سؤال عن سامودة وأم عشر

[عجزت أنساك]

اقتباس: المشاركة الأصلية كتبت بواسطة تركي الوايلي    مقدر اقول الا الله لايوفق وزارة التعليم اللي حطوك بهذا المكان البعيد والذي لايوجد به لاشقق ولافنادق ولا اسواق وام عشر وسامودة هي مجرد هجر تقع جنوب غرب حفر الباطن فلذلك انصحك حاولي بشتى الطرق انك تنقلين الى حفر الباطن حسبنا الله ونعم الوكيل بس على وزارة التعليم ماعندهم لاذمه ولاضمير يحطون امرأه بهجره لايوجد بها لاسكن ولااسواق وبل في غربه اقسم بالله العظيم لو كانت المرأه بنت وزير التعليم ماراح يرضى طريق بعيد ومشوار وكله حوادث وفوق ذلك هذه انثى لاحول ولاقوة لها ولو كان رجال مافي مشكله لكن انثى ياوزير التعليم اين الرأفه بها اين مخافة الله ....!

هذا اللي كنت خايفه منه كنت حاسه ان الطريق يخوف وحوادث
حسبي الله ونعم الوكيل فيهم@-@
ياليت بكيفي انقل ماقدر اقدم طلب نقل الا بعد سنه@-@
حسبي الله عليهم مافي ذمه ولاضمير@-@
هذي كانت الرغبة اللي قبل الاخيره من عشر رغبات@-@
ابي افهم معقوله اللي قبلها ماتوفر لي فيها مكان@-@
كان عندي امل كبير يعينوني بالسعيرة بس حسبي الله عليهم كانهم عارفين اني ابي اقرب شيء للشرقية وقالوا نوديها ابعد مكان

[عجزت أنساك]

اقتباس: المشاركة الأصلية كتبت بواسطة غرور.    الله يعينك صراحه

الله يكون بعون الجميع
مشكووووووورة

[التحدي الصعب؟]

بعض الردود تدل على تفاهت اصحابها
بداية الف مبروك الوظيفة وبوسي ايدك وش وقفا على قولتهم واهم شي راح يكون معك محرم (أب، أخ ،زوج، ابن، الخ...) يعني الامور هذي مسؤليته انتي امسكي وظيفتك وابحثي عن بديلة ابركلك من سماجة بعض اللي هنا وعلى فكرة اهل القرى اهل نخوة وشهامة ومبروك عليك اهل ام عشر وسامودة ونعم فيهم

[عجزت أنساك]

اول شيء انا حامده ربي من طلع اسمي بالتعيين
بس الصدمه اني انحط بمكان غير مؤهل للسكن فيه ولا فيه اي خدمات وهجره بعيدة لو قريبه ماعليه بعد الواحد يرضى
والمحرم اللي بكون معاي فقط اسبوع اسبوعين يرتب اموري وبيتركني محد يقدر يقعد معاي ابدا


كل اللي ابيه ابي اسكن بمكان قريب لسامودة وأم عشر
عشان كذا طرحت الموضوع بمنتداكم اكيد انتم اكثر ناس بتعرفون اذا في سكن فيهم متوفر واقدر امن نفسي فيه او لا

[تركي الوايلي]

اقتباس: المشاركة الأصلية كتبت بواسطة التحدي الصعب؟    بعض الردود تدل على تفاهت اصحابها بداية الف مبروك الوظيفة وبوسي ايدك وش وقفا على قولتهم واهم شي راح يكون معك محرم (أب، أخ ،زوج، ابن، الخ...) يعني الامور هذي مسؤليته انتي امسكي وظيفتك وابحثي عن بديلة ابركلك من سماجة بعض اللي هنا وعلى فكرة اهل القرى اهل نخوة وشهامة ومبروك عليك اهل ام عشر وسامودة ونعم فيهم

السماجه راح تجي على اصولها لو كانت المعلمه التي تعينت بهجرة ساموده او ام عشر اختك او زوجتك ما قلت هذا الكلام وبل سوف نشاهد لك كلام وطعن بالمسؤولين لكن واضح انك مطبل ومجامل لبعض مسؤولين التعليم ويقولون اللي يده بالماء ماهو مثل اللي يده بالنار وفوق ذلك هذه انثى تعرف وش معنى انثى لو كان المتعيين رجال ماقلنا شيء لكن انثى معرضه للحوادث ومعرضه لأشياء كثيره لاتعد ولاتحصى وهذه مسؤولية التعليم بوضع اي انثى بمدينه مؤهله بالسكان وبالسكن وبجميع الخدمات
يضعون انثى بهجره لايوجد بها لاسكن ولاخدمات ولاحتى وسائل نقل ولاحتى تأمين
وتقول لها تحمدي الله على التعيين
عجبي من بعض العقول التي بمحتواها محدود الفكر .

