش بعطي جمال خيالي ... بهيك كنبايات انت استغليت نص الغرفه والنص التاني فيك تجمله بطاوله سفره توضع بالعرض على الحيطه ويكون على الحيطه مرايه مستطيله ماخده الحيطه كلها لتعطي كبر للغرفه واختار الطاوله ايضا باللون البني ..واللي بجمل الغرفه هو الاضاءه اخختار الاضاءه اللي فيك تتحكم بتغييرها يعني اوقات تكون قويه واوقات تكون خفيفه .. اما البردايه حاول تكون من القماش السميك اللي بكون مرسوم عليه او منقوش او مزهر يعني ما يكون ساده لان الكنب ساده حاول تججيبه اللي بكون عليه رسومات ورود لا تعمل البرادي متل التقليد اللي بتفتح من النص لا حاول تتفنن في البرادي ووتعملها من اللي بترفع لفوق وبتتصفط ورح احاول ادور لك على صوره لهيك برادي واعرضها عليك ... وان شاء الله هاليومين اذا لقيت وقت فراغ رح ارسم لكصوره عن الوصف اللي قلتلك اياه وبتشوفه اذا عجب بتعرضه على المدام وبتنفذه ...