اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > أخبار الشعر بالإعلام ولقاءات الشعراء

أخبار الشعر بالإعلام ولقاءات الشعراء كل ما يتعلق بقضايا الشعر بالإعلام المرئي والمقروء ولقاءات حصرية مع بعض الشعراء

 
 
أدوات الموضوع انواع عرض الموضوع
قديم 19-05-10, 04:56 PM   رقم المشاركة : 1
الفارس
المشرف العام
الملف الشخصي






 
الحالة
الفارس غير متواجد حالياً

 


 

exll1 لقاء .. مع الشاعر الكبير/ عبـــدالـــله علــــــوش .... لعيون عاصمة الربيع

لقاء : الفارس







لقاءنا احبتى رواد عاصمة الربيع لشاعر فريد من نوعه خريج عائله شعريه مشهورة نهل الشعر من منبعه خرج للاعلام من اجل التحدي واثبات الذات قبل نحوعامين فكسب جمهور عريض لن نطيل عليكم فى مقدمته فصراحته العفويه تكفيكم ..
نترككم مع الشاعر الكبير : عبدالله بن جابر الهاجرى




بدايتك غريبة نوعآ ما من خلال مادة التعبير هل تذكر تفاصيها ؟
صح فعلا حصة التعبير كانت اول قصيده كنا في سنة 88 كانت حصة لغه عربيه وقال اكتبو لنا عن طلعتكم البر وكتبت خمس بيوت وعطاني صفر من خمسه رحت للشايب وقال هذي أنت قاصدها وهو كذبني في البداية وقال مهوب أنت فيه أحد من ربعك أبوه شاعر وقلت والله العظيم ما كتبها إلا أنا وقال والله أنا وبوك إذا أنت اللي كاتب ذا البيت فأنت تبي تطلع شاعر لأنه هذي أول قصيدة لك مافيها قومة وطيحة وعثرة فإذًا هذي بدايتك فأنت شاعر جزل ومشت الدنيا 0





وصل شعرك قبل ظهورك إعلاميآ كيف ترى ذلك ؟

والله الشعراء واجد يتمنون إنه ينعرفون قبل لاتخدمهم عدسات التصوير وقبل لاتخدمهم آلات التسجيل وقبل لاتخدمهم كمرات القنوات فأنا أشكر ربي إن هذا الظرف حصل معي مهوب بلحالي لاكن من القلة اللي حصل معهم إن قصايدك توصل قبل ظهورك عمومًا هو الواحد ماياخذ شئ بيده يعني الواحد يمكن غيرك وده إنه يحصل له زي ماحصل لك تعرف قصايده قبل لايشفونه بس كل واحد ياخذ مقسومه وهو أنا أشوف إنه كويس لأنك ماوصلت قصايدك للناس بدون شاشة وبدون عدسة وبدون ذا إلا أنه قصايدك حلوة كويسة بينما غيرك اللي هو تجربة الأخرى وصلت قصايده مع المقدمات ومع التصوير ومع المكياج ومع فلتر كمبيوتر ومع إسمعوه تكفون تابعوه ترى خوش ولد ويجي منه واجد يعني مع التضخيم وأنت بدون تضخيم وبدون معاونيات شغال وصيت قصيدتك القوية هي الللي وصلتك مهوب قدم المعد 0






دور العائلة ؟

إيه نعم كان دورهم أتوماتيكي بما إنك عايش في بيئة شعرية فأنت قاعد تكسب منهم مجانًا غيرك ممكن لاابوه لا عمه لاأخوه شاعر يتطلب منه يعني إنه ياخذ يروح مشاوير علشان يروح يحتك يجلس يغير مكانه علشان يروح للاماكن اللي فيها شعار علشان يحتك معهم أو إنه يلجأ للطريقة التقليدية يعني ياخذ أشرطة ويسمع ويقرأ بكثافة وكثرة 0 أنت هذا حصل لك وأنت قاعد عند أهلك 0

طيب نقدر نقول إن عائلتكم عائلة شعرية مستقلة؟

والله مرة فيه لقاء من القاءات مع مجلة من المجلات الله يذكرهم بالخير قالوا إن العلوش ساحت مستقلة ديوانيتنا كانت ساحة مستقلة لأنه اللي فيها خمس شعراء إخوان معنا أخو سادس بس حق صح لسانك وناقد ويعتبر ناقد جيد اللي هو أخوي محسن لاكن أخوي الكبير محمد شاعر وسعد شاعر ومشهور وأنا ياللي محاكيك وفالح وعلوش كلهم شعراء 0





مامساحة النقد بينكم ؟

والله يعني بالعكس أنا أعتبر اللي يكتب قصيدتي ست أشخاص لأني أنا أحب أني استفيد وشلون أستفيد من كل اخواني وانا اكتب قصيدتي في البداية واسمعهم اياها يحصل لك واحد يقول لك لو قلت كذا اذا وافق نقده على هواي او انا رجال مااكابر اذا لقيت ان انت جبت شئ افضل من اللي قلته اعترف اني انا كتبت الاضعف وانت عطيتني البديل الاجمل فعلى طول اسوي تبديل 0






طيب تعرض قصايدك عليهم قبل كل شئ ؟


ايه انا اسمعهم على سبيل اني اسنعكم مهوب يعني تعالوا حللوها والا صلحوا لي والا عدلوا لي انا اسمعك لاني ابي اسمعك فانت عندك الخيرات انك تكون مستمع او مستمع وناقد 0


من اكثر منكم كتابة ؟

كم يعني والله مادري احنًا انا اكتب نصوص مهوب لازم اعلم عنها احد لعديتها قالوا هذي متى كاتبها والله لها شهر قالوا ماادرينا عنها قلت حال شئ دون شئ في الاثناء ذي يمكن حدى الاخوان كتب له ثنتين والا ثلاث 0

