[ هنــــا متابعة ] نتائج توظيف المستشفى المركزي ومستشفى النساء والولادة

[قاررئ]

اقتباس: المشاركة الأصلية كتبت بواسطة HHHHHHHH    لما قدمت كنت مقدم بشهادة بكالوريوس ورحت للحفر وطابقت اوراقى وبعدها بفترة كلمنى واحد قالى نبغي شهادتك الثانوي ورحت للحفر وعطيتة الشهادة ومع كل هذا ماجتنى رسالة بس مااقول الا الحمد لله هذا مكتوب لى اللهم لااعتراض بس انت حالتك مرة صعبة انا بحاول قدر المستطاع اني اوفر لك وظيفة بقطاع خاص اذا تبغي

يعطيك العاااافيه على عرض المساعده ..... وعسى الله يكتب الي فيه خير .... انت ماقصرت بس اخوي ممكن كم سوال ... واسف على هذي الاسئله ...انت تطيبت وعرضت فعل الخير وجزاك الله خير ..
لكن هل هذا القطاع الخاص في الحفر لان ظروفي ماتسمح لي بالخروج بر الحفر والله اعلم بذلك ..


جعلها الله في ميزان حسناتك

[نظر عيونها]

زهقونناا الله يعين

‏ طيب تهقووون تنصحوني اهزع يمهم واشوف وش صار

معهم واسألهم اذا تم استبعادي او لا

انا اداريه قدمت بشهادتي الثانويه مع بكالوويورس

مع دوراات بالانقلش والحاسب الحالالي

[HHHHHHHH]

الله يعافيك ياخوى قارى بس القطاع الخاص هنا فى الرياض

[قاررئ]

اقتباس: المشاركة الأصلية كتبت بواسطة HHHHHHHH    الله يعافيك ياخوى قارى بس القطاع الخاص هنا فى الرياض

الله يجزاك خير لا والله مالي فيها لاني ظروفي ماتسمح ....... وخير وصل ...

[قاررئ]

اقتباس: المشاركة الأصلية كتبت بواسطة نظر عيونها    زهقونناا الله يعين ‏ طيب تهقووون تنصحوني اهزع يمهم واشوف وش صار معهم واسألهم اذا تم استبعادي او لا انا اداريه قدمت بشهادتي الثانويه مع بكالوويورس مع دوراات بالانقلش والحاسب الحالالي

نصيحه وانا اخوك روحي لهم ... بكره ... وانا بعد ابي ادخل عليهم لعل وعسى يقدرون ظروفنا ...

وعسى الله يكتب الي به خير لنا ....(لا تحبوا شيء وهو شر لكم ولا تكرهوا شيىء وهو خير لكم ..)

[حفراوي2010]

اقتباس: المشاركة الأصلية كتبت بواسطة قيثارة حزن    على فكرة اللي حاط الاسئلة احسه غبي هههههههههههههه فيه سؤال بالصفحة الثانية اتوقع مكتوب اختيارات اول وزير خارجية للمملكة والاختيارات كانت 1 / سعود الفيصل 2/ تركي الفيصل 3/ فيصل بن فهد واللي معروف انه اول وزير خارجية للمملكة هو فيصل بن عبدالعزيز رحمه الله يعني المفروض يكون احد الاختيارات بس شكل اللي حاط الاختبار هندي او مصري او ما عنده اي خبره بتاريخ المملكة ورموزها .

ههههه يا رجال واحد شهادة ثالث متوسط و ثقافته التاريخية معدومة وش تتوقع منه

[نظر عيونها]

بروح لهم بكراا واشوف

ع الاقل اعطيهم رقم الطلب حقي واتأكد اذا تم استبعادي

او لااا

[نظر عيونها]

ي اختي دام اسئلتهم سهله حممدلله

ابرك ماتكون صعبه والناس ادقر فيهاا


حمممدلله ع كل حال

[حفراوي2010]

