القصيدة لشاعر الحفر المبدع : عايض عبهول الظفيري .
[align=right]الله يالايام ياهي كم علينا تمون
كم كــسّرت في خواطرنا ولا نسأله
كم شاغلتنا حقيقة واعتقتنا ظنون
كم علمتنا لبعض وبعض ما نجهله
مره تجينا تخدرنا بهز المتون
تضحك علينا وهي للحزن ما أعجله
هذا أنا كل مابي مشرعن للجنون
والليل هذا يحرك رغبةٍ ممحله
لا الوجه وجهي ولا ذيك العيون العيون
ما عاد باقي سوى دمي وابي أبذله
لو هان بعض المشاعر , بعضها ما يهون
عندي ولا احلى من الصعبة , وانا أستسهله
خلاص أبخرج على نفسي واعيش مغبون
واقبل من الوقت شيّ ما كنت اقبله
ابتوغل بليلٍ ضارب بالطعون
واكتب على جبهة التاريخ هالمسأله
ليه الفقارى لهم حلم عظيم ويخون ؟؟
ليه المبادئ تميل وماحدن يعدله ؟؟
ليه انكسرنا مثل صحرا جفتها المزون ؟؟
يهب فينا الظما من وين ما ندهله
عفواً أنا كنت شاعر قبل شعري يكون ..!!
والليل هذا يهددني وانا بقتله ..!!
[/align]