-- فش خلئك = فش خلقك --

[المستبده]

[ALIGN=CENTER]


حبايبي اعضاء منتداي الغالي
السلامو عليكم فردا ..فردا
من زمان ماكتبت موضوع ,,فكرت ,,فكرت ,,فكرت
ولقيت مافيه شي في الدنيا اكثر من الاشياء اللي تنرفزنا وتضايقنا
سواء على المستوى الشخصي او العام
يعني اكيد في يوم من الايام صار لك موقف مع صاحب غالي عليك ,, انت انظلمت فيه ولا قدرت توضح موقفك ولا تاخذ حقك .. فكتمت هالموقف في صدرك ومشيت ..........
او في يوم من ايام زمان ,, ايام المدارس ظلمك استاذ وليما الحين تارك
اثر في نفسك......
المواقف كثير اللي تاثر فينا وفي اغلبها نلتزم الصمت
كثير القوانين اللتي اختلقها البشر ولدينا اعتراض عليها
ولكن ليس لنا الحق ان نثور او نرفضها
........
في صفحتي هذي حبايبي اقول لكم " فشوا خلئكم "
اكتبوا عن الاشياء اللي ضايقتكم
انثروا شكواكم هنا
ارسل من خلال هالصفحه رساله الى من فهمك في يوم ما بطريقه خطا
اعترض على القانون اللذي لم يعجبك وضع له البديل ..
لاتدع شي يجول بين نفسك وبينك
ولكن انثره هنا لنشاركك جميعا فيه
فنحن هنا اسره كامله "انا اخترت اكون الام "
نتشااارك كل شي فيما بيننا
والحين اقول لكل واحد فيكم
" فش خلئك "
وقلوبنا معك


طيبين
حلوين
بنحبكن



.......[/ALIGN]

[الفجر البعيد]

[ALIGN=CENTER]مراحب

هلا المبدعة

فكرة حلوة وأنا أبي أفش خلئي أول واحد













فشششش
فشششش
فشششش
فشششش







لي عودة للفش

تحياتي ،،،[/ALIGN]

[المستبده]

[ALIGN=CENTER]






برفع قضيه على الدنيا ومافيها ,,,, واول قضيه ابي ارفعها على حالي
يافارع الطول وحيااتك مااعديها,,,,الزله اللي تجي من الصاحب الغالي
خلاص ماني مكحلها ابي اعميها,,,,واكشف خفايفا الخفايا وافضح هبالي
لاتقول مااقدر اسويها..اسويها,,,,تدري وانا ادري اسوي اللى على بااالي

السلالالامو عليكم

خير حباايبي

وش بلاكم صايرين تطنشون مواضيعي ولا تردون على

ماعدا الفجر البعيد ( الله يجزاه الف خير عني

ويكتب له في كل خطوه سلامه)

لاتكونون ناسين اني مشرفه واقدر افصلكم

من المنتدى = ماخذه مقلب في عمرها

(10)

شباب ,,صبايا

مو معقوله تكونون خاليين

ومافيه شي بالدنيا مضايقكم

ليش مافيه ردود

اكتبو اي شي مضايقكم

من غير ترتيب كلمات وافكار

انثروها زي ماهي في بالكم

ولا ترا بفصلكم مثل مافصلت زائر الحلم

انتظركم

ودمتم سالمين


..[/ALIGN]

[المشرف العام]

انا بصراحه ودي
على شوفة فاقد احباب علشان افش خلقي فيه من جد
لانه من زمان ما جاء للمنتدى والمشكله بعد انه يدخل الماسنجر ولا يكلمني
شكله اذا ماجاء هينا ابي اروح له بالبيت وابي افش خلقي فيه

شكراً المستبده الحين فشيت خلقي

[يعرب بدوي]

[ALIGN=CENTER]المستبدة


فنحن هنا اسره كامله "انا اخترت اكون الام

اشكرك اولاً على هذا الجهد الذي تبذلينه في المنتدى

ثانياً اتوقع انك كبرتي نفسك كثير يا ماما وهذا ماهو من صالحك بالمستقبل

ثالثاُ وأخيراً الظاهر انك حطيتي ملح على الجرح بدون ما تشعري لأني حاسس ان الدنيا مقلوبة رأس على عقب

وإذا اراد احدنا أن يفش خلقه يمكن نحتاج لموقع ثاني انا برايئي انه لايوجد توافق في وجهات النظر في كثير من

الأمور بل معظمها وعلى شان ما أخرب لك الموضوع ودي أفش خلقي بحاجة صغيرة انا تعرفت على أعضاء