فيه منافسة بالشهرة بينكم ؟
لا لا ابد 0





وهل تعتقد ان سعد متفوق ؟

سعد متفوق اعلاميا ايه بس مو معناها قاعد ينافسني والا يحاربني بالعكس هو له خط سيره وله علاقاته الجيدة مع الساحة الشعرية وانا لي خط سيري سعد طلع قبلي بخمس سنوات فتخيل انا طلعت بس خلال سنتين انا طلعت وصرت انا الحين الحمد لله في الوضع اللي انا فيه مادري الى أي مساحة آخذ بس حسب اللي انتم تشوفونه هذا انا اللي فيه من سنة اعلام 0


يعني نقدر نقول بين سعد وعبدالله منافسة اعلامية ؟


لا مافيه منافسة اعلامية ابد حنا نجري في خطوط متوازية سعد ماشي وانا ماشي لكن تتصادف ان احيانا ان الجهات اللي تطلب سعد تطلبني 0






يقال انك كتبت بعض قصايد سعد ؟

ايه يقال انا لو اقدر لو اني انا فعلاًكتبت قصايد سعد فيه قصايد انا خذيتها منه ماني بكاتبها له وشحيت بها عليه وحطيتها لعمري 0



طيب سمعنا اخبار قبل مدة عن اعتزال سعد علوش لساحة الشعر ؟
هذا قولهم يامعلنن عن اعتزاله ......توقر قبلك ترى ماتهز معنى اعتزاله؟

ابغى اجاوب حسب ما ينقلي هو سعد يقول انا اعدت ترتيب شخصيتي يعني كان شاب عادي حاله حال باقي الشباب الضوابط عنده غير موثوق منها والرجل قطع عهد على نفسه قصر ثوبه وصار على السنة وابتعد عن الوصف الفاحش في القصيدة وكتب قصيدة بعنوان الاعتزال اعتزال الاشياء هذي اللي هي قصيدة التوبة اعتزال الاشياء اللي هي سلبية الغير جيدة هو كان عايش شخصيته كان عايش زي ماتقول في قضاء في قوانين بدون اشارات مرور وبدون ارصفة تحده وتجيبه فهو قام ورسم خطوط مدينة شخصيته .



لك تصريح خااص في شاعر المليون او رؤية خاصة ؟

انا واحد من ضمن الجمهور اقول رايي اقول ان شاعر المليون كفكرة كويسه
العيب مهوب فيه العيب في المقلدين اللي شوهو الفكرة صار في كل مكان نسخة مقلدة عن شاعر المليون حتى في قناة من القنوات قالت النسخة الفكاهية من شاعر المليوون هذي من ناحية وحدة ومن ناحية البرامج اللي صارت مشابه الحاجة الثانية قصة المسجات وانه يجي واحد مادري يمكن ماينتمي من أي قبيلة ويدري ان الناس هذي عندها حميمة قبيلية وبكل سذاجة وبكل سخرية يستغل حميتهم و يمكن هو من جنسية عربية مهوب خليجي ولاهوب من احد القبايل فيقول انا كتبت لهم موضوع فلان الفلاني وفلان الفلاني وصوتوله فيعني استغلال القبيلة في المسجات في برامج من هالنوع هي اللي ماأحبها 0



ماريك بالساحه حاليآ ؟

والله الساحة حاليا مااقدر يعني الم بالاجابة ومافيها لكن الانطباع العام ان الشعر صار مطية وتعرف انت في بعض المهرجانات يجيبون حصان ماتدري هو كديشه والا اصيل ويركبون عليه وراعين علشان يونسون عيالهم.. هو الشعر كان كذا زي مطية العيد من هب ودب يخش عليه 0






وشلون دخلت الساحة في الفترة الاخيرة؟

لا انا مادخلت الساحة انتم تسمونها ساحة انا شاعر واقول قصايدي وتجيني وتسوي معي لقاء ويجيني فلان وعلان ويسوي معي لقاء وبكرا يقولون عني عبدالله من شعراء الساحة الساحة ذي انا ماشوفها انا اشوف اني رجال شاعر ..اقول قصيد واذا طلبوه مني قلته واذا استضافوني عديته
اما الساحة انا ماشوفها لاملاها عين تشاف انت اسالني عن وضع الشعر وضع الشعر حاليا كدابة العيد 0





وهل هي افضل من الثمانينات؟


اكيد افضل الثمانينات كان محصورة بين مجموعه وحدة فقط اما حاليآ ما شا ءالله من كثرتهم ما تعرفهم



قيل انك شاعر الهواجر كيف تصف هذا اللقب ؟

اقول اني شاعر الهواجر انا اقول شكرا للي لقبني هالقب وهو مسئوليةكبيرة اللي مهوب عاجبه واللي مايؤيد اللقب هذا اقول له يااخي انا ماادعيت اني شاعر بني هاجر وانا ماني شاعر بني هاجر
وانا متنازل عنه واللي سماني اقوله شكرا جزيلا وعساني عند حسن ظنك واللي يرفض اقول له وسع خاطرك ماني شاعر بني هاجر وبني هاجر لهم شعراء واجد كفو 0




هل الحب كذبه كما في بيت لك يقول : اللي يقول الحـب موجـود كـذاب؟

اللي مايؤيد فكرتي هذي يقراء مقدمة ابن زيدون علشان يدري اني صادق الحب كذبة مافيه حب
حب اهلك حب وطنك حب الاصحاب ذولا اذا قلت تحبهم تحب صدق الحاصل بين الرجال والنساء عشق العشق جنسي والحب طاهر اذا مافيه علاقة بين رجل وامراءة بدون صلة رحم الا انه يكون عشق حتى علماء الإجتماع لما إدرسو شخصية الإنسان
قالوا هذا الإنسان إستحى من غريزته وغلفها غلاف جميل من حرفين وسماها حب بدال مايقول أنا أشتهيك يقولها أنا أحبك 0


يقال إن العلاقة بين الحبيبين من الجماع وهذا ينفي الحب ؟

نعم ينفي أكيد ينفي الحب وبعدين لما أنت تسولف معك وحده أو تتعرف على وحده انت تحدثها حديث البخاري وتوديها عمرة أو تسمعني التحيات مدري إسأل نفسك يالفارس وحط الإجابة




سهولة الطريق الى الشعر اجمل من الشعر نفسه ؟

والله مامشيت الطريق لاوالله الشعر احلى من الاتصالات وكيفية ظهورها وكيفية بروزها واحيانًا تواجهك امسيات لاهي على البال ولاهي على الخاطر واحيانًا من باب المجاملة انك تجامل شخص في مطبوعة ماتعرف عنها شئ احيانً تروح لقناة
انت مو مقتنع منها بس وش اتسوي بالعكس كتابة القصيدة والشعر اجمل من ظروف المحيطة فيه .



