ريم النواظر ساعدوني في حل هذا اللغز لو سمحتم !!

[تركي الوايلي]

انشدك عن شي انا وانت شفناه
شفناه وشافه كل مخلوق له عين
شي صغير وكل ابونـا لمسنـاه
الماء مشروبه واكله من الطيـن
يمشي ورا ومايلتفت لو ظربناه
ويطوي الفيافي كلها في نهارين
يعطيك كل اللي تريـد وتمنـاه
واذاعطاك يصيح وينخا البعيدين

صراحه الوالد الله يطول بعمره واقاربي كبار السن لم يستطيعو حل هذا اللغز المحير

واتمنى من لديه حل مقنع للغز وضع الحل مع الشرح الوافي والمقنع

ولكم جزيل الشكر

ويالله ياريم النواظر شدي حيلك انتي وبقية الاعضاء الاعزاء بحل هذا اللغز

اخوكم تركي الوايلي

[تركي الوايلي]

تكفون يا اخواني ابي حل مقنع لهذا اللغز ؟؟

[ريم النواااظر]

انشدك عن شي انا وانت شفناه
شفناه وشافه كل مخلوق له عين
شي صغير وكل ابونـا لمسنـاه
الماء مشروبه واكله من الطيـن
يمشي ورا ومايلتفت لو ظربناه
ويطوي الفيافي كلها في نهارين
يعطيك كل اللي تريـد وتمنـاه
واذاعطاك يصيح وينخا البعيدين

هلا بك أخوي / تركي

وحياك الله ملايين

أنا لي رمعه وعسي تكون قريبه

اللي هي / العين

وطبعا ننتظر رمعاات الأعضاء

وخصوصااا السهم لأن رمعاته ميه ميه

.
.

[محمدالوصل]

العين حل مقنع

[محمدالجرمان]

عمرالإنسان أعتقد

[ريم النواااظر]

ننتظر تركي ..!! وش يقول؟؟

.
.

[الزميلي]

اعتقد مثل ماقالت الاخت ريم العين او مايسمى بؤبؤ العين

[عويد المتليش]

العين

[تركي الوايلي]

لا يا اخواني ماهي العين ولاهي بؤبؤ العين وانا كلمت شعار كبار وقالو اللغز تعجيزي بالمره

[المتفائل]

لي رمعه ربما

دواسة البنزين