سوق الماشيه بحفر الباطن ماشي على البركه 000

[al-radar]

صوره

صوره

بسم الله الرحمن الرحيم

السلام عليكم ورحمة الله وبركاته

سوق المواشي المفروض تسمى سوق الانعام

سوق كبيره وفيها حركه وبركه على مستوى المملكه

لو كان هذا السوق في النعيريه كان تطور وصار عالمي

لكن حظه طاح بالحفر وبلديته النايمه السلحفانيه العجيبه

السوق غير مرتب وعشوائي وفوضوي وماشي على البركه

اذا امطرت السماء صار السوق خبيصه وزيطه وزنبليطه

بسطة السوق حويسه ومرطريسه لاتنسيق ولا تنميق

اذا طبيت السوق لزوم تطق اللطمه علشان غبرة السوق

واللتي تصيبك بالربو والحساسيه الفوريه والكحه والبحه

لو كان السوق مرصوف او مبلط مثل اسواق الاوادم

والبسطه المجاوره منظور في وضعها وشكلها المزري

حتى مواقف السيارات في السوق حوسه في حوسه

واحد واقف طول والثاني واقف عرض وكل واحد مسكر على الاخر

السوق عليه حركه غير طبيعيه لكن ماكو مجلس بلدي وماكو بلديه

لقد اسمعنا لو نادينا حيا ولكن لاحياة لمن ننادي 000

اخوكم ومحبكم الرادار من قيصومة حفر الباطن

[العنزي2009]

سوق الغنم ومادراك ماسوق الغنم

خلهم لايرتبونه ولايزينونه بس نبيهم يبعدون العماله اللي فيه اللي من كل دوله جايين ناس مالهم علاقه بالغنم
تلقى البنقالي حاط له مربط وجالس ويشري ويبيع ويحلف على الغنم انها من الجلابه وتوه شاريهن

انا شفت سوق حايل بصراحه تشكر بلديتهم على هالترتيب
الارض مرصفه والمظله فيها صبه على الارضيه والطرق اللي حول المظله معبده ولا تلقى عمال فيه وسوق الابل في الطرف الاخر من المظله

تقبل مروري

[هجمة عكسية]

منك إلى المسئولين بالبلدية

[تركي الوايلي]

اهلين بالاخ وصاحب القلم الفذ والجميل الاخ الرادار فعلا على اسمك رادار حفر الباطن ههههههههه

انا افضل من بلديه حفر الباطن ان تضع نوافير رشاشه وتكون بدل الماء يضعون عطر مركز وافضل يكون العطر من عطورات درعه لانها مركزه بشكل اكبر

والله حفر الباطن منطقه جميله ولكن مشكلتها هي قلة الخدمات والاهتمام ولو حصلت محافظة الحفر اهتمام كبير لرأيناها اجمل محافظات السعوديه ولكن الله يعين وليس باليد حيله

ومشكور اخوي الغالي الرادار

[حفراوي وافتخر10]

صدق والله اخي الرادار فهو يستحق الاعتناء به من قبل البلديه وتنظيمه ووضع ارضيه اسمنتيه او من القار له ورصفه
فهو اكبر سوق اغنام مصدر في المملكه ياتي اليه اناس من كل المملكه من اجل الشراء منه بالجمله

[الشمـــالي]

بارك الله فيك وكل ملاحظتك عين الصواب