لماذا الشعر كشعر الغزل بكثرة لماذا لايعطي لشعر الفخر والمدح غالبًا ؟

والله انا عن نفسي انا اتكلم الغزل بس اكتب وجهات نظر في الغزل مااكتب الغزل نفسه.. عيونك ....وخدودك ...وشعرك .... ماتعجبنى الاشياء ذي اكتب وجهات النظر اكتب سلبيات المحبين زي انصح واحد اقوله (كثر المواصل في الهواء ماهب زين ودك بخلك بين مدة ومده)
لأن ابن آدم ماترتب على شئ لأجعله شئ شبع منه حده لكن لامن جاك من حين الى حين قدرت جياته وقدرة حده
*فان جاك ابيك وقال مهوب ذا الحين *لاتبلشه يمكن ظروفه تحده
اصبر عليه ايام وشهور وسنين *ان كانه يودك وكانك توده *
وخلك لامنه عطاك لاتطلبه دين *ماجاك منه اخذه وما ترده
ولاتسوي مثل الناس المساكين *اصلك وفصلك والهوى لاتعده
الحب ماخلى قبيلة ولا دين *نكس حكومات ثم كسر اشده
جو عقال وراحوا مجانين *وكم واحد نخاله ولاهو بقدره
يقوله اللي جاحد علته لليل *بادت محاضيره ماابيح سده
هذا كلامي وانت بتشوف بعدين *والله ان تميز بين مزحه وجده
ما الفخر ليش ماينتشر اوباقي القصايد المجلات ابواب الشعر زي المحكمة وزي الاجتماعيات فهو مهوب معدوم فهو موجود ولاكن الغالب انت تشوفه غزل فعلاً وجهك نظرك سليمة لكنه مهوب معدوم الابواب الثانية معروفة ولكن باب الغزل مهوب معروف مشلخ كسوره



سمعنا انك على وشك نشر احدى قصايدك مغناة ؟


لا...ان شالله انا رافض انه يتغنالي ...!!
في واحد خذا قصيدي وغناها وتاب تاب فعلا قصر ثوبه وطول لحيته وطلع في قناة الراي اسمه حسين الاحمد واسال الله ان يثبته وقال أي فنان عندكم يبي يتوب خله يغني لبعدالله بن علوش ههههههه





لماذا شعراءنا بعضهم قريبين من الامية ؟

ايه... تصدق ان هذا مهوب في الشعر حتى غير شعرائنا السواد الاعظم من الناس تسولف معاه في موضوع شوي راقي او محترم تلقاه يتغامز مع اللي جنبه يقول الساذج اللي بجنبه اللي زيه مايفهم فيقوم هذا ويتفلسف العالم كله
كذا لانه وزارتنا المنوط بها تربية وتعليم البشر ذي ماتعدي دورها سليم علشان كذا تطلع عندنا اجيال غبية ..!!!



اي ساحة السعودية او الساحة الكويتية والساحة القطرية والساحة الاماراتية ماذا تفضل بينها ؟


انا ما اشوف التعددية اللي قلتها ذي مالاحظها انا اشوف عندنا في الكويت مجلة المختلف تعتبر خليجية ماهي كويتية ولو ان مقرها كويتي لاكن الشباب السعوديين هذا هم موجودين ولزوم وشعراء محترمين ولهم جمهور عريق
وما فيه كويتي اخدمته مجلة سعودية فالساحة السعودية عندكم ضعيفة انتم ماعندكم زي الاعلام الكويتي والساحة القطرية ضعيفة والساحة الاماراتية مجتهدة ولاكن مازالت ضعيفة
والكويت اقوى اعلاميا تصدق انا اقولك الكلام هذا وانا مااستفدت من الاعلام شئ يعني انا كان ظهوري ماهو كويتي يعني خلني اقول من خلال موقع عاصمة الربيع
كذا مانتم مشكورين ياالكويتيين ماسويتولي شئ لعبدالله علوش وانا كنت طلع قبلهم في قطر
الجهة او اللي في احد اشكره ابشكر اذاعة قطر في الشاعر حمد بن فطيس الاعلامي القطري واشكر حمد النعيمي اللي استضافني في بحور القوافي فقطر كانت السباقة معاي بعدين جو اهل الكويت وقالوا عبدالله نبيك حنا.... قلت يالله مومشكلة بس اهل قطر اللي لهم الشكر 0




اذا ...إنتمائك لبني هاجر هل له دور في تواجدك في الساحة القطرية ؟


لا انا مو متواجد في الساحة القطرية ...الساحة القطرية خذت وكتبت عني في غيابي ودقوا علي وقالوا تعال شارك معنا في الاذاعة وقالوا تعال شارك معنا في التلفزيون واللي دق علي المري واللي دق علي يبيني في التلفزيون النعيمي مافيه واحد من بني هاجر
والمسيفري اللي كتب هذا مجرد صحفي في مجلة قوافي المسئول عنها المري مهوب هاجري فالقبلية مالها علاقة في الموضوع 0








ماهي الاوقات التى تستطيع الكتابه لقصائدك ؟

ا ي وقت ماعندي مشكلة..... الربع.... ذولا الموسوسين..!!
اهل الطقوس اللي عندهم اجواء غريبة ...هذولا مع احترمي لهم كذابين... قهوة تركية... وزاوية في ركن ....وظلام وسحابة دخان... وزقارة كوبي ...!!
هذا مايكتب كلمتين وراء بعض مايكتب نعم خرابيط هذا بياع كلام خزعبلات الشاعر يطلع معه البيت وهو يمكن امبنشر يطلع معه القصيد .!!0




