اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > أخبار الشعر بالإعلام ولقاءات الشعراء

أخبار الشعر بالإعلام ولقاءات الشعراء كل ما يتعلق بقضايا الشعر بالإعلام المرئي والمقروء ولقاءات حصرية مع بعض الشعراء

 
 
أدوات الموضوع انواع عرض الموضوع
قديم 22-10-08, 05:46 PM   رقم المشاركة : 11
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]مـن قصائدهم :

{ .. محمد الوسمي
صدري سما .. وانتي جروحك عصافير
كم غرّدت وعوق قلبي لحنهـــــا
يعني تفارقنا ! وبعدين شـ يصيـر ؟
هذي هي الدنيا وهذي سننهـــــا
مالـك عليّ .. إلا أرسم جناح وآطير
وأرجّع حروح الغريــب لوطنهــا








{ .. ردّة السفياني
بسمتـك فرحة ضيف جايع في قرى بدوٍ كرام
ومعذبة من كثر جوده فك صدره وادخلـــه
إنتي ليا قلتـي / أحبك
ثارت الدنيـا قيـــام
وأحس كنّي في بدايات الطريق من أولـــه
وانا متى ماقلت / أحبك
يرتجف جفـن الظـلام
والصبح يتنفّس مكاني والصعيب .. أستسهله !








{ .. مستور المالكي
من غلاتك في شراييني توهّج وانسكــــاب
على قريحـة شاعرك تسكب بـيـوت ميسـرة
ماقد عصرت أفكاري أبحث عن ركايبها النجاب
أستلهم أطيافك على فكري ، وطيفك .. يعصره
واشتـاق لــك
واشعل ضلوعي
شمــــــع
والشمـع المُذاب
أعيد تصنيعه من أشعاري قصايـد .. ممطره !







{ .. خالد الذيابي
والله إنك فــارضٍ فيني غلاك
خطوتي تمشي وتجبرني ..عليك
آتضايق لين أســرّح في بهاك
وانتهي بك بالقصايـد .. وابتديك
القصايد ماتوفّــــي في حلاك
ولا تنصّف في جمـالٍ .. معتليك

..






[/align]







التوقيع :

قديم 22-10-08, 05:48 PM   رقم المشاركة : 12
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

exll رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]





{ .. خبر حصري
يدور في الوسط ان هناك شاعرات سعوديات تقدمن للجنة للمشاركة
في شاعر المليون !
الا ان اللجنه التحكيميـة رفضت الالتقاء بهن في المملكة
لالتزامهم بعادات وتقاليد البلد الذين يتواجـدون فيـــه


،
،
،



إنتهـت جولـة جدة






[/align]







قديم 22-10-08, 05:51 PM   رقم المشاركة : 13
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

Smile رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]واذكر بعض الاسماء المشاركه في برنامج شاعر المليون النسخه الثالثه من ( حفرالباطن)

وان شاء الله سوف ازودكم ببعض النصوص في القريب العاجل

سلطان الاسيمر
عبدالعزيز ابراهيم الشهيل << خال صديقنا ابو العز
مزعل عياده المزعل
مانع الخالد
نواف المزيريب << تم اجازته من قبل اللجنة في ابوظبي
طلال العبهول كاتب غنائي وله بعض الاصدارات في اكثر من عمل غنائي واكثر من فنان
حمد الشمري
عبدالعزيز نواف الشمري ابن عم الشاعر عبدالرحمن عادل الشمري
عايد ارميض
حميد عيد العيد
وهناك بعض الاسماء التي لا تحضرني سوف اقوم ان شاء الله بتزويدكم بها مع نصوصهم
[/align]







قديم 22-10-08, 05:58 PM   رقم المشاركة : 14
مرشد الفياض
عضو فضي
الملف الشخصي






 
الحالة
مرشد الفياض غير متواجد حالياً

 


 

رد: °l||l° .. تغطيـة شاعر المليون ( النسخة الثالثـة ) .. °l||l°

ابـــو مالــك

اللـــه يعطيـك العافيـــــــه


مجهــود تشكــر عليــــــــه

وبرنــامج فيــه من الأحـــداث الكثيــــر

سلمت يــداك ولاهنت

دمت بخيــر00







قديم 22-10-08, 05:59 PM   رقم المشاركة : 15
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]


مجموعة شعراء









الشاعرين / اكرم التلاوي + مستور المالكي



بركات الشمري شاعر الجميل الذي كان من أبرز الشعراء

الذين تمت اجازتهم في الرياض.






