[frame="2 80"]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
واطيري اللي عاد من دون راعيه =وش له تعود وصاحبك مابعد عاد
من اول اليا جيت ياطير اهنيه =قبل الهلال يهل والشوق رعاد
واسج في شوفه صباحك واحاكيه =واضم صدره واخذ يدينه مهاد
و اتنفس انفاسه وانا ذايبٍ فيه=حتي يفيض بداخله عشق وسهاد
اغلا البشر عندي ولاني بناسيه =عامين ناطر جيته دون ميعاد
لكن حقيقه مابها شيً ارجيه =صار النصيب اليوم قاضي وجلاد
في دفتر الذكرى كتبت المشاريه =وبوم الليالي شل بالقلب الاوتاد
ياطير بان الصبح والحزن يعميه=وجمر الحنين بداخل الجوف وقاد
ياطير تدري بخافقً حيل يغليه =وش له تجي وامالنا صارت ابعاد
ياطير تكفى طالبك رح وراضيه =خلك بعيد ودونك الحزن هداد
الهم والتفكير والضيق أخفيه =وش عاد يعني نلبس ثيابٍ اجداد
ياطير لاجيته امانه تراعيه=وسلم عليه وقله الطير ماصاد
ياطيري انت العيد والعيد يكفيه =انه يعود بكل عامٍ للاجواد
واسمع ترا ياعيد ابغى اهنيه =عيده سعيد وجعل اعوامه اتعاد
ينعاد عيدك ياغلا العيد واثنيه =وانتي بخير وكل اعوامك اعياد
[/poem]
[ 0،.. سعــود الــصعيري .،0 ]
[/frame]