في هذا المنتدى الرائع وأحترمهم كثيرأ وأحسهم مثل اخوانى بس الظاهر عندهم كلام اليل يمحوه النهار

وأحسهم مطنشين في كثير من المواضيع فياريت يا ماما تحليلي هذا الموضوع وتعطيني رأيك وأكون لك من

الشاكرين

وأشكرك من كل قلبي على هذا الموضوع الرائع

تقبلي تحياتي الحرة الجنتل[/ALIGN]

[المستبده]

[ALIGN=CENTER]المشرف العام


كلنا والله ودنا بشووفه فاقد احباب

لانه من زماااان ماشفناه بالمنتدى

وشكله مايكلمك بالماسنجر لانك كثيرر كلالالام

خف عليه شووي

دمت لمنتدانا

,,,[/ALIGN]

[المستبده]

[ALIGN=CENTER]



الجنتل

تئبرني خيووو

ولا تزعل حالك هيك

يمكن يكونون مشغولين شووي

بس اكيد انت على عينهم وراسهم

ولوووو كم جنتل عندنا

يسلمووو خيووو

ودمت للمنتدى

...[/ALIGN]

[المستبده]

[ALIGN=CENTER]


السلام عليكم ورحمه الله وبركاته

وبعد "اخذه الموضوع رسمي شوي "

انا بفش خلئي بس في اتجاه ثاااني تماما

غير اللي انتم تكلمتوا فيه

بقولكم سالفه وانا متاكده ان رايكم بيكون نفس رائيي

وبليز اعذروني اذا كانت سالفتي طويله شوي

"اخوي توه واصل من السفر ومواصل له يوم كامل مانام فيه ولا ساااعه

فكر ينام,,اتصلوا عليه اصحابه يعزمونه لطلعه للمزرعه

اعتذر يبي ينام

كرروا عزيمتهم اكثر من مرره ليما اقنعوه انه يروح معهم

المهم مروه لان عددهم كبير(5 واخوي السادس) عشان يروحون بسياره كبيره من عنده

وهم في الطريق

اصدموا جمل كان طالع من مزرعه صاحبه

المهم ثلاثه منهم دخلوا في غيبوبه ومن ضمنهم كان اخوي الله يرحمه رحمه واسعه

وثلاثه طلعوا باصابات بسيطه ولله الحمد

المهم الثلاثه المتعافين بعد الحادث اطلبوا الاسعاف وجتهم بعد وقت لايعلمه الا الله

في المستشفى عاد كان الامر امر وادهى

طلبوا الوالد وبعد ماوصل للمستشفى قالوا له ولدك منتهي امره متوفى لامحاله

لانه مصاب بنزيف شديد في المخ

لكن نريد عائلات الاثنين المتبقين لحاجتهم للاخلاء الطبي للرياض

"الحادث كان خارج الرياض"

الوالد ماياس من رحمه الله ولا اقتنع في كلام الطبيب ان اخوي خلاص في عداد الموتى

وطلب طائره الاخلاء الطبي ونقله في نفس اليوم لآحد المستشفيات في الرياض

بعد مانقل اخوي وتطمن رجع عشان يشوف موضوع اصحابه

استدعى عائله احدهم واكملوا اجراءات اخلاءه

والاخر للاسف كان يتيم ابوه متوفي ولا له الا والدته

وكانت بعيده حيل عن موقع الحادث

استفسر الوالد اداره المستشفى وقال لهم

"الولد ابوه متوفى ولا له الا امه نجيبها تخلص اجراءته لان الوضع مايسمح باي تاخير"

اعتذرت اداره المستشفى وقالوا لازم ولي امره "عمه طبعا"

تخيلوا يومين والوالد يحاول في عم الولد انه يجي للمستشفى والعم السافل يعتذر بانشغاله

واخرتها يقفل جواله وكأن الموضوع مايعنيه

المهم الوالد كان لازم يتصرف"واجب انساني لااكثر ولا اقل"

فجاب امر ان الولد ذا تتم اجراءات اخلائه نظرا لحالته الصحيه

بعد كل ذا لان المصابين"مالهم احد" في الجهه الفلانيه

ماجاء لهم السماح باخلائهم الا بعد 3 ايام

تخيلووووو حقاره الموقف

لا تحسبون السالفه انتهت ..للاسف توها بدت

اخوي الله يرحمه توفى في نفس اليوم اللي نقل فيه

غفر الله له

وبدل الله سيئاته بحسناااااات

صاحبه الثاني بعد اسبوعين ولله الحمد شفي تماما

اما صاحبهم الثالث ظل في غيبوبته شهرين وزياده..ماكان يزوه ويشوف حاجاته الا

والدي واخواني "ووالدته"

وبعدها فاق من الغيبوبه في حال لايعلمها الا الله "شفاه الله"

في المرور..اوقسم الشرطه"ماادري شسمه بالضبط"

اثبتوا ان الخطا مليون في الميه على صاحب الجمل لانه مطلعه من مزرعته في الليل

بعدها بكم يوم وسبحان الله

تغير التقرير وصار الخطا بالنص بين الاثنين

لان اخوي كان مسرع

سبحاااااان الله


في المحكه..

يستدعون الوالد عشان اكمال الاجراءات

"وياااسخف اجراءتهم"

اكبررر خساره كانت من نصيبنا في هالموضوع..وفوق ذا يبون

تنازل من كل اللي كانوا مع اخوي في الحادث

وتعويض للي ماتنازل

المهم

كل اللي كانوا معه تنازلوا لانهم يذكرون زين انه ماكان راضي عن هالطلعه

وهم اللي اجبروه

الا.......

عم الولد اللي كان متجاهله في المستشفى

تخيلوووووووووووو

يقول ولدنا مارجع لنا مثل ماكان وولدكم هو المسؤول

نبي تعويض عن اللي صار له؟؟؟؟؟!!!!!!

والمشكله المحكمه مسايرته في اللي يبي ولا احد فكر يساله وين كان يوم ولد اخوه

بالمستشفى

ولا احد سمع كلام امه اللي تبي تتنازل ؟؟!!

,,,,,

بعد ذا كله وش رايكم مو كل شي في السالفه يقهرر

الاخلاء الطبي ,, اذا لك واسطه تجي لك في نفس اليوم

واذا مالك خليك ملطوع لين يكتب الله مايشااء

والمشكله ان الاخلاء الطبي مايطلبونه الا للحالات الحرجه

حسبنا الله ونعم الوكيل

...

كثير من الاجراءات عندنا مالها سنع ابداا

ليش في حاله وفاه الاب مايكون ولي الامر الام

وتنتهي السالفه

ليش التعقيد..

وليش ينربط مصيري "بعم" او "خال" مايكون فاضي لي

ولا انا اكبر همه

مثل العم اللي شفناه

بعد الاب ,, الام هي اكثر وحده تهتم بااولادها ومصالحهم

,,,

في المحكمه

واستغفر الله " لو " كان مرجعه للدين

على أي اساس نطالب احنا بتعويض واحنا اصحاب الخساره الحقيقيه

وهم كل واحد فيهم رجع له ولده سليم معافى باذن الله

لو كان اجبرهم اخوي انهم يروحون معه

كان ممكن نعذرهم في الاجراء ذا

لكن اذا هم رايحين بكيفهم واختيارهم

ليش نطالب بتعووويض ؟؟!!

.......


احس اني فشيت خلئي

وسوووري اذا كانت " فشه خلئي طوووويله"


ودمتم سالمين

...
[/ALIGN]

[الوطني]

بالعكس أحس إنك ما طلعتي ربع اللي في خاطرك

الأخت الغاليه المستبده

الله يرحم أخوووك وعسى الله يسكنه فسيح جناته

وعسى الله يطوّل عمر الوالد الكريم بأخلاقه وعطفه وحنانه

وهالموقف يدل على طيب أسرتكم الكريمه التي أدعو الله أن لا يريها مكروه



وبالنسبه للولايه فهذا أمر شرعي لا أعتراض عليه

إلا أن هناك أشياء يجب على القاضي أخذها بعين الإعتبار

مثل تجاهل العم لأبن أخيه وشرعية ولايته من حيث الرعايه الإجتماعيه الصحيحه

والتي تعلمها الأم .. التي تعتبر الأقرب لإبنها مهما كانت الظروف .

أما أمور الإجراءات فهناك وللأسف إجراءات ( تزيد الطين بله ) معقده بشكل يثير الغضب والطغيان

وحسبي الله على من وضعها ...



وما أقول إلا حسبنا الله ونعم الوكيل

ودمتي يالمستبده والعائله الكريمه بالخير والمسرات


أخوك المخلص لكي دائماً ................... الوطني

[الفجر البعيد]

[ALIGN=CENTER]مراحب

أختي المستبدة رحم الله شقيقك

وجزاكم الله خير على مواقفكم الطيبة

أما بالنسبة للمواقف الأخرى فأحتسبوا الأجر من العلي القدير

تحياتي ،،،[/ALIGN]