[align=center]المنتو الكذاب
من ألذ الأكلات اللي أفرزنها خاصة في رمضان
واليوم راح أنزل طريقتها
بالبداية نسوي الحشوة ( نحمس بصل ويضاف له اللحم المفروم والبهارات والملح )
نقص شريحة السمبوسة الجاهزة إلى قسمين ( لأنها طويلة شوي )
نحشي نصف الشريحة باللحم المفروم ونلفها على شكل إصبع ونغلق بموية وطحين
نرص الأصابع بعلب بلاستك وبين كل طبقة والثانية كيس بلاستك >> ما تلاحظون إني استخدم أكياس البلاستك بهبل خخخخخخخخخخ
وبعد ما تعبين العلب دخليها بالفريزر تجلس معاك أكثر من شهر [/align]
[align=center]طريقة طبخ المنتو الكذاب سهلة
اليوم سويت منتو والحمد لله ما نسيت أصور الطريقة
أولا نحمس بصل شرايح بشوي زيت ( السمنة أفضل ) وبعد ما يذبل نضيف فلفل بارد شرايح وفطر
الحمسة هذي نرصها في صينية
ونرص فوقها أصابع المنتو اللي مفرزن
نذوب نصف مكعب ماجي في كاس ماء مغلي ونصبها على الأصابع وندخلها بالفرن
وبعد ما تستوي نصف استوى تقريبا بعد ثلث ساعة أو أكثر نخلط قشطة خفق وملعقة جبن سايل ونصبها على أصابع المنتو وندخلهم الفرن مرة ثانية
النار طبعا تكون عالية بعد ما تنشف الموية شوي نحمرها من فوق
خلاص بكذا نكون انتهينا من المنتو الكذاب حبيب ألبي
وبالهناء والعافية [/align]
[align=center]أثير
بيلسان
الله يعافيكن خواتي
فعلا أنا أختكن الكبيرة وإن شاء الله أكون أفدتكن
متابعتكن بحد ذاتها تسعدني
فكيف بردودكن
أثير لا تيأسين المنتو لذيذ يستحق أعادة التجربة
وراح أنزلكن بإذن الله طريقة عجينة فطاير خيال ( أنا أسميها كذا )
راح تخلييكن هالعجينة تحبن دخول المطبخ لحد ما تصيرن منال العالم خخخخخخخخ
انتظروني [/align]
[align=center][/align]
[align=center]
المهم بنزل لكم طريقة سمبوستي اللي كل من ذاقها قال عطيني الطريقة >> واثقة الأخت هههه
وهي الطبخة اللي كنت جاية مفحطة بنزلها لقيت الموضوع محذوف خخخ
نبدأ
كوبين طحين + ملعقتين نشا + ملح + ثلاث أرباع كاسة (بيالة ) زيت
وتعجن بماء لحد ما تصير أثقل من عجينة الفطاير ( يعني قاسية شوي )
أتركيها ترتاح وأبدي الفرد والحشي ( أي حشوة تبين ) أنا حشيتها لحم مفروم وبطاطس مقلي وقطعة جبن
ورصيها بصينية ملبسة كيس بلاستك ناعم (جربت الخشن ولصقت السمبوسة )وعلى الفريزر
وبعد ما تجمد رصيها بعلب أو أكياس اللحم [/align]