شىء ما ينقال.. لطلال حمزة

[البحـــر]

احاول اكتب:
احاول استرجع كلام (ن) قالته
او غمام (ن) سالته:
وارتب الاوراق..واكتب:
احاول اكتبها قصيد(ن)
ما حصل مره وكتبته
وارتكبها
مثل ذنب(ن) عمرى ما يوم
ارتكبته
واستدرج الحزن الطرى
حتى تغرورق يديني
او حتى ييبس..دفترى
واحاول اكتب:
من زمان
من ثمان سنين
واكثر من عشر طعنات
واطول من سهر فارع..تشجر ف الورق
واورق هوس ف البال

من هناك:
من اول الغيث اللى يسقى جبهتك
لامن خجلتى
لاخر اخر..رنة الخلخال
من هنا:
من يمين الممكن العادي
الين اقصى يسارك يا المحال
من ثلاثين..مضت
مدرى وشلون انقضت
لل..ليله اللى ذوبت
كل الثلاثين بشفاهك
ومدت الفنجال
من عرفتك كنت احاول
من عرفت الشعر احاول
واطول\ اقصر
وانكسر واختال

قريت من (بانت سعاد)
الين ما (فات المعاد)
حرف حرف
وكلمه كلمه
وبيت بيت
يمكن القى فيها ما يوصف شعوري
صدقينى ما لقيت
صدقينى: ما قدرت اكتب ولا اشطب
ولا قدرت اكذب
ولا حتى قدرت احتال
وش كثر هالعجز موجع
وش كثر هالعشق مو جع
وش كثر هالشعر موجع
وش كثر: هذا المدى ضيق
ومعتم
اوووووووف..وشى ما ينقال

قمت افتش فى الكلام العذب
عن ملح(ن)
وفى المالح من الهرج
عن صمت(ن) زلال
ما لقيت الا البقايا
ولا فقدت الا......طلال


طلال حمزة

[عذب الكلام]

صح لســــــــــــ ولاهنت ـــــــــــانك يالمبدع

وهذا موغريب عليك طبعا

سلمت لنا ولمنتداك

ولك تحياتي

عذب الكلام

[المشرف العام]

البحر صح لسانك وصح لسان الشاعر
طلال حمزه وهو غني عن التعريف وله اجمل الابيات في محافظة عاصمة الربيع

تقبل تحياتي
اخوك المشرف العام

[البحـــر]

اخوي /// عذب الكلام

صحت ابدانك

وتشكرات على تواصلك وطلتك



وتحياتي

[البحـــر]

اخوي /// المشرف العام

صحت ابدانك

ومثل ماقلت الشاعر طلال حمزه شاعر معروف وماهو غريب على عاصمة الربيع وله قصيده رائعه في اهل حفر الباطن ستكون في هذا القسم قريبا


وتشكرات على الطله والرد



وتحياتي