[align=center]السلام عليكم ورحمة الله وبركاته
هذه القصيده كتبت في مدح من يستحق المدح
حيث ان له وقفات مشرفه معي ومع الغير
واحببت ان ارد له بعض الثناء رغم انني اعلم انها لن تفيه حقه
ولكن هذا ماجادت به قريحتي واعتذر مقدماً عن ضعف هذه القصيده
امام شموخ هذا الرجل العظيم تقبلوها كما هي
اهداء للأخ العزيز / عبدالله محمد السعود العوفي الحربي
ولكل متذوقين الشعر في منتديات عاصمة الربيع
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام ياراعي الوفاء والمروات = وجه السعد وجهة وحضرة جنابة
نادر حرار(ن) بالفعول الجزيلات= عز الصديق وعزوتة والقرابة
طلق الحجاج اللي يدينه طليقات= ابن كريم تفتخر فيه لابة
هذاك عبدالله زبون المهمات = شيخ فتح للناس قلبه وبابه
يفرح به اللي له لزوم وحاجات= لايابعد ناسِ تجيب الكأبه
اللي بهم لفة وهفه وحوصات= اطيبهم اللي مايبين عيابه
يفز مصلحةً على شكل فزعات= واذا انحرج خيبان بين خيابة
ون وقفت الاسرار عندي سلامات= ماني مشهر بالردى من مشابه
ماقلتها وليه مقاصد ونيات= شاعر وابين مقصدي بالكتابه
من واجب الطيب علينا له ابيات= تسري بها الركبان مسرى الذيابه
تجعل من افعاله بالاذهان بصمات= ويصبح علم حتى العرب لاتشابه
من شان كل انسان سوى جمالات= يدري به اللي بالعرب مادرابه
والا الردي متعود(ن) للمطبات= ينزل تحت لو ترفعه وتهقابه
هذا مقامه والاوادم مقامات= وكل (ن) على قدة تفصل ثيابه
والا انت والله هقوتي فيك هقوات= ياوافي الافعال وافي النسابه
اصيل في ذاتك واصيل السلالات = اعمامك ذياب وخوالك ذيابه
مواقفك بالطيب نخوه وفزعات = ولك في قلوب الناس قدر ومهابه
مثلك عسى ربي يزيده براكات= با العمر والاموال وامرٍ سعابه
آمين ياللي تستجيب الدعوات = افتح سماك لدعوتي بالاجابة
تمت ولله الثناء والتحيات = وصلوا على احمد وآله والصحابة[/poem]
استدراك :
( اعمامك ذياب وخوالك ذيابه )
خواله : هم ال زويح عائله معروفه من البرازات
من قبيله السهول العريقه
اخوكم / عناد سعد الفريـدي [/align]
العرض العادي
