تكفون الفزعة مضطر

[ابوبندر@]

السلام عليكم
ابي احسن مستوصف لتركيب الاسنان واسم الدكتورعن تجربه تكفون الالم شديد

[الشيخ رومل]

وعليكم السلام

تعوذ من ابليس يابو بندر على طول تركيب اسنان عشان الالم يمكن تسوس او عصب

انا الحمدلله ماجربت لاكن واحد مدح لي سيجال الي بالمحمدية فيه دكتورة فلبينيه على ماعتقد

[ابوبندر@]

ياخوي من شدة الألم موقادر ابي دكتور زين بالمره يشوفهن وأخذ موعد لتركيب أسنان ابي مراجعتي كلها عنده مو كل شوي عند دكتور

[ماجستير]

الحين انا انصحك اذا يعورك تمضمض فى مطهر اشتره من صيد لي مؤقتا يزول على طول وابحث لك عن مستوصف كلن ضبط سنونه عند مستوصف واكيد يقول لك حلو انا اشوف انك تروح لمستوصف متخصص بلاسنان مش عيادات مستوصف اسنان تجد كل ما عندهم انشاء الله وذا عندك اللتهاب تمضمض فى مره معروفه عند الحريم كبار السن هذا المره تقتل البكتيريا انشاء الله اخوي

وبالشفاااااااااااااااااااااااااء العاجل انشاء الله

[تركي الوايلي]

اقتباس: المشاركة الأصلية كتبت بواسطة ابوبندر@    السلام عليكم ابي احسن مستوصف لتركيب الاسنان واسم الدكتورعن تجربه تكفون الالم شديد

عليكم السلام

اخوي عندك مستوصفين على شارع الستين الغربي

واحد اسمه مستوصف المنار للاسنان
والثاني اسمه اتوقع تاج الرعايه

عموماً هن كلهن متقابلات لبعض

وشف اللي يناسبك

والله يعينك على اوجاع الضروس والاسنان بشكل عام

وخاصه اوجاع الضروس والله انا عانيت وعانيت
واطلقت الآهات ثم الآهات والصيحات من الوجع

والله من قوة الوجع جيت للدكتور وفحصني وقاعد يتمقل بالضروس يقول تبيني احشيه او اقطع العصب ولا اخلعه

انا مسكته مع يده الدكتور قلت له تكفى ياولد اخلعه اشلعه
سو اللي تبيه بس فكني من وجع هالضرس اللي ماخلاني انام لا ليل ولانهار

وتمنياتي لك الشفاء العاجل ياغالي .

[جروح الذاكرة]

والله إن مهنة " طب الأسنان " ماهي شينه ، شكلي باخذ لي دوره كم شهر وأشتغل في أي عيادة . لأني عارف إن مافيه واحد بيجي يقول لي ركب لي كرستاله ولا أبي طلاء ، كلهم يبون خلع ( شلع في معجم تركي الوايلي ) .

المهم , ما دام يوجد ألم إعلم رحمني الله وإياك أن هناك إلتهاب ، لذا أنصحك بعدم خلعه إلا بعد أخذ مضاد حيوي حتى يخف الألم ، بعد أن يخف الألم بيومين حينها إفعل ما تشاء ( هماه ضرسك أنت ؟ ) . لكن هي نصيحة لا تخلع أي ضرس إلا إذا كان الخلع آخر العلاج . إستشر الدكتور في أن يزيل التسوس أو تعديل الضرس إذا كان مكسورا ً .


وعقبال ما أشوفك تاكل حلاو بقر




فتك بعافية



جروح الذاكرة " أخصائي باطنيه وأشياء أخرى "

[الأسطوره]

مستوصف فيصل لطب الاسناااااااان بجانب فندق الشماااااااااااال
وسلااااااااامات

[مشاكس الحفر]

مستوصف بحي المحمديه والله ناسي اسمه لاكن هو متخصص للاسنان


وماتشوف شر

[الـبدر]

الله يعينك علي الضرس ....لاكن ماللضرس الا القلع
يقولون مستوصف فيصل وسجال ...طيبات يقولون القوالة انا مارحت ولله الحمد
الله يشفيك