شاعر المبدع ( سلطان الأسيمر ) أحد أبرز الشعراء في الساحة الكويتية

كان من الشعراء الذين قابلوا اللجنة وتمت اجازته في الكويت حيث انتقل إلى مرحلة ماقبل الـ 48 ...

وهذا هو النص الذي شارك به أمام اللجنة :

.
.
.

لـك يابـحـر ذنــب ومـواجـع وتجـريـح "
" وبـك يابحـر غـرقـت قـلـوب ٍ جريـحـه

كـم مـن خطـاوي وقفـت قدمـك إتصـيـح "
" وكـم شـي فـي صـدري ولا اقـدر ابيـحـه

سولـف ولكـن خـايـف ارتــاح وآطـيـح "
" وانـــا فـــؤادي ماتـحـمـل مطـيـحـه

خـذ يابحـر صـمـت المشـاعـر تبـاريـح "
" واشعـل ضمـا ملـحـك بنـفـس ٍ شحيـحـه

يـوم الحقيقـه ويـل / جرحـي غـدى ريـح "
" وبعـض الوجـيـه الـلـي تـمـرك قبيـحـه

صديـت عــن ذيــك اللـيـال المشافـيـح "
" اللـي غـدت بأنـفـاس صــدري وشيـحـه

وموج الخليـج اللـي غسـل زمرةالشيح
( كم ليلة ٍ ) منـّي تمـكـّن فحـيحـه

وبعـض الغـلا اللـي يستـره هـرج تلمـيـح "
" ذنبـه علـى جنـبـه الـيـا فــاح ريـحـه

والخطـوه الـلـي مالـهـا خــف ٍ إمـريـح "
" عّــن الركـايـب واسـتـمـع للنصـيـحـه

لـو المحبـه ( قـرش ) عشـنـا طحاطـيـح "
" ولــو الشـعـر مـايـل عــزاه القريـحـه

نعيـش بالـواقـع ولـكـن عـلـى ميييـيـح "
" ضـاعـت مفاهـيـم الـكـلام وصحـيـحـه

ويـا بحـر قلـي /ويـش ابـا آقـول وآبيـح "
" لا علـقـت كــل الـنـفـوس الطـريـحـه

وانـا عـزاي انـي عـن الـكـون مآشـيـح "
" وجهـي ولـو ضـاقـت علـيـه الفسيـحـه

هـذا الكـلام ولا يـبـي( فـصـل ) تنقـيـح "
" أن قـلـت وان ماقـلـت بـانـت صريـحـه

ان كـان فـي صـدري مــزون ومـراويـح "
" قلـب ٍ وطيـتـه ( ربــه) الـلـي يبيـحـه



بالتوفيق لشاعر سلطان الأسيمر ولجميع المشاركين
[/align]







قديم 22-10-08, 06:04 PM   رقم المشاركة : 16
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]



شاعر المحلّق في سماء الشعر ( عبدالله الحميدي )
تمت اجازته من قبل اللجنة حيث شارك أمامهم بهذه القصيدة الشامخة :

