بـــاب طـريــــاك
الفكر حاير والمشاعر تحراك
والعمر لحظه وأنت تدري وش تكون
لاصرت تنبض في خفوقي ولا ألقاك
وأساير أوقات المشاريه بالهون
وأنطرك بالموعد على باب طرياك
مابين زحمة صمتك وحكيّ العيون
وأضيع..وأسرح..وأتمناك..وألقاك
من خلف باب الفكر تقبل ومن دون
وأعاتبك..وأعاندك..وأطلب أرضاك
وأقلب حياتك لون وأردها لون
وأجيب طاري الجرح وتقول وشجاك
وأقول جرحك غير..!! لكنك أتمون
حتى أتغنى كل بسمه على اشفاك
وأقول شفت الكون يفداك هالكون
ثم..أبتعد..وأصد..وأقول بجفاك !
ثم ألتفت لك..وأبتسم..ليه مجنون ..؟
لايكون صدّقت أن أنا يوم بنساك
وأنتَ مكانك..قلب..وعيون..وجفون
أقرب..تعال..وشوف..كل مابي يهواك
أقرب تنفس هالغلا وأحرق شجون
ماتدري إن العمر ضايع بلياك
ولـ أقبل خيالك ينمحي كل مكنون
لاصرت أنا وياك ولانيب وياك
لاعاد تنشدني عن الحال وشلون
هذا ترا حالي على باب طرياك
ولـ أقفيت يقفي كل مافيّ مغبون
للشـــاعـــر / بنـــدر المطـيــــري
بـــاب طـريــــاك
العرض العادي
