..
غالب جو الحفر في الصيف غبار ..وأكثر النقاط اللي يدخل منها الغبار للبيت تكون
عن طريق شفاطات (دورات المياه) الله يكرمكم ..خصوصا لما تكون طافيه أو عطلانه ..
لذا وتلافيا لمشاكل الغبار ..أضطريت أني أمدد مواسير 4 بوصه من أعلى دورات المياه حتى السطح ..
بعدين فصلت صندوق (صاج) ألمنيوم وفيه مكان مخصص لمروحه شفط يتركب في سقف الحمام ..
طبعا متصل بشرشوب مع كوع للماسوره ال4 بوصه ..
ثم ركبت مروحه حديد كوريه بأربع براغي داخل الصندوق ..
بعد ذلك ركبت الديكور الستيل
ولم يتبقى ألا فتحه المروحه اللي غطيتها ب(قريل) يعني شبك تصميمه أنيق ومقبول ..
بأختصار الفكرة زي نظام الفنادق ..
أما دريشة الحمام فخليتها منور فقط للنور وبس ..وأحتياطا خليتها قلاب للأعلى في حال أحتجت أفتحها !!
يمكن الفكرة ما تهم الكثير..
لكن للأمانه أستفدت جدا منها خصوصا في موضوع الغبار ودخوله للمنزل والذي انعدم نهائيا
كذلك الروائح المزعجه واللي تطرد للسطح ..
ملاحظه:
يوجد مراوح شفط للسقف زي اللي بالفنادق تباع جاااااهزة ..
لكن كرهت تركيبها لأن الصناعه صينية والسعر مكلف نوعا ما !!
..