هل تعتقد بان الغموض فى القصيدة امر مرغوب ؟


لا ياطويل العمر يعتمد على الشاعر اللي يعتمد الغموض في قصايده هذا ما عنده شئ يقوله خلاص يقول انا ابكتب لي شخاميط واذا احد ناقشني ااقول له المعنى في بطن الشاعر علشان يكون شاعر غامظ ... وهو ماوراه شئ 0







اين يصنف عبدالله بن علوش بين ابناء جيله؟

ماااقدر هذا السؤال اسمح لي مااقدر اجاوب 0


ماذا تعنى لك المراءه وهل شعرها اكثر مصداقيه عن الرجل ؟



المراءة ماتعنيني ولا شئ...!!
ولا حاجة ...مخلوق مستخدم فيه جمهور راح يقراء ويفهم وهذا لولا امي من النساء كان مااحترمت النساء ..!!! بس علشان امي مرة احترم النساء .!!0







وهل المعناة تصنع الشاعر ؟

ايه هذا السؤال المعاناه هي اللي تصنع الشاعر مهوب المراة وانا اقولك الحاجة ام الاختراع والحاجة باب من ابواب المعانات الحزن مايكتب للشاعر قصيدة والفرح مايكتب للشاعر قصيدة حتى الحب ترى اللي عشق نقول عنه مادامه ماقضى حاجته
فهو يحب لين يقضي حاجته عقبه لاعاد يحب ولاصوبه القصيد 0.!!!




هل اثرت شهرة سعد عليك شخصيآ وخدمتك ؟

لا ماخدمتني فادتني في النمنمات... يعني لما واحد مايعرفني وجنبه واحد يعرف سعد يقوله اذا عجبك سعد ترى لو سمعت عبدالله اذا كان يعرف هذا اللي حصل اما خدمة فعلية لا يعني سعد ماراح للمختلف وهذا دليل كبير يعني سعد مع المختلف سنة 2001 واول المختلف نشرت لي 2007
لو سعد معي فايدة ولو سعد معي له يد ضروري ماكن مانشرت في الختلف بعد وش يعني لي اسم سعد وانا في كل مجلة متواجد وهو متواجد فيها من خمس سنوات صح ايه نعم فشلون يبي يتوسط لي عند ناس علاقته معاهم ضعيفة مع الناس اللي معاهم اقوى علاقة ماسوالي شئ
وهذا شئ انا معناته هم ربعك ذولا يحترونك تقول يجماعه الله ..الله في اخوي ..
هذولا الغافلين امشيهم دير بالك ان دريت انك مسوي ذا النوع ماعطيتهم شئ لاني انا يااستحق واطلع يابلاش وفعلا انا راهنت وطلعت...
وبعد ماصرت عبدالله بن علوش اللي في التلفزيونات جت المختلف وقالت تعال نبي ننشر لك الحين هاكم اللي تبون خذوه واذا ماخذتوه مني تاخذونه من الانترنت 0






ألاحظ انك ناقم على الصحافة ؟

والله يالفارس..الصراحة زينة شينه الصحافة ماتوصل بين الشاعر وبين جمهوره انا ماارفض الصحافة انا احترم الاقلام النظيفة واحترم المعد المحترم اللي يقدر الشاعر اما فيه معدين تعرف الدبلير الكومبارس
للي اذا غاب البطل يحطونه هذا معد وصارت الصحافة مهنة للي لامهنة له عرفت كيف فيجيك واحد مايفقه شعريًا وما يعرف مستواك ويسلمونه ملف فدائمًا انت تقبل علي او تلفي علي فيصيبك احباط من الصحافة بس قلت التعميم ادًا اذا عينت رجل يغنم ادري انه ماعنده سالفة 0




اذا هل الصحافة تحتاج الى ترتيب ؟


والله كال شئ في الدنيا يحتاج لترتيب والصحافة ماهي منزهة فيها اشكال يبي لها تمشيط ويبي لها كرف تكرفونهم 0






لماذا عندما يحقق الشاعر شهرة اعلاميه كبيره ينطفئ شعريآ ؟


والله انا مادري المسألة مسألة مراحل ترى يعني ممكن شعراء كانت اسماؤهم لامعة في قبل عشر سنوات وقبل سبع سنوات تغيرت الخريطة الاعلامية كانت مصادر البث ملاحق في جرايد اسبوعية او جرائد يومية
فكانوا هم نجومها توسعة الرقعة هالحين صار فيه عشرين قناة وكل قناة تبث اربع وعشرين ساعة فالخمسة او الست النجوم القداما مايفون فلذلك دخلولك مليون صار زي خيشة المحار تفلق
ويالله توفيلك وحدة فالمليون يدخل ويطلع لك شاعر واحد كويس فصارت الساحة مليانة ضاعوا الشيبان في الزحمة الامور زينة نتكلم عنها 0







البيئة الاعلاميه جيدة اعلاميا للشعراء الجدد ؟


والله مثل ماقلتك صار مثل دابة عيد ..!!!
من جاء وركب عاد يمكن واحد على دابة العيد يركبها ويقلبها اصيل ويمكن يجودونه وماعاد يلحقونه 0




ما رايك في شعر مايسمى بشعر الحداثة ؟


والله شعر الحداثة والله انا علمي علمك اللي انا اكتبه واللي يكتبه سعد واللي يكتبه الشباب هذا حداثه انا اعرف ان التقليدية قصيدة .. ياراكب اللي...
فيه ناس واجد يحاربونها طيب لاتحاربونها ياخي اللي يكتبها خل يكتبها مافيه مشكلة انا مااقدر اتنكرها لانها قصيدة ابوي وقصيدة جدي فما فيه مشكلة وتدري وش اللي غيرنا حنا بدال مااقول قصيدتي بديت باللي عظيم جلالة
هذي زي ماعندي قصيدة في قبيلتي بديت ابخالقي جل جلاله هذي فيها تقليدية وصلى الله على محمد وآله بينما فيه قصيدة اقول فيها
باب تجي منه العواصف فكه *لأن العواصف مايدقرلها باب
هذي حداثة اذا فيه شئ غير كذا انا ماعرفه وفيه ناس يكتبون خزعبلات وطلاسم شجرة نافورة ...قفشة.... كوبي الفاضي ....!!
هذي خرابيط هذي هي الحداثة هذولا مادري وش يكتبون اما الحداثة زي ماقلتلك فيه مطلع التقليدي وفيه الغير تقليدي 0









