سعود بن نايف المحنا ...من صادق الخوه وفعله بيمناه

[الفارس]

قصيدة مهداه من الاخ العزيز/ راجي الشبعان
إليكم ما وصلنا :

...مررت هذا اليوم 7/ 10/ 1433هــ
على جوزات محافظة الخفجي _
للسلام والمعايدة في بداية دوام الدوائر الحكوميه .
وشاهدت مكتب سعود بن نايف المحنا المطيري خاليا" من صاحبه حفظه الله . فحز في خاطري عدم رؤيته بعد تقاعده من الخدمه العسكريه
و جاءت هذه الأبيات :
مريت في مكتب طليق الحجاجين
و لا لقيت ألا محله و طرياه
وذكرى لوجهه في نفوس الوفيين
و جمايل(ن) تعرف لمثله و شرواه
أخوي ابو نايف من أول وهالحين
لا شانت وجيه الرياجيل تنصاه
و غصتني العبره وأنا أقول بيتين
من صادق الخوه وفعله بيمناه
عوني و أعده من اعيال الشباعين
وقدره مورث عقب مطلق ورثناه
وتبقون ياربعي على العسر و اللين
لو غاب نجم(ن) باقي نجوم تقفاه
يااا رب جملنا بدنيا" بعد دين
قبل الحساب وجوف قبر(ن) نزلناه .

راجي مروي ابن عبطان الشبعان

[بطاح]

صح لسانك ولسانه


وكل عام والجميع بالف خييير ان شاء الله
يستاهل الذكر الطيب كل طيب

[محمد البرازي]

الله الله .. يرحل ويبقى الطيب والجود .
لهذا يجب أن يترك كل شخص له صفحات بيضاء يذكرونه بها .
والله ونعم يالعوني .. وصح لسان الشاعر .

أخوي ابو نايف من أول وهالحين
لا شانت وجيه الرياجيل تنصاه