.
.
.
باقي عطر : (كـارون) .. ذكـرى بعيديـن
هو, وملامح وقـت.. ترجـع مـع الوقـت

هـدايـا ناس.اتـذكـرك نــاس ثانـيـن
كنّـك : كذبـت اتسلّـي نفسـكْ ..وصدّقـت

صديق راح..ابعد من : منين؟ .. ولـ: وين ؟
وإن راح لـك صديـق .. كنّـك تفـرقـت

مـا اهدانـي الا /افكـار ضيقـات ناسيـن
بعيـوب طبـعٍ ..ومـن طبوعـي تشققـت

صرت ورقـه بيديـن عابر..مشـى سنيـن
لا..والله الاّ..صــرت طـفـل /وتعـوّقـت

لـه عـام رايـح.. عام..وتقـول يوميـن
وضميـري يدفعني..لـو انـي له..انسقـت

لامـن هـرج تسمـع سواليفـه العـيـن
مـن لمحـه وحـده فيـه / تلقـاك دققـت

عليـه قلـبـي مـاهـو محتاج..تحنـيـن
احنّ لـه..واذا سلـى هـو .. انـا اشتقـت

احـسّ فـي ممشـاي له..تحتـي الطـيـن
واصلـت/ ماوصلـت ... ابرجـع/ توهقـت

دريـت عقـب مفارقـه إنّــه : اثنـيـن
الثاني / مظلم ..مهما انـا جيـت واشرقـت

والاول .. يغلـي فينـي الزيـن والشـيـن
والثانـي خـلانـي مـعـه.. ماتوفـقـت

يعـرف مـزاجـي زيـن..واقـدّره زيــن
من بعـده ان ناظـرت باحوالـي.. اشفقـت

صعبـه..إذا تصعـب علـى نفسـك بحيـن
والاصعب انـك وانـت فـي ضيقتك..ضقـت

وشلون اعرف الذنب..والوضـع تخميـن ؟!
كـلّـي هروج..وبالمـلامـح تنـاطـقـت

ساكت ويبقى الحكي..من عيـن الـى عيـن
يحكى ونيـن ..ولاغشـا السمـع/ عرّقـت

ارثـي صـديـق..ولازم اكـتـب بعينـيـن
لاصـدت الاخـرى.. بـالاخـرى توايـقـت

ولاصار بإحساسي له ..احسـاس مخطيـن
وين النظر ..وانا مـن اقصـاي /دنقـت؟ !

يذبح احسـاس ( اللـي امسّويـن ساليـن)
الذكـريـات الثابـتـه كنّـهـا : الـوقـت

وبعـض الاغانـي.. ذكـريـات المقفّـيـن
وبعـض العطـر لاسال..كـلّـك تدلّـقـت

مبعـد .. وكنّـه : ديـرة اقصـى بعيديـن
حتى لـو انّـي مـزن ... دونـه تفرّقـت !




بالتوفيق للجميل عبدالله الحميدي ولجميع شعراء المشاركين



ضاً شاعر المبدع ( عبدالله الراشد )
كان أبرز الشعراء السعوديين الذين قابلوا اللجنة في الأردن وقد تمت اجازته من قبل اللجنة
وطلبوا منه نص آخر غير النص الأساسي المخصص للمشاركة ..
عبدالله الراشد خلال مقابلته لـ اللجنة قدّم لهم هذه القصيدة وهي عبارة عن مقدّمة فقط :
.
.
.


بكار الافكار من زود الظـما وردن
وسمي عليهن يخلط الشوف ويعجنه

صفن تحت سقف غيم اللجنة وصردن
ومن كل بكرة حلبت الشعـر لـ اللجـنة

والله ماني بـ متحايل ولـو طردن
اشوف حرفي مدامع والورق وجــنه

شاعر رشيدي لحقت الركب بالأردن
ربعي يقولون شف طلعك وروح اجنه

وان وفـّق الله ورحت هناك وانجردن
رحت اظهر الحرف قبل يموت في سجنه

وراع الهجن يوم هيجـن هجنة انفردن
وفي حـــزة السبق ــ كلً تفرقة هجنه



وبدأ في قصيدته الأساسية والتي لاتقل روعة عن سابقتها

وهذه هي قصيدته الأساسية :



