[align=center]أخوي بوح ...انا يوم الخميس عندي أحلى يوم والامور كلها تمام التمام ... ماشي على الجاده والرزف على الله .... يعطيك العافيه وبكره إن شاء الله ... ولا صح بكره الجمعه ... بعد بكره الزحمه يمكن أطلع بشي مفيد وأحطة في استراحتك ....
شكرا على الضيافه والفنجال المبهر ( كأني .. يعني ... كأني ) شربت دله
أنا قافله معي ، وقفلها الفارس بالقصة اللي ذكرها ، وعلى فكرة يالفارس يقول المثل " لا تأمن المصري على مالك واليمني على عرضك " . المهم دائماً أحس إن إذا الله بيعذبني يرسل لي لوح من الليحان المتجمعه في الشوارع ، لما يصير معي موقف مع واحد دلخ تقفل الدينا بوجهي ، صعب جداً إني أطقه ( تقدرون تقولون من باب الخوف ) . لما يرتفع ضغطي من دلخ أجلس بالساعات ضايق صدري ، اليوم إتصلت على واحد من الشباب أسأله عن محل فطاير روعه ، وصف لي المحل ، المهم وانا طالع للمحل ، قصرت دونه ، ودخلت بوفيه كبيره ، سألت راعي البوفية ( يماني ) : عندك فطاير ؟ قال : وش نوع الفطاير اللي تبيها ؟ قلت : وش عندك بالضبط ؟ قال : أنت علمني وش تبي وأنا حاضر ، قلت : فطاير جبن ، بيض ، بيتزا ؟ قال : لا والله ياخوي عندي بس مطبق وفلافل وشكشوكه ، أنا قفلت معي ، قلت : والفطاير ؟ قال : ماعندي ، قلت : طيب ليش تسأل من الأساس عن نوع الفطاير اللي أطلبها ، أبتسم وما قال شيء ، وأنا اعطيه ظهري ، قلت : ما خرب الديره إلا أنت وأشكالك ، وقبل لا أطلع من المحل لمحت طبلون الكهرب ، طفيته وطلعت ، أحس إني برد حرتي . بس بالعادة تصير معي مواقف ما أدري شلون أفش خلقي منها ، لما يرتفع ضغطك من واحد لوح ولا من ولد صغير وش السواة ؟ يعني مره ولد أختي سمع إني جاي من السفر ، جاء للبيت ودخل عليه بالغرفة وصحاني من النوم ، قلت : وش تبي ، قال : خالي إشتر لي خنفس :) ، هذا وش تسوي معه ، تتوطى في بطنه وعمره ما كمل اربع سنوات ؟
المشاركة الأصلية كتبت بواسطة امــــــ الليل ـــــير
لي اسبوع وانا في الرياض
زحمه بزحمه
والله طفشت من زحمتها ياجروح
والاسبوع القادم سوف اغادر ان شاء الله
مسكين الي ماعنده مكيف بسيارته
صباحك عسل أمير ، بس أهل الرياض يقولون بعد البلوتوث صار للزحمه طعم آخر ، يعني أنقلبت الآيه ، صار الواحد يدخل مع الشارع وتلفون مافيه لا ملفات فيديو ولا صوت ، ولا صورة ، يوصل لنهاية الشارع يصير فُل .
فتك بعافية يا قمر
جروح الذاكرة " يطلب من الأمير سلمان بتسهيل تنقلات الضيف أمير الليل في شوارع الرياض " :)
العرض العادي
