السلام عليكم ورحمة الله وبركاته::
.
قـلت : أحبك وهـبّ الريـح من بـدري !
.................... لـين في نـون عـيني مـالت أغـصاني !
قـلت : أحـبك وزمجر في سمـا صـدري !
.................... راعـد الشـوق ليـن أمطـرت هـتّانـي !
عـاد لاطـار مـن عـش الهـدب قمـري !
.................... سـامح الله " لقمـة عـيش " وجـدانـي !
قـلت : أحـبك وغـنّت حـنجرة صـبري !
.................... ( لامـتى فـي عـيوني يسكـن لسانـي )
قـلت : أحـبك .. وعـاتبني كـبر قـدري !
.................... ليـه أحـبك !! وليـه الـحـب بكـّانـي !
وليـه قـلبي صـرخ لي : ماهـو بكـبري !
.................... قـلبه اللـي تسـمّـر فـوق جـدرانـي !
قـلت : أحـبك .. قـبل ماأبيّـن وتـدري !
.................... ليـن جـت عـيني بعـينك / وعـرّانـي !
مـوضع إعجـاب كـان لدمعتـي عـذري !
.................... نرفـزك في بياضـه ... نبضي الحـانـي !
لامسك .. وإنجـذبت ... وبعـثرك عـطري !
.................... للخجـل .. وإبتـديت بعـينـك أقـرانـي !
وقـتها ... ماأتـمنـى ينقـضـي عـمري !
.................... وأتحـسس .. لاقالـوا : عـمرنا فـانـي !
بس فارقـت ... وأحـداث الـزمن تجـري !
.................... ياااااه وأبكـيتـني / يانصـفـي الثـانـي !
صعـب ترحـل والاصعـب دمعـةٍ تسـري !
.................... جـيت أبيهـا تعـوّد .. بـس ماامـدانـي !
يعـلم اللـه حـزيـن / ومنكـسر ظهـري !
.................... وأكـرهك / بس أحـبك رغـم ماجـانـي !
من غـدى الكـبت يدفعـني عـلى شعـري !
.................... مـن تغـطـرست فـيني / داخـل أوزانـي !
مااستسيـغ السعـاده ،، لاعـلـت ثـغـري !
.................... أتضـايـق : وأحـس تـجـرّح أحـزانـي !
مابقـاااااالي بعـمري ... حـاجـةٍ تغـري !
.................... غـير رجـّعتك .. والـفـرحـه تعـّدانـي !
آآآآآه لـو تـدري إنـي ... بعـد ماتطـري !
.................... أشعـر إنه بقـى خـطوه عـلى جـنانـي !
وآآآآه لـو كـنت تـقـرى ماكـتب حـبري !
.................... تحـت تأثـير شـوقي لـك / وحـرمـاني !
يـوم أفـكـر وجـرحـي ينـزف بصـدري !
.................... إكـتشـف شـي .. وأعـلّمبـه أقـرانـي !
فـوق هـالارض ،،، ماهـو تحـتها قـبري !
.................... للأسـف ! بـس باقـي غـسل جـثمـاني !
لـبحــر الشعــــر / أحمد صعفق الوهبي الحربي....