أنا خلصت من الهوى سامحيني=ما عاد في قلبي للأشواق ميلاد
تحملت صدمات الأيام عيني=بين الظروف وبين سهدي والإجهاد
عمر الفرح ما زار شقوة سنيني=ولا لبس قلب الشقى ثوب الإسعاد
عجزت أسدد بالأمل ربع ديني=ما فاد صبري في رجا الوقت ما فاد
خليك في دربك ولا تطلميني=ما بغى خفوقك للمتاهات ينقاد
وما بغى الزمان اللي رماني رهيني=يرميك واللي صار لي فيك ينعاد
وما بيك في ظن الغلط تفهميني=ياجب علينا نجرح الوصل ببعاد
ودي أبادلك الفرح والحنيني=وأرسم لشوفك بين الأهداب ميعاد
ودي أريح في يدينك يديني=وأطلق خطاوي غربتي رحلة أعياد
ودي ولكن لي رجا سامحيني=ماعاد في قلبي للأشواق ميلاد
الشاعرالرائع الدكتور / علي الزعبي