وين المثقفين وهل الالغاز

[الشعبان]

بسم الله الرحمن الرحيم
السلام عليكم ورحمة الله وبركاته

نبي الحل

شيخٍ بنى له بيت والبيـت ما شيف
عـجـزوا جميع الناس لا يكشفونه

تجمعـوا حولـه مـن السـيـف للـسـيـف
نـاس(ن) وراه ونـاس بالـشـوف دونـه

بيـن القـرى موحـش وميدانه مخيـف
والـنـاس لـو شافوه مـايـسـكـنـونــه

حامي شتاه وبـارد الجو بالصـيـف
عـكـس الطـبـيـعـة لا تـخـيـلـت لـونـه

ماهو حقيـقـي بـس مـاهـو بتـزيـيـف
فـيـه الكـرامـة تـتـصــف والـمـهـونـه

يذكـر ويـوصـف بالقـريـات وطـريـف
ولاهـو غـريـب بـنـجـد لــو يـذكـرونـه

يـاكـثـر مـادارت لـعـرفــه سـوالـيـف
وياكـثـر نـاس(ن) بينـهـم يـجـهـلـونـه

وسـع خـيالك وإلـتـزم بـالتـواصـيـف
يـالـلـي تـبـي حـلـه وتعشـق فـنـونـه

حاول تحصر الكم فـي خانة الكيـف
وتـصـور المـعـنـى وتكـشـف ركـونـه

بيت(ن) بنـاه الشيخ والبيت ماشيـف
عـجـزوا جميـع الـنـاس لا يكشفـونـه

[بحّة الشوق]

لغز ممتع ولاهنت ي الشعبان انت ماتجيب إلا الشي الثقيل

[ريم النواااظر]

؛


بيت(ن) بناه الشيخ والبيت ماشيف
عجزوا جميع النـاس لا يكشفونـه

/
الشعبان/..
حياك.المولي
ألف شكر للغز االرائع والممتع

وحله هو /بيت الشعر
اللي يقروونه الجميع لكن ليس الكل يعرف المعني
فمعاني القصايد كثيرا ماتكون عند شاعرها
وعلي قولتهم /المعني ببطن الشاعر



ِ

[الشعبان]

اقتباس: المشاركة الأصلية كتبت بواسطة بحّة الشوق    لغز ممتع ولاهنت ي الشعبان انت ماتجيب إلا الشي الثقيل

ماتهون ياتاج راسي

والثقيل للرجل الثقيل
وانت من اللي يشيلون الثقيل
مشكووووووور
ربي يسعدك

[ابومحمد الظفيري]

وعليكم السلام ورحمة الله وبركاته

تسلم على الالغاز الطيبه اخوي الشعبان

اتوقع حل الاخت ريم صوب الهدف نبي رايك بحلها

[الشعبان]

ريم النواظر

اخووي الغالي ابو محمد

الحل الذي اتت به اختنا لا ينطبق عليه اللغز
وش دخل القريات وطريف والبرد والحر
الا اذا وضحتو لنا ذالك يمقن نقول صحيح
لن الحل لهلحين لم يحله احد
وانا كاشخ فيكم قلت تحلوووونه ههع
ربي يسعدكم جميعاً

[ابومحمد الظفيري]

القريات وطريف ونجد يوجد بها من الشعراء الكثير اي بيئات شعريه ولا يستقرب ان مقولة المعنا ابطن الشاعر تقال هناك والشاعر اختزلهن عن مدن المملكه وغيرها للتمويه ولانهن مع قافية ووزن اللغز اما البرد والحر هي ان الشاعر يغير معناه بكيفه ان بغا يصدق ون بغا يكذب اي عكس ونبي منك رمعه مع التحليل

[الشعبان]

والله يابو محمد
انا معك ومع اختنا ريم
والكل يقول هذا الحل ولكن صاحب اللغز لم يعطينا الجواب

اما انا رمعتي وخاصة في بداية اللغز
هو الوادي (الشعيب)
لكن يوم استدل الشاعر بالبيوت الاخيره يتغير الحل
والله اعلم
حاول وشف شيبانك تراهم يحلونه
وربي يسعد الجميع

[ابوبيان]

لاهنت أخوي الشعبان على هاللغز الجزل
والحل سبقتني فيه الأخت ريم

اللغز هذا قديم وتم حله من قبل إبن فريح منذ عامين وأكثر
وحله هو (( البيت اللي معناه في بطن الشاعر )) المعنى في بطن الشاعر

[بطاح]

الغار يمكن نعم ويمكن لا