غـيبـي عشان اشتاق،،ياطـفلة الروح
وتعــمدي من غير قـصدك ، ومـرّي

وخليني ، اشرب ضحكتك قبل ماتروح
ودرّي عـلي ّبــمعـتّــق السحـر ، درّي

وموني علي اكـثر ،، وخــليني ابــوح
وديري عـليّ بالك معـاك ،، وتـدرّي

وخليني بعـرقــك على جنب مطروح
حتي لو انه تحت جلـــــدك مقــرّي

خـلاص مـال مرايتك فيك مــصلوح
مير ان تــزينـتي ، بـعـيـني تمـري

ثغـرك( بحر شعـر) بقلم روج مـسبوح
وكحلك تبـرج بالــقـصــيد وتعـرّي

وصـدرك وسيع ـ وبابة ينام مفـتوح
وعـينك وسيعـة صدر، يالـب دري

وصوتك يــدس الدمع والدمع ملموح
وصـمتك يخــــبّي والتنحنح يوري

وانتي هـديّه عـطرها سـربٍ يفوح
وربطة غــلافـك كنها قـفل سرّي

انتي خــفيفة ظل ولشمسك سطوح
طـلّي وشوفـيني , ماجيت وتحرّي

وان جيت لك عطشان وانفـاسي تنوح
قولي وش ابشر فية ، واقـول بالرِّي

جـرّة نِـفسك بطعمة قهـــوتي تلـوح
قصيتها ساكت ــ وحلويت مـري

صوتي خلق لـ اذنك حلق مالة قروح
وكل مـ اشهق الضيق انقطع سلك زري

وممنوعك المرغوب بعـدين مسموح
وكـانّي خـجول ، انتي بدالـي تجرّي

الله كتبك ولازم أقراك بـوضوح
وان ماحفـظـتك غـيب ـ مني تبرّي

ياترفتي وش ذنبي اعـيش مذبوح
وكانك نسيتي من ذبحـني تطرّي !

لاتوقفين بنفسي اصير مفضوح
امشي على سورالهوى واستمرّي

حلمي غدا أشهب كنه غبار في لوح
وتخـيّري مــني مـكان و تـذرّي

يامدخـل اول بيت من طلعة الروح
ان قلت قِرّي بالخفوق استقرّي


ــــــــــــــــ// ــــــــــــــــــــــــــــــ// ــــــــــــــــــــ//
[/align]







قديم 22-10-08, 06:06 PM   رقم المشاركة : 17
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]

لشاعر ( خالد صالح الحربي ) يشارك للمرة الثانية في برنامج شاعر المليون وقد تمّت اجازته من قبل اللجنة

الجدير بالذكر أن خالد لم يحالفه الحظ في السنة الماضية رغم توهجه في الحلقات التسجيلية

ولكن نتمنى أن يتم قبوله ضمن الـ 48 هذه المرّة ..

فالتفريط في مثل هذا الشاعر يعتبر خسارة كبيرة للبرنامج في نظري ..


قصيدة خالد صالح الحربي التي شارك بها هذه السنة أمام اللجنة :



يا..(ريم)..نصف..أحلامنا..ما..توفِّي
........والنصـف..الآخــر../.بالقناعـة..مموَّه


غربه..وحربة../.وأزمنه..ما..تكـفِّي
........لعنـه..وطعـنـه../..وألسنـه..ما..تفـوَّه


وجـه..ووجاهـه../.وأقنعـه..للتخـفِّي
........ رميـة..ومرمـا../..والضحـيـة..مـروَّه


أجساد..نحيـا../..في..شعـور..اْمتوفِّي
........أخـوان../..لكـن..ناقـصـتـنـا..الأخـوَّة


أقـدامـنا..كـلـَّت../..وقلـنـا..تعفَّـي
.........آلامنـا..قـلـَّت../..وقلـنــا../.فـتـوَّه


تاريخـنـا../..جفــنٍ..علينـا..يغــفِّي
........لأجـل..(اليتيـم)../..يذوق..طعـم..الأبوَّة


ثلثٍ..يضيـف../.وثلـثٍ..آخـر..يضفـِّي
........ وثـلـثٍ..يكمـِّل../..نقصنـا..من..نمـوّه


دام..الشتـا../.ياريـم..ممكــن..يدفِّي
........حـرام..تبـقـى../.هالأصـابـع..عــدوَّه


والله..لألـم../.اللـي..(تبعـثر)..بكـفي
.........مادام..هـمّ../.اللـي..(تعــثَّر)..سمـوّه


أباأشعـلك..يا..(شمعتيني)..وأطفِّي
........ضـوِّي..وكـل..إنسـان..حـرٍّ..بضـوّه


يا..ريـم../.كلّ..(أحلامنا)..مـاتوفِّي
.......و(أحلا..المُـنـا)../.ماكـان..أول..ممـوّه
.
.