[التحدي الصعب؟]

اقتباس: المشاركة الأصلية كتبت بواسطة تركي الوايلي    السماجه راح تجي على اصولها لو كانت المعلمه التي تعينت بهجرة ساموده او ام عشر اختك او زوجتك ما قلت هذا الكلام وبل سوف نشاهد لك كلام وطعن بالمسؤولين لكن واضح انك مطبل ومجامل لبعض مسؤولين التعليم ويقولون اللي يده بالماء ماهو مثل اللي يده بالنار وفوق ذلك هذه انثى تعرف وش معنى انثى لو كان المتعيين رجال ماقلنا شيء لكن انثى معرضه للحوادث ومعرضه لأشياء كثيره لاتعد ولاتحصى وهذه مسؤولية التعليم بوضع اي انثى بمدينه مؤهله بالسكان وبالسكن وبجميع الخدمات يضعون انثى بهجره لايوجد بها لاسكن ولاخدمات ولاحتى وسائل نقل ولاحتى تأمين وتقول لها تحمدي الله على التعيين عجبي من بعض العقول التي بمحتواها محدود الفكر .

بالعكس لو كانت امك او اختك او زوجتك بهجرة كان شفنا سماجتك تبي مدرسة ومدرسات !!!
وبعدين ياخي انا ماحددت رد احد ولا عممت كل الردود قلت بعض وواضح انك مافهت قصدي بس سبحان الله بعض الناس يحسبون كل صيحة عليهم
بالله عليك قلي وين موطن التطبيل في مشاركتي؟ والابس عرفت الكلمة وودك تقولها ، او تبيني انون واتباكى مثلك، والغريب ياخي تغييرك للموضوع ليش؟!! وجهة نظر وقلتها ولا بس يعني شوفني انا هنا وبتعلق لو ماقريت وفهمت ؟؟؟
عجبي من بعض الملاقيف اللي همهم التميلح .

[التحدي الصعب؟]

** خطاء مطبعي (انون) المقصود انوح.
بعد يجي واحد مطفي النور ويقول وش معناتها

[ماعندى شغل]

اول شي :اختي مبروك الوظيفه ...

وثاني : شي ماظن فيه سكن

والثالث : اذا كنتي من سكان الحفر فيه سواقين يودون معلمات
تتقاعدين معه مثلك مثل البنات الي من برا الحفرر

والسكن اقرب شي هي محطه البطيحانيه هي اقرب شي لـ ام عشر وساموده

ع الاقل انتي قريب للحفر والحمدالله على كل حال

[Al_mzohi]

اولا مبروك التعيين..

ثانيا
بالنسبة للسكن فيه محافظة اسمها )قبة ( تبعد عن سامودة 70 كيلو وتابعه لمنطقة القصيم
محافظة هادية والسكن فيها مريح لا ازعاج وحقك تاخذينه وزيادة والسبب لانها تتبع منطقة القصيم.

واذا تبين اقرب لمناطق الشرقية الباقية انصحك تسكنين بالحفر افضل وامن والي تبينه تحصلينه..
نصيحة لا تسكنين بالهجر لا مستشفيات ولا وسائل نقل ولا حتى اسواق ولا سوبرماركات
كل الي بسامودة محطتين متقابلات وبقالة نصف الاغراض مو فيها ومستوصف الله بالخير
حتى علاج الافاعي والعقارب مو متوفر عندهم مع انهم اولا بتوفير بحكم كثرة الافاعي والعقارب عندهم
والطريق من الحفر لسامودة 170 كيلو يعني بالكثير ساعتين والصريق عندك سايدن من الحفر الى محطة البطيحانية 90كيلو ومن بعدها الى سامودةسايد واحد 80 كيلو والحوادث فيه اغلبها شنيعه يعني وفاة بالاضافة الى انعدام تواجد امن الطرق بالطريق من البطايحانية الى سامودة.وبالنسبة ﻷخت الي تقولك اسكني بالبطيحانية هذة ماعندها ضمير البطيحانية عبارة عن مجمع محطة بانزين وبنشر وسوبرماركت ومطعم وشقق وغرف نوم للمسافرين العوايل والعزاب والاجانب ماخذين النصيب الاكبر من هالمجمع كلة باكستانين من شركة بلادن بحكم انهم يشتغلون بالقطار هناك.

اختاة..
لم اقل هالكلام الا من واقع ولا تخويف لك
اذا انتي محتاجة هالوظيفة ضروري لازم يكون معك احد من اهلك طيلة الفترة.
او تخلين ابوك او اخوك يشوفك لك زوج يغنيك عن هالوظيفة.

خسارة الوظيفة ولا خسارة العمر او الشرف بسببها.

[Ferrari]

ام عشر تعينت وحدة من الجماعه فيها قبل فترة وسكنو ببيت دور ارضي وتقول متوفرة بيوت قديمة وصالحه للسكن واهل ام عشر ناس فيهم فزعه وتوكلي على الله واستاجري فيها واذا تبين اتاكد لك بوه سكن او لا حاضرين اذا قررتي الله يستر عليك ويوفقك ويحقق لك كل الاي تتمنينه