السلام عليكم ورحمة الله وبركاته..
لأول مره انقل قصيده لستُ معجبا ً بشاعرها ..
ولكن أُعجبتُ بكلماتها ..
على خط جسر بقيق مريت جسر بقيـق
وانا غترتي من فوق راسـي ورابطهـا
دوي الرعد فـ أذني دِّوي طايرات الميق
أبـي ديـرةٍ مانـي بجاهـل خرايطهـا
على شان من يحلم بزولي قبل ما يفيـق
وإذا فاق ذاكرته علـى الحلـم سلطهـا
معاه العذارى لو تهايـط مسـا وشريـق
عليمٍ إن غلاه إن قـد يوّقـفْ مهايطهـا
عليه الوصوف النـادره راكبـه وتليـق
تحوِّطـه مـن زود الميانـه وحوطهـا
كساير ذهبْه اللي لها فـ النحـر تبريـق
تِغبّطْْ ْعلى منحـره والنحـر غابطهـا
يا غصن الغـلا يالله بالخيـر والتوفيـق
تبا تغنـم الفرصـه معـاي أو تفرطهـا
جدايله ما تدري وش المشط يابن زريـق
تعرض على شهب الهبـوب وتمشطهـا
أبسمعـك بيتيـن مـا هـي من التلفـيـق
وبيتين تصلـح لـك وبيتيـن سافطهـا
وبيتيـن يلحقهـا مـن المنتقـد تحقيـق
وبيتـيـن ماتعجـبـك ولا تعابطـهـا
ألذ الوصال مواصلك وآحلـى مـا ذيـق
عسلْ نحلتـه شفتـك والثغـر مسقطهـا
غرامك غضى الجمره يفوِّح عليـه ابريـق
ترفّق على كبدي ترى البعـد شاحطهـا
تِخبر الدموع اللي سرت من عيونك ضيق
لقاهـا هـدب عينـي حزينـه وقلّطهـا
وقامت تِجمّع من على محجري وتويـق
وإذا حوّلـت مـا عـاد يمديـه يلقطهـا
لَكَنْ ماعلَيْها خوف خلّ الدمـوع اتويـق
خدودي لدمـعٍ مـن سبايبـك باسطهـا
صغاير الامور أشيلها والكتـوف اتطيـق
وعظايـم الأمـور تهزنـي وأتباسطهـا
وأنا ما علي من شلة الضحك والتعليـق
أعرف الخيول النـادره مـن مرابطهـا
وادوّر على الجزله لو إنها براس طويق
وضعاف النفوس الله من الأرض يسخطها
أبي شوفتك من دون موعـد ولاتنسيـق
لو إنك ما بين آبا الرياجيل وأنشطهـا
عذاب الممات مـن التوجّـاد والتفريـق
ولذيذه ما بين أطراف كبـدك وواسطهـا
لو أحملِّك ذنبي خطـا يـا لذيـذ الريـق
( أنا قبل أعرفك رايحٍ في خرايطهـا )!!
للشاعر .. محمد بن الذيب ..