قصيدة ( حفرالبـاطـن )
هذه القصيدة قالها الشااعر// خلف المحدى الغبين العنزي
[poem=font="Arabic Transparent,5,black,bold,normal" bkcolor="transparent" bkimage="" border="inset,4,darkred" type=0 line=0 align=center use=ex num="0,black""]
يأهل الحفر تكفون ضاع الحفر ضاع=مابين ذبح وبين سرق ورشاوي
شاخ وتحكم بالحفر كل رعراع=وساد السلوقي والثعل والظراوي
ماشيف منهم خير خبثين الأطباع=مافيهم اللي فيه عدل وتساوي
من جاء الحفر ذاق الفوايد والأمتاع=أعتاش وأنعم عقب ما كان ثاوي
المرتشي معروف لو يلبس إقناع=متبينٍ للناس مامن خفاوي
لو يختفي يمه يشيرن الأصباع=والناس ماتجهل دروب الملاوي
واليوم وينك وين يا طايل الباع=ضعنا وضيعنا ردي العزاوي
أستفردوا فينا قليلين الأسناع=ولافيه مسئولٍ يحل الدعاوي
صار الحفر بيدين مهمل وطمُاع=وتجمعت به من جميع البلاوي
فيه المواطن قام يشرى وينباع=واللي عنه مسئولٍ نومه ضحاوي
الله رمانا بين خاين وخداع=ولا فيه من تشكي عليه الشكاوي
ماغير ظلم وهضم وإحزان وأوجاع=ولافيه من يرحم ويعدل وياوي
أحقوقنا من دونها حال منٌاع=ضاعت وضيعها خبيث اللغاوي
الحق راح ولا للأصوات سمًاع=والواوي أصبح ذيب والذيب واوي
والله يا لولى الخوف من بعض الأوضاع=لاعد شيٍ صح ماهي هقاوي
شيٍ يعرفونه بعيدين الأرماع=ماهي علوم ملفقين الحكاوي
الله خلقنا أحرار في كل الأبقاع=عشنا ولا عشنا بمن ورجاوي
واليوم نرفع صوتنا نبي الأفزاع=من عند اللي بالوصف مثل النداوي
اللي أليامن قال يفعل بالاسراع=أمير نجد اللي يفك الجلاوي
أبو فهد به يحتمي كل ملتاع=يفعل فعل ماهي وعود ومناوي
سلمان له بالطيب مدخل ومطلاع=عز الرياض اللي للأمجاد حاوي
مكانته بين المحاني والاضلاع=ريف الفقير المبتلش والغناوي
يآمن به اللي من شقى الوقت مرتاع=ويفرح به المضيوم ريف الفداوي
وأيضا الأمير اللي أليا قال بتاع=له كلمةٍ لاقالها ما يراوي
ولد أخو سلمان لعداه سبٌاع=محمد اللي للمراجل مخاوي
مثل الصقيل اللي للأرقاب قطاع=من رأس أبو فيصل بعيد الخطاوي
للطٌيب والمعروف والخير جمٌاع=ولد فهد يوم النشب والنخاوي
وعلى الرسول اللي للإسلام شفًاع=صلوا عدد رمل الحفر والصداوي[/poem]