الـــسلام عليكم ورحمـــة الله وبركــــــاته..
كـــل عــــام ونتم بخير وصحه وسلامه
وتقبل الله منا ومنكم صالح الأعمال إن شالله
والعذر والسموحه من تأخري بردوود وعدم تواجدي المستمر
ونا اليوم جايتكم بقصيدهـ جديده ويارب تعجبكم
وتعجب كل من مر عليها ....ولا تحرموني من توجيهاتكم مهما كان مالي غنات عنكم
وعن رايكم فيما ينبض به قلمي
ولاتحرموني من نظرهـ اعجاب او نظرهـ نقـــــد تزهو بكليماتي للأفضل
والحين اتركم مع القصيده
إن طال عمري ياهوى الروح مانساك=بعيش في ذكراك باقي زماني
يفداك حالي يابعدهم ويفداك=جرح ٍ طواه الضيم والعمر فاني
ياوافيلي والمراجل مزاياك=لك بسمتي لك دمعتي لك حناني
انت الوحيد بداخل القلب ذكراك=ياللي بنيت بقربك احلا الأماني
اطير من كثر الفرح يوم لقياك=وصدري يضيق بغيبتك لو ثواني
وينك من اول مختفي وين دنياك=حظي سأل عني وشوقك لقاني
حلمي بهاالدنيا سعادتك ورضاك=وغيرك بقلبي مابه انسان ثاني
اهواك ياسبة مشاويري اهواك=حبك من الوان السعاده سقاني
يعلني ماذوق حرك ولاماك=وانت بعد ماتذوق حر الغواني
والله لو غربني الوقت مانساك=يابلسم جروحي وغنوة زماني
اختكم الكاااااااااسرهـ
تنويه
بصراحه المنتدى مدري وش بلاهـ حاولت اكثر من مره انسق القصيده ماقدرت
والعذر والسموحه طلعت لكم بهاشكل العادي
لكن الزين بالمضمون ولا الشكل زايل
لي رجــعــه..