طيب تؤمن بشلليه؟



كانت قبل القنوات كان فيه شليله لانها كانت محصورة لانه كانت الكيكة صغيرة تعطيها ولدك واخوك وولد اخوك الحين صارت الدنيا كلها كيكة وماعاد فيه شليلة 0



الشعر : احساس ..وفكر.. ولغه... هناك شاعر يكتب باحساس عالي
وهناك شاعر اخر يكتب بفكر ولغه 0 رايك ؟




والله بالضبط مثل ما تفضلت وهذا يدل على انه فيه كثر ماتشوف انت يعني فيه شاعر اقدر من شاعر اخر وهذي ممكن فيه اسباب خارجية واسباب داخلية من الاسباب الخارجية اللي هي من رب العالمين ماتاخذ شئ بيدك لاكن ممكن رب العالمين يعطيك موهبة وانت تصقلها بالاحتكاك والثقافة والقراة والاطلاع فتصير عندك موارد بدال مايصير عندك مورد واحد اللي هو اجادة الوزن واجادة القافية وحسن الصياغة والتركيب هذي ابسط الادوات لاكن تقلب وتضيف لها باطلاعك وبثقافتك واحتكاكك والممارسة وتقدر تضيف لها وتصير شاعر مميز 0







الشعر اللي في الساحة متشابه وقلت صناعة مفردة ؟


لا هو عموما صناعة المفردة هذا الاستنباط اللي هو منه جاي الشعر النبطي يعني ممكن آخذ كلمة انا وادخلها معالجة والفضها بلفظ مش السائد لكن معروف اني اقصد كذا هذا الاستنباط
اما اني استحدث مفردة واجيب مفردة يونانية واحطها عادي تقدر تكتب قصيدة انجليزية انت تشوف الناس وش تبغى
قالوا قديما من الشاعر فقالوا من تحفظ الناس شعره فانت شوف انتاجك يتداول يعني طعمته حطيت فيه اسقاطات خارجية ماطعمته جيت وكتبته روماني وكتبته انجليزي اذا ساد وانتشر فهذا هو الشعر انه يتداوله الناس او كما قالوه في احدى الابيات الشعرية
اذا الشعر لم يهززك عند سماعه فليس حريا ان يقال له شعرا فاذا تهز والا الناس ترددها ياشيخ لو اطعمها خمس مية مفردة جديدة مايمشي الحال 0




انت تكتب للجمهور والا لنفسك ؟


لاوالله ماعمري كتبت قصيدة وقلت هذا اللي يبغاه الجمهور الا استغفر الله مرتين سويت العملية ذي مرتين هذا يسمونه تكتيك القصايد هذي انا احييها اليوم واذبحها نفس اليوم
اللي اقولها فيه يعني استخدمها في امسية اعرف اني انا رايح للمنطقة الفلانية واعرف ان المنطقة الفلانية جمهورها من هالنوع فاكتب لهم قصيدة على موجتهم الفت انتباههم ولما يعطونني اوجيههم اجيهم انا باللي عندي من البداية مهوب هذا جوهم
لكن انا اعطيهم حاجة هم يبغونها علشان ينتبهون بالباقي اللي عندي لكن لو اجيب لهم اللي عندي من البداية يمكن مهب هذا جوابهم لكن انا اعطيهم حاجة هم يبغونها علشان ينتبهون بالباقي اللي عندي فهاذي تكون قصايد تكتيكية كتابتها تكتيكية مؤقته لو تسألني عنها بكرا ماتلقاني حافظها
ولو اسوي ديواني ماانشرها ولو تطلب مني قصيدة عطيتك غيرها 0



عندك شروط في مشاركتك في الامسيات ؟

والله الاحراجات تلغيه الشروط أما انا على إطلاع وعلى بينة من البداية لا ارفض المشاركة مع أي كان ومن حقي اذا انا شاعر ولي جمهور وتعبت واجتهدت وكتبت قصيدتي بحرف لين وصلتني مكانة كويسة
ارفض اني اشارك مع شاعر فرصته الوحيدة انه يبي يشارك معي وانا اقول الكلام ذا فإنه خطتي المستقبلية اما فيما سبق وما حصل كنت اشارك مع أي كان الا لايكون سفيه... ورقلة ... والا انه مغرور... والا انه شاعر صغير ...والا مبتدئ ...
ماعندي مشكلة والله اشارك معاه وآخذ بيده واللي يبغاه مني اساعده لكن من فترة بسيطة يعني خلاص انتهت قارب النجات بطلناها ماعاد صار فيه قارب نجاة شفلي واحد غيري




يقال ان هلا فبراير انه بوابة لاي شاعر ؟.


هلا فبراير... كان فيه مهرجان عملاق كبير... يقاله :هلا فبراير...
والحين خلاص تلاشى معاد بذاك الحجم الكبير كان حلم الشعراء هلا فبراير والحين ماعاد حلمهم الشعراء وإن دعوني ذا الحين جيتهم بعد اجيهم بشروطي وإن دعوني الخيرة فيما اختاره الله 0
وانا طلعت من غير هلا فبراير وهلا فبراير كويتي وانا قايلك في اول اللقاء مالها علي أي معروف شعريا الكويت اللي مافيه احد ماخدمته انا ماخدمتني ولاني بحزين طلعت بالعكس انا اشوف بنفسي دشيت في تحدي طلعت من اماكن ضعيفه اعلاميا ونجحت الحمد لله اذا انا نجحت فهذا شئ زين 0



وصلت الى طموحك من الشهرة والاعلام الى الناس ؟

والله لا والرجل اذا اعتقد في أي مجال من المجالات في المجال الوظيفي في المجال التجاري في المراجل في أي مجال اذا اعتقد انه وصل الوضع OK فهذا بداية النزول 0




