لبى روحتس صدز ياوجود والله فاقدينتس وربي
فاقده اخت احسها قريبه مني بافكار وابداعاتهااا>>>>>يعنني موووبدعه >>لايكثر بس
وجودنا تسعدني متابعتس لي..وحريصه على مرورتس هنا بكل وقت ويامرحبا مليون ولايسدون ياالغاليه
رمضان ع الابواب ..
وأسأل المولى تعالى ان يبارك لنا ولكم فيه
وان يتقبل منا ومنكم صالح الاعمال ويعيننا على طاعته وشكره وحسن عبادته في هذا الشهر الكريم..
رمضان ع الابواب...
وهنا فرصة تجار المواد الغذائيه..
وتلاعبهم بالاسعار و وزارة التجارة لاحس ولاخبر ولاهم يحزنون ..
ايام وتتزاحم المجمعات ومحلات المواد الغذائيه بالمشتريين..
والاسعاااااااااار ناااااااار ياجماعه..
انا وانت الحمدلله نقدر نوفر المقاضي او بعضها..
لكن..
ويتعبنا من لكن...
ذاك الشايب اللي حيلته سيارة اجره يكد عليها ليوفر لقمة العيش لكومة اطفال في البيت عنده...
كيف يوفر مقاضي رمضان...!!!؟؟؟
وذيك العجوز الارمله ومعها بالبيت من تعولهم من البنات والاولاد...وماحيلتها الا بعض الملابس اللي يجود بها عليها اهل الخير تأخذها وتبيعها بسوق الحراج وماتزيد قيمتها عن خمسه ريال..او اقل بعد..لتوفر اكل اهل بيتها في ذاك اليوم...
بالله عليكم وش تسوي الخمسه الريال الحين مع الاسعار الطايرة بالسماء
فما بالكم برمضان ..
لاتقولين تبالغين ياموكا موكا ..
لاوالله اني صادقه ..
وكم بيت وبيت اجهله وتجهلونه ولايعلم بحالهم الا الله وعزة نفوسهم تمنعهم من سؤال الناس عن حاجتهم..
لاتقولون الجمعية الخيريه ماتقصر او الضمان الاجتماعي..
ترا والله مايلحقووون..
والقضية قضية الاسعااااار لمتى....!!؟؟
يا اهل المحلات اتقوا الله...
طمع الدنيا لايعميكم عن آخرتكم ..
من شاق ..شق الله عليه...