*********
لا ضاق صدرك وازعجتك الدواكيك<<< وقامت همومك وسط صدرك تزنا
إستغفرالله عن خطـاك ومعاصيـك <<< ليـن ان غيمـات القلــــق ينجلنـا
وادفن وسط حدب المحاني بلاويـك <<< لو قيل لك فضفـض لنـا وبثهنـا
الناس ياخل(ن) تلـــــوعـه مشاكيـك <<والا شمـوت(ن) بـس يشتالهنـا
وانته وش الي من هدومك مجزيـك <<< تحمـد الله هـم غـيــــرك مثـنـا
تمشي على رجليـك والله معافيـك <<< وغيرك على بيض السرايـر يونا
كان الذي مزعجك شي(ن) بماضيك <<< ما انته معـدل مايـلات(ن) مضنـا
مثل الرمـاد تحرثـه ليـن يكويـك<<< تنسى الهمـوم وترجـع تعيشهنـا
يانعمة النسيان وشلـون اجازيـك <<< لولاك كان النـاس راحـت مجنـا
وان كان همك غيب مقبـل لياليـك <<< يمكـن توفـى قـبـل لايا صلـنـا
الله خلقـك وكافلـك مـا يخـلـيـك <<< يرزق خشـاش الارض بجحورهنـا
عش بس يومك وانبسط مع بني خيك <<< ما فات مات وباكر بغيب عنا
والناس لوتــــركض برجلك واياديـك<<< كايـد رضاهـم كلـهـم لاتعـنـا
اطلب رضا الله واترك الناس يرضيك <<< وتمشي لك الدنيـا على ماتمنا
وعن كثرة الروحات قصر خطاويـك <<< والواجبـات اليـا بـدن لاتـونـا
ولسانك حصانـك تفكـه يدهويـك <<< ولاتسرج خيولك على حساب ظنـا
و الهرج دامك ماسمعتـه باذانيـك <<< لا جـاك منـا خلـــــه يـروح منـا
والامر شاور به رفيق(ن) مصافيـك <<< قـدام سفـن البـحـر لايبحـرنـا
لو كان عرفك حسب ظنـك يقديـك <<< يمكـن يشـوف امـور ماشفتهنـا
والراي حلة لغـز مابـه تشاكيـك <<< لو لـه مراميـع(ن) لـه يشابهنـا
ومن لايعرفك زين ينظـر مخاويـك <<< يـوم الطيـور تطيـر لاشباههنـا
اما امدحوك الناس لا حـل طاريـك <<< والا يـقــال الله لايمـتـحـــــــــنـا
جربت وانشدني عن الناس وافتيك <<< وان كـان ماسدتك رح خوضهنا
تجارب(ن) ماقلتها لاجـل اوصيـك <<< هجوس شاعـر بالقصيـد اطلعنـا
للشاعر: ظيف الله الحصني