التوفيق لخالد ولجميع الشعراء المشاركين


[ جولة أبو ظبي ] .. .

من 6 / 10 ،
إلى : 8 / 10


المسرح الوطني .. .


كل التوفيق للشعراء المشاركين
[/align]







قديم 22-10-08, 06:10 PM   رقم المشاركة : 18
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

icon43 رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]وبدأت الجولة حيث شارك الكثير من الشعراء وقاموا بمقابلة اللجنة

الجدير بالذكر أن عدد من الشعراء المعروفين شاركوا مساء أمس واليوم في آخر جولات البرنامج

مثل الشاعر السعودي المعروف : مطلق بن شوية



لشاعر السعودي المعروف أيضاً : علي السبعان



//

//

شعراء يشاركون في جولة ابو ظبي الأخيرة وفي اليوم الأخير بالضبط ..!

وهم :

عبدالله التومي وعبدالرحمن الخالدي وحمدان المحرمي وأصيلة المعمري ,

وهنالك الكثير من الشعراء أيضاً المعروفين من خارج تقدموا للمشاركة في جولة أبو ظبي

مثل الشاعر نايف معلاّ العتيبي والشاعر راشد آل سالمين ...



حمدان المحرمي



أصيلة المعمري




عبدالله التومي وعبدالرحمن الخالدي


//

//

شاعرة سعودية تشارك في جولة أبو ظبي !!


شاركت مساء أمس الشاعرة السعودية بلقيس الشميري وانتهت من مقابلة لجنة التحكيم

ولاأعلم عن مستواها وهل تمت اجازتها أو لا ..

فـ بلقيس الشميري غير معروفة في الساحة على الإطلاق ,

وربما تكون شاركت في البرنامج لمجرد الظهور في الحلقات التسجيلية

لتعمل ضجة كونها من بلد محافظ جداً يمنع الإختلاط بين الجنسين ..!

وبذلك تكون بلقيس الشميري هي أول شاعرة سعودية

تقدم على المشاركة في البرنامج على مدار الثلاث سنوات ..!

عموماً

إن غداً لناظره قريب
[/align]







قديم 22-10-08, 06:13 PM   رقم المشاركة : 19
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

mumaiz رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]

شاعر الجميل ( نواف المزيريب ) كان ممّن قابلوا اللجنة في جولة أبو ظبي أيضاً

وتمّت إجازة قصيدته بلا شك وبذلك ينتقل لمرحلة ماقبل الـ 48 ...

وكان النص الذي شارك به نواف المزيريب هو :

.
.
.


يوم إنفجر بركان صمتي وإرتفع صـوت الصهيـل
جتنى القوافـي تعتزي والخيل من خيّالـهـا

رقيت بحروفي سما وقام يتبسّـم لـي سهيـل
وأيقنت بـأن الطايلـه تقصـر لمـن يرقالهـا

شاعر بذرت الشعر بتراب الليالـي والحصيـل
احساس يملي له قلوب ٍ كـم شقـت بأحوالهـا

ناس ملكوني بالوفا واليوم جاء رد الجميـل
بأروي قلوب ٍ ظاميه وأعـزف علـى موّالهـا

أبشعل الساحه شعـر مـا دام بيـديّ الفتيـل
وأقلّب الموجه علـى كيفـي وأعيـد إرسالهـا