هل انت مرعب شعريا وملي بالالغام ؟

والله مادري وما بعد انفجرت احد من قصايدي( قالها ضاحكآ )
واحد تاب هاذي قنابل ايجابية ومادري والله وانا محمل بموجات شعرية متعددة مختلفة يعني اذكر الله يذكرك بالخير انا مااقدر اقولها عن نفسي قالها نواف الدبل قال:
عبدالله سبعة شعراء قي شاعر... وكشفني لاني اكتب اكثر من مجال اكتب فصيح ..واكتب سياسة ..واكتب غزل.. واكتب عن الغدر.. واكتب عن الاغنياء.. واكتب عن البسطاء..
واكتب عن كل شئ والله صراحة احس ان فيه معاني لازم ينكتب عنها الدنيا كلها ماهي غزل الدنيا..!! ماهيب كلها بنت ..!!
انا صراحة يكسرون خاطري الشعراء اللي ماعندهم قضية الشاعر لازم يكون عنده قضية حنا تعبنا من كلمة :
الفن رسالة ...والشعر رسالة ...ياجماعة هي فعلا رسالة لكن مااحد يؤدي الدور حقيقي تطلع طيب قول قصيدة وجهة فيها وبعدين لا تنصح بشكل تقليدي وبشكل جلد الذات تجلب الجمهور اللي امامك بالعكس
لكن لما تقول للجمهور وانت تبتسم تتهمهم وتتهم نفسك وتقولهم اللي يقول الحب موجود كذاب حاجات ممنوعة يسمونها حب...
يضحك الجمهور ويدري انك تعنيه يدري انك انت الحين تقول للجمهور كلكم مجموعة شياب تكلمون مجموعة بنات كلكم نصابين وكلكم دجالين يبتسمون الجمهور لانك قاعد تنتقدهم قاعد تعالج وضع وفيه بشر على التلفزيونات في البيت يقولون الشعر
الهوى صادق الجمهور اللي في الصالة صفق وضحك والجمهور اللي برا قال هذا صادق فنقلت الرسالة احسن ذوبتيني... وسرحتيني ..وسهرت الليل كله ..او يجيك الشعر النسخة الاخرى انتي ماعرفتيني عدل... وانا فلان الفلاني يعني صيغتي تنكتب فيها القصايد 0




اذا ..تقدر تقول ان الجمهور غبي ؟؟

لا لا تقول عن الجمهور غبي لا تخسره احيانا التصفيق تعليقه وقفشاتي يجونه بين البيت وبين البيت الاخر احيانا تركيبة بيت حتى لو كانت ساذجة وعادية.. فيه جمهور سطحي جدا يصفق ..
حنا مانقدر نقول للجمهور هذا انت سطحي بفيدك انا بحاجة الجمهور السطحي الساذج هو سبب نجاح الامسيات ..!!
هاذي كارثة فعلا تدري ليش الان الجمهور الذويق صاحب الذوق العالي الرفيع جالس بثقل برزانة واتكانة يسمع القصيدة شعريا احياء الامسية عطاها وقار جماهيريا واعلاميا ذبح القصيده لان الصحفي الجالس في الصف الامامي ماتدري هو يفقه او ما يفقه اول مايصفق الجمهور
يفتح القلم وصفق الجمهور بحرارة للشاعر الفلاني ...!!
يمكن مطلع لسانه الشاعر فهمت فبعض الصحفيين يهمهم الزوبعة اللي تحصل وراهم ليش حصلت مو مهم احصلت والا خلاها حصلت الا فلان بينما فلان كان بارد لان الجمهور ميت مايدري مايعطيه وجه لانه يمكن قاعد يقول شعر محترم فالجمهور ذا اللي حنا نشتمه ..
هو سبب نجاح الامسيات بينما الجمهور الراقي هو اللي يذبحنا 0




ما رايك في الشاعر المسرحي على الطاولة ؟


ايوه الشاعر المسرحي من خلال نصه اذا النص متروس مشاهد هذا تسميه شاعر المسرحي اما الشاعر المسرحي بحركاته فحتى الممثلين حتى كبار الممثلين الكوميديا يكرهون الكوميديا الحركية يقولون فلان كوميديان بس كوميديان حركي يعني يتشقلب على المسرح
ويطيح ويتعثر بالبشت ويتعثر بثوبه علشان يضحك الجمهور هذي الكوميديا الحركة الكوميديا الفقيرة سمونها بينما الكوميديا الموقف هي الكوميديا الناجحة شاعر المسرحي من خلال مشاهد لقصيدته يدخلك في صور كويس اما شاعر يصطنع في ايدينه فوق ..وينزل ايدينه تحت ..
يقط اعقاله ويلف عصبة ويلبس ثوب اخضر ...!!وش ايسوي هذا بهلوان ذا مهوب شعر فمهوب شاعر مسرحي فالشاعر المسرحي ترى راقي انا احب الشاعر المسرحي 0




سعد علوش شاعر مسرحي وفق نظريتك ؟


لالا بالعكس سعد ماسك العصاية من النص سعد يكره البهلون على الطاولة اذا صارت عنده مشاهد مسرحية تكون في قصيدته انت تدش معاه في الموضوع يعطيك صور فانا اقدر اقول عن الشاعر سعد شاعر صور قصيدته مليانه صور 0




مارايك بالخوض بين الشعر الشعبي والبسيط وماهو السبب ؟


الدمج يعني فيه ناس واجد ماتحبذها انا من الناس اللي اكتبوها اشتهر غيري تصدق كتابتها وانا كاتبها بالتسعينات 0


اخذها منك سعد ؟


سعد قبل مايكون شاعر اللي تشوفونه سعد بن علوش كان من جمهوري كان متابع جيد لي ولازال سعد يحب قصيدي وينبسط واسمعه وبعدين سعد صديق وفي قبل لايكون اخ يعني فيه اكثر من لقاء وفيه اكثر من مناسبة كان يتكلم عن عبدالله بن علوش
وكان لما يتكلم عن الاخوان كلهم لما يجي الدور عندي قال عبدالله بين قوسين يعترف بتاثيري عليه ويعترف بشاعريتي فانا من خلال موقع عاصمة الربيع : اقول لسعد انا من جمهورك ياسعد بن علوش 0




ماذا يشكل لك محمود درويش ونزار قباني ؟

محمود درويش لاقام عندي ولا قعد ونزار قباني شاعر عملاق مااحترمه كشخص لانه كشخص مو محترم بس كشاعر شاعر عملاق كبير .



