أسعد الله مسائكم جميع اعضاء وزوار هذا المنتدى الرائع ربما الاغلبيه يسافر في اوقات الأجازه الصيفيه وتكون رحلته فيها جميله ويحب ان ينقلها لأشخاص عزيزين عليه او بالاحرى مشاركتهم فيها هذه العطله ذهبت فيها إلى سوريا وقد زرت عدة اماكن فيها واغلبها كانت المعالم التاريخيه الموجوده هناك. وساضع معظم الصور التي التقطتها في المنتدى خلال الايام القادمه ولكن اليوم ستكون الصور لرحلتي الاولى في سوريا وهى إلى اللأذقيه حيث البحر الجميل والجو الممتع ودفئ المائ فيها.. بعض المعلومات : طبعاً سعر الصرف في سوريا قبل ثلاثة ايام كأخر يوم صرفت فيه كان الريال بـ 12 ليره سوريه. مع ان العام الماضي كان بـ 14 بس ارتباط السعوديه بالدولار هو ماجعل قيمة الريال تهبط. وطبعاً في هذه الاوقات صايره غاليه كما ارتفعت اغلب السلع عندنا ارتفعت عندهم ايضاً اغلب الاشياء من بينها البنزين ونصيحه لحد يروح لسوريا بسيارته لانه يبيلها ميزانيه بروحها مع البنزين سعر اللتر الواحد بـ 40 ليره اي مايعادل 3.33 ريال شفتوا الفرق بيننا وبينهم يعني سيارتي الكامري اعبيها بالسعوديه بـ 30 ريال بينما بسوريا 2700 ليره يعني تقريباً 250 ريال اااااااااااااااااااااااه يالفرق ماعلينا اللاذقيه تبعد عن محافظة حمص 190كم يكثر فيها السواح واغلبهم الخليجيين اسعار الشاليهات فيها مختلفه الشاليه القريب من البحر يكون سعره 7000 ليره لليله الواحده اما البعيده تقريباً 400 متر مابين 4000 و 6000 ليره. انا والشباب اخذنا الاقرب للشاطئ بـ 7000 ليره والشاليهات مكيفه ونظيفه توجد فيها 3 غرف وفي كل غرفه حمام ومطبخ وصاله.. نبتدئ بالصور في هذه الرحله الجميله.. طبعاً في بداية الوصول في شارع الشاليهات تجدون اصحابها يتسابقون عليكم وينتظرون بالقرب من الشوارع لكي يستقطبو الزبون بسرعه. هذا الاطفال يمشون على نهج اباءهم.. هذا واحد ينتظر السياره تمر من قدامه تحت الشجره طبعاً بداية دخولنا لمشاهدة الشاليه وهذا واحد من الشباب يتفرج على الموقع من البلكونه. وهذه بعض المناظر من البلكونه توجد شاليهات كثير بالقرب أكثر من الشاطئ لكن للأسف كلها محجوزه وهذا كتقريب من الكاميرا للبحر الربع حتى الشيشه مابطلوها المهم اني بعيد عنها وقلت لهم لازم افضحكم بالمنتدى بس ماراح اقول اساميهم موقف خاص للسيارات قريب من كل شاليه نزلت بعدها اتمشى على الشاطئ اتفرج عليه واخذ بعض الصور وهذا الحصان والجمل للتأجير صراحه اعجبني الحصان وركبته وياليتني ماركبته افضل السكوت احسن
تـــــــــــابـــــــــــــــع واصلت المشي بعد الفرس الله يقطع ابليس صاحبه رجعت لشاليهنا قلت اجلس بالبلكون واشوف الناس افضل لي لاتنسونه اسمه الباسل تراه خوش شاليه هذا جارنا ابو اسامه ماخذ عياله للبحر << بسرعه تعرف عليه هذا قطار يفتر على الشاطئ كله بـ 50 ليره ولا انصحكم بركوبه لان كله سماعات وازعاج واغنية هيدي هيدي للحين صوتها بأذني طلعنا برا بعد ماغابت الشمس نتمشى بالاسواق واول شي لفت انتباهي الذره ( العرانيس ) بالسوري استغربت كيف مايطيحون وشلون مسويهم.. المهم تسوقنا شوي ورجعنا للشاليه جلسنا فيه وجاء وجاء وقت النوم . الشاليه من الداخل. صحينا الصبح الساعه 6 توقعت مافيه احد البحر قلت بروح اسبح << ناوي عليها من الليل بس لما فتحت الشباك لقيت الناس سابقتني وانا الي طلعت المتأخر نزلت للبحر علشان نركب لنا من القوارب الصغيره نويت ادخل البحر