اقتباس: المشاركة الأصلية كتبت بواسطة قاررئ    السلام عليكم ورحمة الله وبركاته .......... ياجماعه انا مقدم على وظيفة اداري (مدخل بيانات...) وشهادتي ثانويه متخرج عام 1424هـ..وحاصل على 1.. دورة في الحاسب الالي ادخال بيانات ومعالجة نصوص .. 2.. دورة في اللغة الانجليزية ... 3... حبره في خدمة العملاء سنه وسبعة شهور.. ولا جتني رساله ... قلت يمكن في مشكله في النظام خلني اروح اشوف شنو المشكلة ... لم وصلت عندهم .. لقيت خلق الله مستعده للأختبار قلت حلو يمكن يقولون في مشكله بالنظام او اي عذر ويمشون مع الناس الي تبي تختبر سألت السكرتي ... انا ...لوسمحت ممكن اكلم الجنة السكرتي ..معليش ممنوع الدخول بس الي عنده اختبار بس امر وانا اسألهم لك انا .... قدمت على مستشفى الولاده وماجتني رساله على الاختبار السكرتي.... راح للجنة ... ماعليش اخوي الجنه يقولون الي مجته رساله تم اسبعاده .. انا ... ممكن السبب .. السكرتي ...لحظه ... اخوي رح للباب الي على اليسار وخش عليهم راح يجيك عضو من الجنه . انا ... يعطيك العااافيه رحت للمكان الي قالي دخلت وانتظرت ..حتى وصل غضو الجنة العضو... السلام عليكم انا ... وانا عليكم السلام العضو ... تفضل اخوي كيف اقدر اخدمك انا .. قدمت على وظيف اداري مدخل بيانات في مستشفى الولاده ولا جتني رساله ممكن اعرف المشكله العضو .. اكيد عطني كرت الموعد ... انا ... للاسف ماهو معاي .. العضو ... طيب عطني البطاقة انا ... ابشر تفضل .. العضو ... لحظه انتظر .. راح للجهاز عشان يستفسر الله يجزاه بالخير ذاك الموظف فعل قد المسؤليه وعند ضمير ياجماعه .. انتظرت ودلي ...قال العضو ... اخوي اتصل على احد في البيت خله يعطيك رقم الطلب او جب لي رقم الطلب عشان تكون الاجابه لك كامله ونعرف شنو السبب الي مقبلوك .. انا ... ابشر ... رحت للبيت وجبت الكرت الي فيه رقم الطلب ... ردين لهم لقيت الناس خلصت الاختبار ..دورت الموظف الي قالي ماحصلته .. ولقيت موظف ثاني سألته عن بعد عن سببب الاستبعاد .. قال ممكن انك ماجبت النقاط المطلوبه !!!!!!!!!! انا ... طيب اخوي كيف وشلون واي نقاط الموظف ... الاولويه للي متخرجين القدامى انا ... طرت من الفرح ودي اضحك من الفرح قلت في قلبي الله اكيد اقوله يقول ابشر واسفين ماندري انك قديم.... قلت طيب انا قديم طالع عمرك متخرج عام كذا وكذا وعندي وعندي وعندي ابي اقنعه في اي وسيله ..اني فعلن ابي الوظيفه ... الموظف ... لا اخوي حنى من خمس سنين وجاي وفي نقاط بعد ماهي نشوف من الي نقاطه اكثر نقبله .. انا .... طيب اخوي ممكن تشوف من عندك الجهاز شنو سبب الاستبعاد .. لان واحد من اصحابك قال جب لي رقم الطلب واشوف لك شنو السبب .. الموظف .0.. رح للموظف الي قال انه يشوفها لك وخله يستفسرلك عن طريق الجهاز !! ارجوا التركيز على هذا الرد.. انا .... يعطيك العاااافية ماقصرت .... وانا طالع الي هذا الموظف الي قال جب رقم الطلب ... انا ... السلام عليكم ... يعطيك العافية اخوي انا قبل شوي جيتك وقلتك انه لم يتم قبولي وقلت جب رقم الطلب عشان تشوف شنو المشكله .. الموظف ... وعليكم السلام .. ايه فاكرك تفضل عطني رقم الطلب والهويه ... انا .. ابشر تفضل ... دخل على النظام وشاف شو المشكله ..قال .. الموظف ... اخوي انت نقاطك 18 ومادري كم النقاط المطلوبه لكن اتبعني للغرفه الثانيه .. الي كان فيه الموظف راعي الحوار وسأله قال الشخص مقدم على ونقاطه 18 كم النقاط المطلوبه رد عليه وقال 19 نقطه انا انصدمت قلت انا .... طيب في شباب تم قبولهم معهم ثانويه بحت لا دوره لا خبره ولا اي شي .. الموظف... طبعاً الموظف الي قال لي جب الكرت الثاني الي يقول رح للموظف الي قال انه يشوفها لك وخله يستفسرلك عن طريق الجهاز.... اكيد في شي فضله عليك انا انصدمت وقلت شكراً يعطيك العافية ومسكت البااااااب .... اتكلم مع نفسي واقول شنو الي فضله على ثانوي بحت .. وانا ثانوي +حاسب+انجليزي+خبره ..... طلع الموظف المتعاون وقال اسف اخوي احس حتى هو انصدم .لما سمع كلام الي يفرزون. قال الله يرزقك ان شاء الله ....... ....ياجماعه تذكرون اول لما نقدم على الوظايف معنا بس ثانوي شنو يقولون ... لومعك حاسب او اي دوره في اي مجال ... جبن لهم دورات ....قالوا بس لو معك اي خبره ... جبن خبره من الشركات وتعذبن مع بعض الشركات عشان نجيب لهم خبره ولا نفعت ..... علموني ياخون شنو الحل والله مليت من التقديم على الوظايف اظاهر والله اعلم اني ماراح اقدم على اي وظيفه والسبب انهم يعطون امل في البدايه ويخثلونا قبل النهايه .... نسأل الله العفو والعاااافية في الدنيا والاخره ....

لا تروح للخمعلي ولا شي .
روح للصحافة مثل جريدة الشرق و الصحف الالكترونية هالمهزلة ما ينسكت عليها . انا اعتقد ان حقين الواسطات تم اختيارهم في المفاضلة و الباقين بس تكملة عدد عشان يسوون مقابلة شكلية وطبعا الموظفين تم توظيفهم نصيحتي لك لا تسكت عن حقك لانه لو صعدت القضية راح يكون لها صدى.

[قاررئ]

ياجماااعه تكفون في احد اقبلوه مدخل بيانات ... وش مؤهلاته .. تكفون الي يقراء الموضوع ويعرف احد يجاوب او في واحد من المنتدى تم قبوله ... الرجاء عدم التجاهل ....