هل يرتبط الشعر بالشخصية العادية ام يظهر بلون مختلف ؟


لا الشاعر ياطويل العمر احيانا في بعض القصايد يبلغ عن نفسه يكون هو وفيه احيانا اخرى مايكون هو يعني ممكن يصدر الفضيلة وهو اقرب للرذيلة 0



الجمهور دائما يبحث عن ديوانك الصوتي ؟


موجود ديواني الصوتي عبدالله بن علوش 2004 وانشاالله يمكن فيه عبدالله بن علوش 2010 ان الله احيانا 0


تمتلك كنز من زخم المعلومة والتراث في قصائدك كيف وصلت الى هذا ؟


القراة والاطلاع وانا من الناس اللي يحبون يستمعون الاذاعة وبرامج الاذاعة افضل من التلفزيون لو الناس تكتشف الاذاعة وتعيد اكتشاف الاذاعة كان اهجرت التلفزيون لان الاذاعة فيها قيمة مهوب اذاعة الاغاني والطلبات البرامج الاذاعية وانا اتكلم عن اذاعة الكويت واذاعة المملكة العربية السعودية هذولي
اذاعتين اتابعهم لان فيها الملايين من البرامج الراقية القيمة والمليئة بالتراث فالاذاعة هي المقام الثاني بعد القراءة انا قارئ جيد 0



هل الشعراء يستنسخون من بعضهم ؟

ايه فيه ممكن شاعر في بداية الطريق يلطش يوم يصير عبدالله ويوم يصير سعد ويوم يصير فهد يااما بكرا بينضج ويصير فلان يااما يموت يصير مثل ذكر النحل يلحقون النحلة الملكة خمس مية واحد ويلحقها واحد ويموت في الزحمة 0



رايك في الاسماء التالية سعد بن جذلان مساعد الرشيدي ، نايف صقر ؟

كلوز شيل الاسماء ذي كلها وحطها ديليت ..!!!


هل تحمل غرابة او صعوبة في قصايدك بحيث لايمكن فهمها الا من القائك شخصيا ؟

بتاتا انا من الشعراء اللي قصايدهم سهلة



ماتحس الجمهور ما يستوعب بعض قصائدك ؟


بالعكس أنا أرفض اصلا ولازلت أرفض انك تكتب قصيده خاصه جدا مرتبطه بلهجتك البحته او معانيها معقده او طلسميه وآضح انا اذا عندي جزاله بقولها حتى لو اقولها بسهل الطرق انا يمكن اكتبلك قصيده سهله جدا سهلها تسميها تعال اكتب زيها انا ما اتحدى ولا اراهن اني الافضل
لكن انا متاكد اني وواثق من نفسي اني من الشعراء السهل الممتنع.



ما رايك في القنوات الشعريه الجديده فى الاونه الاخيره؟


مالها داعي كلها إلا من رحم ربك تعرف البيض عيون النصف مستوي هذي القنوات لو تقفل وتغير نشاطها كان احسن وهي ماتخدم الشعر ضرت الشعر انت خابر يوم اقوالك دابة العيد هذا ولاهم اللي اجر دابة العيد القنوات ذي زي الهندي اللي ماسك الخطام ومركب ورعان 0




نظرتك للساحة مستقبلا.. إذا ؟



والله انا مثل المصداقية ماقلتلك اتمنى انه ترجع الساحة زي قبل عشر سنين ودي والثمانينيات حقبة مظلمة ودي ترجع زي ماكانت 2000
ووراء العصر الذهبي للشعر 95 الى 2001 وحتى مع غيابي رجع لي الفترة ذيك انا لازم اكون عبدالله بن علوش الشاعر اللي اليوم معروف اوله جمهور بس رجع الساحة زي ماكانت ملينا حنا 0





بعد ماينتهي التحدي بينك وبين نفسك تنتهي اعلاميا ؟


والله شوف انا متى انتهي اعلاميا لما مايجيني واحد مثلك شرواك يسوي معي لقاء هنا ما انتهي ليش لاني انا ماعمري جيت احد يعني انا ماوفيت ولاحاولت ارتب لنفسي لقاء فمتى خف الطلب علي اعتبرني مت اعلاميا اما انا دامني مطلوب ويبحث عني فانا موجود
الين يعزفون عني اصحاب المجلات واصحاب القنوات 0





قصيدة جديدة لعبدالله للنشر وما نشرت ؟


[poem=font="Simplified Arabic,5,black,normal,normal" bkcolor="transparent" bkimage="backgrounds/47.gif" border="solid,4,gray" type=0 line=0 align=center use=ex num="0,black"]
كنا نطالب بافتتاح القنوات= انكافح افكار العدو وانحرافه
بس النتيجة جت عكس الطموحات=الاربع والعشرين ساعة سخافة
لذلك اسال كل مدمن على الشات=.ماتعتقد انك مغفل وتافه
وفرها لنفسك فلووس المسجات=ولا تساهم في انحدار الثقافة[/poem]



[align=center]كلمة اخيره لأخوانكم فى عاصمة الربيع من حفرالباطن ؟[/align]

والله انا اشكركم وصراحة انا سعيد انه صار بننا لقاء وموقع عاصمة الربيع الحفراوي حسب انا شفته موقع جاد يبحث عن الجيد والمفيد ويخدم وافتخر بوجودي بينكم
واشكرك اخوي الفارس وتحياتي لفريقكم العامل بالموقع والاعضاء

[align=center]
[/align]







التوقيع :

قديم 22-05-10, 09:49 PM   رقم المشاركة : 2
الفارس
المشرف العام
الملف الشخصي






 
الحالة
الفارس غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع






























قديم 22-05-10, 10:40 PM   رقم المشاركة : 3
♥ כـِـِـِّلـِـِم ♥
عضو متألق
الملف الشخصي







 
الحالة
♥ כـِـِـِّلـِـِم ♥ غير متواجد حالياً

 


 

Thumbs up رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع

[align=right]





الشآعر عبدالله علوش


هنا الشعر بأكمله ،

وهنا حضور الجمال ،

وهنا تذوق الرقي ،


تفاصيل وطن تحتفي بـ هذا الإبداع وهذهـ آلمقآبلهـ




اسفرت وانورت



عآصمة الربيع بهذأ اللقاء


آآآلفآرس



شكرا لـ هذا الكرم .. أيه آلبطل ..







