[align=justify]
السلامـ عليكمـ ورحمة الله وبركاتهـ
قصيدة رائعة بكل ما للكلمة من معنى.. من كلمات والقاء
للشاعر عبدالله الظفيري..~
اترككم مع القصيدة........
علامك جيت يا قلبــي وراجع خاطرك مكسور؟!!
..... أبد لا ينكسر خاطـرك دامه صاحبي جايـــر
أبي تنسى (مبادئنا) وتنسى طبعنا [المغرور]
..... وأبي الحين ترجع له وقله (يطلب ويآمر)
وإذا جت عينك بعينه.. أبي تشهد شهادة زور
..... بأني مذنب ومخطي وقلبــه ناسي وغافــر
وقله.. لااااا يخليني على حزني أبات شهــور
..... لأن الموت اشوا لي وأنا من طبعي ما اكابر
ولا يفكر يقول (أنسى).. وغيري فالبشر مذكور
..... لأني ماخبر غيره.. قسم بالله مو خابر!
أحسّ اللي خلق غيره.. خلق باقي البشر ديكور
..... وأحس <الــورد> لاشمّه يميل وينثني شاكر
وربي هالبشر بعده <هياكل> والبيوت <قبـور>
..... ولا به شي بالدنيـا يجاري غيابــه [الكافر]
حبيبي.. يا بعد كل <الحبايب> والزمان يدور
علامك.. ما تخاف الله؟!! تعال وشوفني ناظر!!
ترى قدرك <بعيني> صعب أحصره بغلا وشعور
..... أبي باصبعـك تاشـر لـي وأجيلك وقتها طايــر
ألا يا <صاحبـي القاسـي> بدونك هالحيـــاة تغــور
..... ألا يا <سبّة جروحي> ألا يا حظّي العاثّــر[/align]