ياشينها لقيل ضفوا المعـامــــيــــل = والفرش طـووها وطووا الزوالـي وهدوا الخيام وصفطوهن معـاديـل = وضفوا بقايا عـفشكم والتوالـــــي ومـدوا قبل لاينتشر اسود الليــــــل = الليل اعمى والخبل مايبـالــــــــــي وترفقوا بالخط مامن معاجـيــــــــل = ما بالبلد غير النكـد والخمالـــــــي وتوادعـوا عسى اللقا بالمقابـيـــــل = عسى نتلاقى بمقبلات اللـيالـــــــي ويازينهالقيل شبوا الغـرامـيــــــــل = واركـوا على النيران صفر الدلالي وابنوا خيامٍ مثل روس المصاطـيـل = منها تصاغر شامخات العوالــــــي وتليموا طاب السهر والتعـاليـــــــل = وهاتوا العلوم الطيبات الجـزالــــي وصَفوا القلوب امن الغثا والغرابيل = وتمتعوا بالبر والعمر بالـــــــــــــي في راس طعسٍ حاير ابجاله السيل = بارضٍ خلا باقصى النفود الشمالي ماداج فيها راعي الفـطر الحـيــــــل = ولا رعووها مالكين الحـلالــــــــــي صـورت حال مولع البر بالحـيــــــل = لقيل ضفوا العفش عـقب الزوالـــي احمد بن عبدالرحمن العريفي (نديم المجره)
[ALIGN=CENTER][TABLETEXT="width:90%;background-color:silver;border:7px groove gray;"][CELL="filter:;"][ALIGN=center] ؛ نديم المجره /.... ونور علي نور هو حضورك تغيب ولا تأتي الا بـ سمين الحرف تسجيل حضور ولي عوده ...!! ِ [/ALIGN][/CELL][/TABLETEXT][/ALIGN]
صح لسانك كلمات جزله واحساس رائع
داااام قلمك ...ولا شلت يمينك....لك ودي
؛ القراءه لك تعطينا انطباع أننا نصعد للسماء مع كل بيت نردده علي شفاءهنا حرف متأنق ومشاعر جميله نديم المجره /... سطرت هنا أجمل حروف الشعر وكتبت اعذب المفردات وصغت اروع العبارات صح نبضك دمت بكل خير ِ
ابيااااات رائعه كروعة كاتبها صح لسانك ملايين
اعزائي شرفني مروركم واسعدني ثنائكم الله يسعدكم تحياتي
صح لسانك يانديم المجره ولاهنت على الجزله ومالومك بالبر انا أشهد فيه من شرحة الصدر والبعد عن الغثاء
صح لسانك يا احمد عزالله انها جزله انا اشهد اني سجيت فيها وترفقوا بالخط مامن معاجـيــــــــل = ما بالبلد غير النكـد والخمالـــــــي لابالله مازليت ياخوك شكرا ولاتحرمنا جديدك
صح لسانك ع هذه الأبيات جميله ...هي الكلمات....