السلام عليكم تكفون ياهل الحفر العجوز تبي نطلعها ونفسحها بالبر ودي مكان قريب وحلو كشتة يوم ؟ ربيعه زين ؟ مع الوصف لاهنتو ........ ودمتم على الطيب ؟
عليكم السلام ورحمة الله وبركاته افضل مكان حتى الان هو من الصداوي ووصولاً حتى النعيرية ومن مفرق الصداوي السفانيه ووصولاً حتى الخفجي وعندك كذلك شمال الصفيري 35 كيلو يقولون به عشب وفياض زينه والله اعلم
من مفرق الصداوي السفانيه للخفجي لاتعب حالك ولاشي هذا انا الي شايفه بعيني ويجي من يفيدك باذن الله وشكرا
والله يا أخي ربيع هالسنة ماش , خصوصاً على الحفر . شف الخباري الي على طريق الرياض اباصف لك خبرا نظيفة وحليلة وماحد عنده : على طريق الرياض بعد ما ينتهي شبك الجامعة الي على يسارك افرق ياسر وتوجه جنوب شرق مسافة 5 كلم مع الخطوط الترابية "دبايات" جيتها السبت العصر مليانه وأعتقد إن اليوم باقي توالي