الليله احساس وغزل وأشـواق وعتاب ورحيـل
أبذكـر اللـي مانسـى قلبـي محـط رحالهـا

ذيك الهنوف اللي طرت لي بنت عم السلسبيـل
اللي حمولتها غنـج والزيـن يصبـح خالهـا

الصبح لامن خاوته يقهـر بهـا نجمـات ليـل
والليل طـوّل بالسهـر يـوم إنتثـر شلالهـا

مغرورة ٍ يسكن حورها رمش مكسـور وذليـل
خجولـة ٍ لا غافلتهـا الريـح ضمّـت شالهـا

عفافها خل ٍ وفي وإحساسـي الصـادق خليـل
دلّة مشاعر طاهـره محـدن شـرب فنجالهـا

تاخذ من نجوم السما وترتّـب الثغـر الجميـل
وتهدي من الثغر السما نجمـات زاد إشعالهـا

ما كنّها ألاّ قطعـة ٍ مـن ثلـج لكـن ماتسيـل
كل ما أشرقت شمس العتب صار الخفوق ظلالها

ياكثرها في قلب منهو يرتجـي منهـا القليـل
وياقلها بيـن الثوانـي فـي عيـون وصالهـا

راحت وأنا من بعدها رحّـال وعيونـي تخيـل
غيمة وصال ٍ من جفـا كـان الظمـا همّالهـا

الله يسهّل دربها وأنـا لـي الـدرب الطويـل
أركض ورا قولة نعم وأشفق على مـن نالهـا

والله يجمّلني مع أهل الطيـب وآمـد الجزيـل
وأنـا لهـا وإن قالـه الله لأعتلـي بجبالـهـا



بالتوفيق للشاعر نواف المزيريب ولجميع شعراء المشاركين
[/align]







قديم 22-10-08, 06:17 PM   رقم المشاركة : 20
ابومالك
مشرف سابق
الملف الشخصي







 
الحالة
ابومالك غير متواجد حالياً

 


 

رد: °l||l° .. تغطيـة شاعر المليون ( النسخة الثالثـة ) .. °l||l°

[align=center]

شاعر القطري نواف المغامس انتهى ايضاً من مقابلة لجنة التحكيم في جولة ابو ظبي

وتمت اجازته من قبل اللجنة

بالتوفيق لـ نواف المغامس ولجميع شعراء المشاركين



الشاعرة ( أصيلة المعمري ) انتهت من مقابلة اللجنة قي الجولة الأخيرة في أبو ظبي

وتمّت اجازة قصيدتها بالإجماع من قبل لجنة التحكيم ,

وأمتدحت أصيلة المعمري التنظيم في جولة أبو ظبي وقالت لديوانية شاعر المليون

( لابد أن نقول انه كتنظيم ما قصروا معانا وكنا نجد منهم كل الاحتفاء )

وكان النصّ الذ شاركت به الشاعرة أصيلة المعمري في البرنامج هو :

( كربة الغربة )

غربه ، وجيتـك يالوطـن تحتوينـي
كربه، وانا فـي داخلـي هـمّ غربـه

ضيّعـت حلـمٍ راسماتـه : يديـنـي
وضاع الفرح بَعْده لدغنـي بـدربـه

أذبح وطن حزني ، وَلا احني جبينـي
وأسكن قبر غربه ، محاصر بـقربـه

حتى ولـو بعـت الحـزن يشترينـي
يرجع مثل طير(ن) فقـد درب سربـه

يكفي يـدوزن طعنتـه فـي سنينـي
شتت ملامح هـالوطن ، صاب ضربه

مـا أشتهـي دنيـا ، وَلَا تشتهيـنـي
لَنّ القدر حتّـم علـى الـروح حربـه

مدري متـى بلقـى وطـن يرتوينـي
يشرب مِزِن عيني ، وتنسـاه كربـه

غربـه تشاغبنـي وتطـوي حنينـي
غربه تبعثرنـي وانـا أصـل تربـه

طفلـه أنـا يمّـه ، قبـل تحضنينـي
ماكو حزن ،قلبي نسـى لا يمُـرْ بِـه

غربه ، وحزني وش كثـر يرتجينـي
وكاس الوجع والله خنقنـي بـشربـه




بالتوفيق لأصيلة المعمري ولجميع شعراء المشاركين
[/align]







 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:35 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم