المقاطعة هي قمة الوعي
لاترمي تكاسلك على وزارة التجارة فنحن نعلم أن مؤسسات الدولة كلها لاتعمل بالوجه المطلوب وهذا دافع لأن يرتقي الفرد بوعيه وهو ماينعكس على المجتمع ككل.
والله إن نجحت المقاطعة فهو دليل وعي سريع نحارب فيه الأنانية المتفشية في مجتمعنا
قاطعوهم يعذبهم الله بأيدكم
وين السعوديين يقاطعون واحنا نشوفهم ركض للبقالات ويشترون كراتين من الدجاج
ذاك اليوم وانا شايف راعي ددسن معبي حوض الددسن كله كراتين دجاج
اتوقع ضجه اعلاميه بس كذا والصحيح ان البعض قد يكونوا قاطعوا الدجاج ولكن لانعمم على كل السعوديين .
أخي عندما تؤمن بفكرة إبدأ بها بنفسك لأن الدرس راح يكون لك أولاً. دع الناس ياأخي الكريم واهتم بنفسك وحاول تعرف قيمتك عندما تؤمن بفكرة المقاطعة. ربما المقاطعة تساعد على تخفيض السعر, وربما لا. المهم هو وعي الأفراد بأنهم قوة إقتصادية متى ماإتحدوا. نحن في بداية فترة تجارب المقاطعة وأكيد كثير من أمثالك راح يثبطوا ويرون أنها لاتنفع وهذا رأيهم لكن مع الوقت راح يقل عددهم ويتطور الوعي ويعرف المواطن قيمته الإقتصادية.
أخي عندما تؤمن بفكرة إبدأ بها بنفسك لأن الدرس راح يكون لك أولاً. دع الناس ياأخي الكريم واهتم بنفسك وحاول تعرف قيمتك عندما تؤمن بفكرة المقاطعة. ربما المقاطعة تساعد على تخفيض السعر, وربما لا. المهم هو وعي الأفراد بأنهم قوة إقتصادية متى ماإتحدوا. نحن في بداية فترة تجارب المقاطعة وأكيد كثير من أمثالك راح يثبطوا ويرون أنها لاتنفع وهذا رأيهم لكن مع الوقت راح يقل عددهم ويتطور الوعي ويعرف المواطن قيمته الإقتصادية.
والله عاد يالغالي كل انسان وبكيفه يبي يقاطع الدجاج يقاطعه ماني ماسك يد احد واللي يبي يشتري ايضاً بكيفه لكن ارجع واقول هذا مجرد كلام فقط يعني نشوف الكلام بس هنا وعبر الصحف وبالصحيح نشوف البعض ركض للبقالات ويشترون دجاج
يا ليت ما تقولون ما لاتعلمون
انا والله عن نفسي ما طب بيتنا الدجاج من اكثر من اسبوع واتوقع الكثير مثلي
لكن الي مثلكم بس يحاول يهبط من معنويات الاخرين
الي يبغى يقاطع اهلا فيه بهذا المتصحف والي ما يبغى يا ليت ما يجيء هنا
ذي الصحفة وضعت لحل مشكلة اذا نفعت كان بها ما نفعت لا حول ولا قوة الا بالله
وتمنى من الادارة تشوف حل وتوقف مع المقاطعين
كل واحد يقول مقاطع وتلاقيه كل يوم كبسه دجاج على الغدا
أنا عن نفسي ما راح أقاطع وعندي الأسعار مناسبه وحتى بالأمس
كنت في أحد المطاعم وأخذت نص دجاجه على الفحم مع رز بـ14 ريال
مع الملاحظه أنا قبل 8 سنوات كانت بـ10 ريالات يعني خلال ثمان سنوات
إرتفع السعر أربع ريالات وهذا قليل
ونصيحه لمن يقاطع الدجاج أن يقاطع الدخان إذا كان قصده السعر
صح لسانك ياعايد ولاهنت
ودام الدعوه عناد انا ماني مقاطع الدجاج وحتى ولو وصل سعره 500 ريال
وشيء بكيفي وراجع لي محد راح يمنعني من هالشيء اجل يبون نصير نباتيين ياليت اللي يقول الشعب السعودي قاطع الدجاج يروح لمطاعم البخاري ويشوف كيف قوة الزحمه ويالله تلحق بعد