قصيده موجهه للأمير محمد بن فهد

[غازي مطر]

يابن فهد يامير من حر مابي
بشكي لك اوضاع الحفر واشرح الحال

ياطير حرن فوق روس الهضابي
انزل على جو الحفر واترك الجال

من غيرتي يامير لاحمر ترابي
صبيت لك من صافي الشعر فنجال

تعال تكفى دون بشت وزهابي
تعال تكفى وانظر الحال بالحال

تعال للصحه وشوف الخرابي
ومن ينمرض ماصحته ترجع للعال

اخطاء طبيه وجزر العلابي
ولاهمهم مع الغزل ميلت عقال

ولافيه دراجه تشيل المصابي
ولافيه باسعاف الرجاجيل منزال

والامن ضايع في يدين الشبابي
ومرات حاميها يسّتر للانذال

في حارتي ماشفت للامن بابي
ماشفت دوريه ولا شفت خيّال

وتفحيط طول الليل بعد الغيابي
واليا اتصلنا قالو ابشر وبالحال

ونصبح على ذا الحال والنوم طابي
للي حواريهم تأمن بسلسال

وللمحكمه لوجيت والحق غابي
تاخذ بحقك بس تقطع لك امياااال

تطيب نفسك من حقوقن قرابي
تحس حقك مستحيلن ولازال

ومر الشؤون وشوف كبر المصابي
مذابحن بين الخلايق على المال

وموظفين اخلاقهم بالترابي
ماهمهم دمع اليتامى من اطفال

ولاهمهم شايب من الوقت شابي
ولاعندهم اسلوب يرقى بالاجيال

اللي موظف يستلم له زهابي
والارمله ماتملك جنيه وريال

يامير انا في ذمتك عن سرابي
واهل الحفر في ذمتك وانت حمال

حمال للصعبات وتشوف مابي
شكواي بعد اللي تعلى ومتعال

ذي نبذتن عن حالنا في كتابي
واللي خفى اعظم ولاظنتي زال

ياطير حرن فوق روس الهضابي
انزل على جو الحفر واترك الجال

الشاعر غازي مطر العفتان

[الذيب الوايلي]

شاعر الغالي

بيض الله وجهك عز الله كفيت ووفيت

شرحت معاناتنا كامله وباختصارمفيد


صح السانك شاعرنا

واسندتها ع رجال كفو الامير\ محمد ابن فهد

ان شاء الله تجد استجابة سريعه ,,,,

نامل ارسالها مباشره الى من وجهة اليه

باي طريقه

تقديرنا لك

[جيوكاندا]

صح لسانك ملايين

[غيرووطبعك]

كفيت ووفيت
وماقصرت
صح لسانك
وعز شأنك

[ريم النواااظر]

؛

صوت المواطن تتعالي حروفه شعرا
غاازي مطر/..
صح لسانك ايها الجزل
كتبت .. فأتقنت تعرية واقع
صح نبضك
وسلم حرفك
ِ

[صقار]

الدمعات هلن يابن غااازي ولم استطع اكمال نهايتها اتمنى ان تصل لصاحبها .
لله درك

[طاغي النظره]

لله درك يالشاعر البطل والكفو غازي مطر صح الله لسانك وعزالله هذا الوقع ولازليت
تحياتي لك ولاهنت ولاتحرمنا جديدك دمت بخير وامان

[ناصر11]

صح لسانك يا الاخ الشاعر غازي عفتان ,,,بيض الله وجهك ابدعت وشرحت معاناة اهالي حفر الباطن اتمنى ان تصل الى الامير محمد لان اتوقع ما يصله دايم الا كلش زين طال عمرك ,,,,,وهذا هو المشكله واساسها ,,,,,تحياتي لك 0

[فلاح الحبلاني]

قصيدة رائعة تتحدث عن اوضاع الحفر التي لاتسر حسب ماشرت اليه

والله يعدل الاوضااع بجهود سعاده المحافظ


شهاتنا فيك مجروحه يبناااخي والله يقويـــك

لعل عسى تاصل الى ابو تركي

دمت بالف خير ياعزيزي

[بن عباد]

انــــزل على جو الحفــــــــر واترك الجال
الحـر دائما فــــــــوق عالى الجبال وليس الجال