تــــــــــــــــابـــــع أخذنا الاصفر كونه نصراوي وسعره بالساعه 500 ليره طبعاً الجي تسكي سعره بالساعه اغلى 1000 ليره ماعرف له لو اعرف اخذته توقعت اني راح اطيح بوسط البحر والسباحه مييييييييييييح عندي اقلعنا داخل البحر والله اني احسد بعضهم شلون يدخلون ويبعدون عن الشاطئ وهذي اجواء اللاذقيه ذاك اليوم اغلب الشاليهات على الشاطئ
تـــــــــــــــــــابـــــــــــــــع البحر بس شكله غريب اتذكر البحر ازرق هذا شلون صار اخضر مدري بعض الناس السباحين <<< حاقد البحر بعدها رحنا للكورنيش الرائيسي موقعه مرتفع جداً والمنظر جميل جداً طبعاً في الليل انارة اليونان تبين من بعيد من نفس الموقع وهذي بعض الصور هذا اتوقع راح يكون فندق مطل على البحر بعض المباني المجاوره انتهينا من رحلتنا اليوم في اللاذقيه واتمنى اكون نقلت لكم الصور بالشكل الرائع وانتضرونا في رحله اخرى قريباً وصور اجمل... سلااااام..
بصراحه رحله راااائعه تشكر ناااجى الحفراوى على هذا الشعور الطيب حيث لم تنسى المنتدى بل جلبت لنا اجمل المناظر الف شكر لهذه الروح التى تشعرنا بانتمائك لهذا الصرح الشامخ رحله موفقه ناااجى ننتظر جديدكـــــــــــــــ تقبل تقديرى واحترامى
[align=center]بصراحه رحله ممتعه وقمه في الروعه والجمال حقيقه أمتعتنا بهذه الصور الجميله وكأنك أخذت بنا إلى هذا المكان ناجي فعلا مجهود أكثر من رائع خاصه الصور واضحه أنتقاء رائع جداً يعطيك العافيه ننتظر منك رحله ثانيه وصور أجمل تقبل مني فائق تقديري واحترامي[/align]
يا سلام عليك ياناجي كفيت ووفيت على هالصور والشرح ........ ماشاء الله عليك صراحه صور خيال الله يعطيك العافيه ياناجي على هذا الجهد الرائع وتقبل مروري.
ااحـــــلـــــى. واحد بجنبي يقووول اي والله بحرر مسكين. الحمد على السلامه. بسس مااا شفنا خشتك. صرحااا صور روعه. مسوي دعايه للفندق هههههه . مشكور انا اقووول من طول الغيبات جاب الغنااايم .. تقبل مروري..
شكراً على الصور وبصراحة رائعه واتمني أني كنت معاكم بالرحلة بصراحة رائعة تقبل تحياتي
اقتباس: المشاركة الأصلية كتبت بواسطة هنوف نجد بصراحه رحله راااائعه تشكر ناااجى الحفراوى على هذا الشعور الطيب حيث لم تنسى المنتدى بل جلبت لنا اجمل المناظر الف شكر لهذه الروح التى تشعرنا بانتمائك لهذا الصرح الشامخ رحله موفقه ناااجى ننتظر جديدكـــــــــــــــ تقبل تقديرى واحترامى الله يسلمك هنوف نجد لابد ان تكون لهذا المنتدى نسخه خاصه من رحلاتي في كل مكان مرورك رائع واضافه جميله شكراً لكِ على التواجد والمشاركه.. دمتي بخير..