[/align]







التوقيع :
/
/

.... !! ....

قديم 22-05-10, 11:25 PM   رقم المشاركة : 4
عايض المريخي
عضو ذهبي
الملف الشخصي







 
الحالة
عايض المريخي غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع

[align=center]

الشاعر

عبدالله علوش

:

:


كلام جميل من شاعر جميل

وانا اسجل إعجآبي في شاعريتك

شكرا لك
ابو فارس
على هذه اللقاء الجميل

فعلن امتعتنا بهذا الطرح
لك كل الشكر على جهودكـ

:


:


فارس المطيري
[/align]







التوقيع :

كنت أتمنى مآ أفقد إلآ .. " عدوي "
وربي بلآني مآ أفقد إلآ [ حبآيب]





[/align]

قديم 23-05-10, 12:17 AM   رقم المشاركة : 5
أبونو
مشرف سابق
الملف الشخصي






 
الحالة
أبونو غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع

بيض الله وجهك أخوي الفارس على هذا اللقاء الثري والممتع
مع الشاعر الكبير /عبدالله علوش والذي يستحق الأشادة بحق
ألف شكر ادارتنا الكريمة على هذا المبادرة واللقاء الحصري لعاصمة الربيع ...







قديم 23-05-10, 12:18 AM   رقم المشاركة : 6
اثير
العضوية الفخرية
الملف الشخصي







 
الحالة
اثير غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع



عبدالله علوش

قامه شعريه نقف احتراماً واجلالاً لها

وكم يسعداً التعرف علي بعض الجوانب من شخصيته


الفاااارس

استمتعت كثيراً بالقاء

ادرته باحترافيه

كما استمتعت بالامس البعيد بلقائك

بالشاعر عناد المطيري


شخصياات رائعه

وانتقائات ارووع


دمت لعااصمة الربيع



شكراً بحجم السماء














التوقيع :
كفي دموعك يالحفر.. ربي بيسخرلك من يقوم بشأنك

قديم 23-05-10, 12:47 AM   رقم المشاركة : 7
ناجي الحفراااوي
العضوية الفخرية
الملف الشخصي







 
الحالة
ناجي الحفراااوي غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع

لقاء جميل معا الشاعر المبدع عبدالله علوش

نشكره على قبول هذا اللقاء الحصري الخاصه بمنتديات عاصمة الربيع

ونشكر الاخ الفارس على هذا اللقاء الحصري لنا.

حقيقه استمتعنا بهذا الحوار الجميل والتعريف الكامل بهذا الشاعر..







التوقيع :

قديم 23-05-10, 01:13 AM   رقم المشاركة : 8
ريم النواااظر
مراقبة الاقسام الادبيه
الملف الشخصي







 
الحالة
ريم النواااظر غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع


مسااء الشعر والأبدااع


[mark=CCCCCC][fot1]عبدالله علوش[/fot1][/mark]

لا أنكر فرحتي وكم كانت لاتوصف عندما أخبرنا الفاارس
يــ/ لقاء قريب يجمعه بك ......!!
وبداية أحي شاعرنا ... وأشكره علي أتمام هذا اللقاء
لنتعرف علي عبدالله الأنسان والشاعر عن قرب!!

[mark=CCCCCC]الفاارس[/mark]

كل الشكر لهذا البازار الشعري ... فقد نجحت في التغلغل والتعمق
ومن خلال اسئلتك بأبراز جوانب كثيره في حياة ضيفناا وتوضيح الكثير من أراءه
ونظريااته المتعلقه بالشعر... ورغم تعارضنا مع بعض أراءه فقد أستمتعنا بلقاءه!!

[mark=CCCCCC]الفاارس[/mark]

شكرا كثيره لهذه الحصريه الرائعه
وشكرا لهذا المجهود الكبير
لقلبك الطهر والنقااء








التوقيع :













قديم 23-05-10, 01:13 AM   رقم المشاركة : 9
هنوف نجد
حاصل على وسام التميز
الملف الشخصي







 
الحالة
هنوف نجد غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع



اهلاً وسهلاً بتشريف

الشاعر الكبير:

عبدالله علوش لمنتديات عاصمه الربيع

والذي ترقبناة بشوق منذ فتره
:

:

الفارس بيض الله وجهكـــــــ

لقاء ممتع اتحفتنا به

مع الشاعر :

عبدالله علوش

لم تغادر كبيرة ولاصغيرة الا سألته عنها

وكما ان الشاعر تحدث باريحيه واسهاب

بالمجمل اللقاء كان صريح وراقي

بخلاف هذه السقطه التى اخذتها على الشاعر:


اقتباس:
المراءة ماتعنيني ولا شئ...!!
ولا حاجة ...مخلوق مستخدم فيه جمهور راح يقراء ويفهم وهذا لولا امي من النساء كان مااحترمت النساء ..!!! بس علشان امي مرة احترم النساء .!!

0

لكــــــــــ// وللشاعر // تمنياتي بمزيد من التألق






التوقيع :



قديم 23-05-10, 12:47 PM   رقم المشاركة : 10
غيرووطبعك
عضو برونزي
الملف الشخصي







 
الحالة
غيرووطبعك غير متواجد حالياً

 


 

رد: لقاء .. مع الشاعر الكبير/ عبـــدالـــله علــــــوش .... لعيون عاصمة الربيع


لقاء جميل وحصري

لله درك يالفارس







 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:47 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم