سؤال عن سامودة وأم عشر

[عجزت أنساك]

السلام عليكم ورحمة الله وبركاته،،،،

لو سمحتوا ابي اسألكم عن ام عشر وسامودة
حسب مابحثت عرفت ان ام عشر مافيها متوسط او ثانوي للبنات
فقط سامودة اللي يتوفر فيها هالمرحلتين

وابي اعرف هل يتوفر فيهم سكن لو ابي اسكن بسامودة
هل فيها سكن آمن <<< ركزوا على هالكلمه اكثر شيء
ابي اعرف هالمنطقة طبيعتها وطبيعة اهلها اقدر اعيش بينهم ولا يخوف السكن فيها

واذا مايتوفر السكن فيها شنو اقرب مكان اقدر اسكن فيه
صعبة اني اسكن بحفر الباطن نفسها احس المشوار طويل
وانا عندي خوف من الطرق مااتحمل نفسيا

اتمنى انكم تفيدوني عن كل هالمعلومات

[عجزت أنساك]

توني انتبه اني بالقسم الخطا
اتمنى ينقل للمكان المناسب

[كنت لك]

ليت توضح اكثر

هل انت متعينه هناك وساكنه باالحفر

[مشعل سعد]

بالنسبة لسامودة السكن فيها آمن ويوجد بها مركز شرطة وعدد بيوتها 15 - 20 بيت
والله يعينك على الوحدة لا أسواق ولا مجمعات بس أخلاق سكانها طيبين
هذا اللي اعرفه عن هجرة سامودة .

[عجزت أنساك]

اقتباس: المشاركة الأصلية كتبت بواسطة كنت لك    ليت توضح اكثر هل انت متعينه هناك وساكنه باالحفر

لا ماني ساكنة بالحفر
وتعيني للاسف جاء بهالمنطقة " ام عشر وسامودة "
ابي اي معلومات عنهم

[عجزت أنساك]

اقتباس: المشاركة الأصلية كتبت بواسطة مشعل سعد    بالنسبة لسامودة السكن فيها آمن ويوجد بها مركز شرطة وعدد بيوتها 15 - 20 بيت والله يعينك على الوحدة لا أسواق ولا مجمعات بس أخلاق سكانها طيبين هذا اللي اعرفه عن هجرة سامودة .

15 - 20 بيت.
يعني اكيد مستحييييييييييل اسكن فيها

طيب الطريق لها من الحفر عدل
ولا زفت وكله حوادث ؟؟


وكم تقريبا مدة المشوار


وشكرا على المعلومات

[فيصل الفايدي]

الله يعينك بس ترا حلوه السكن في القرى حياه ريفيه ههههههههههه

اما بخصوص الخط حلو ماعليه

[تركي الوايلي]

اقتباس: المشاركة الأصلية كتبت بواسطة عجزت أنساك    لا ماني ساكنة بالحفر وتعيني للاسف جاء بهالمنطقة " ام عشر وسامودة " ابي اي معلومات عنهم

مقدر اقول الا
الله لايوفق وزارة التعليم اللي حطوك بهذا المكان البعيد والذي لايوجد به لاشقق ولافنادق ولا اسواق وام عشر وسامودة هي مجرد هجر تقع جنوب غرب حفر الباطن فلذلك انصحك حاولي بشتى الطرق انك تنقلين الى حفر الباطن

حسبنا الله ونعم الوكيل بس على وزارة التعليم ماعندهم لاذمه ولاضمير

يحطون امرأه بهجره لايوجد بها لاسكن ولااسواق وبل في غربه
اقسم بالله العظيم
لو كانت المرأه بنت وزير التعليم ماراح يرضى
طريق بعيد ومشوار وكله حوادث وفوق ذلك هذه انثى لاحول ولاقوة لها ولو كان رجال مافي مشكله لكن انثى ياوزير التعليم اين الرأفه بها اين مخافة الله ....!

[غرور.]

الله يعينك صراحه

[عجزت أنساك]

اقتباس: المشاركة الأصلية كتبت بواسطة فيصل الفايدي    الله يعينك بس ترا حلوه السكن في القرى حياه ريفيه ههههههههههه اما بخصوص الخط حلو ماعليه

والله انا مو قايله نكته قاعده استفسر بصورة جدية
صحيح اللي ايده بالنار مو زي اللي ايده بالماي