هذي يا اخوان طبخت القصدير بس بطريقه جديده انا من زمان وانا اعمل هذه الطريقه واحس انها افضل من الطريقه القديمه الطريقه هذي اعملها بصحون القصدير زي حقت الكيك اترككم مع الصور هذا القصدير اللي تكلمنا عنه وهذيه المكونات معجون طماط بهارات ( اي بهار انت تعرف انه جيد ) صلصة بار بيكيو ( حسب الطلب ) وهذي الادوات مره اخرى ولا يهون الملح نبدأ بتقطيع البطاط على شكل دوائر افضل والطماط كذالك والبصل والثوووووووم بعدها نقطع الدجاج اثمان يعني كل دجاجه 8 قطع الرجل قطعتين والصدر 4 قطع وبعدها نسلخ الجلد ومن ثم نعمل التتبيله اولا المعجون ومن ثم نضيف عليه البهارات ولا ننسى الباربكيوا وكما قلنا حسب الطلب وبعدها نضيف كوب ماء للخليط ونبدا نخلط حتى تختلط كلها مع بعض وتصبح متجانسه
نضع البطاط اولا بهذه الطريقه فتصبح بهذا الشكل نتبل الدجاج فتصبح بهذا الشكل طبعا نرص الدجاج بحيث لا يكون هناك شي مرتفع حتى نتمكن من اغلاق القصدير بعدها نضع الطمام ومن ثم البصل والثوووووم ( طبعا الثوم حسب الطلب ) فتصبح هذا الشكل نبدا بالاغلاق الان ( فيه خطوه نسيت اصورها وهى نضيف كوب ماء على الطبخه قبل لا نغلق القصدير حتى يصير معانا مرق ونضيف الملح طبعا ) اهم شي الاغلاق يكون باحكام فيه انتفاخ على جوانب القصدير يجب الضغط عليه باحكام يفضل استخدام الزراديه ولكن ليس بقوه لان الانتفاخ شوي قاسي ويتعب الاصابع بعدها نجيب القصدير العادي ونضعه على القصدير المربع من الاعلا فقط وليس كل القصدير كما تشاهدون
بعدها نجهر النار ( الله يكفينا شر النار ) بعد ماتستوي النار نبدأ بتسويتها نضع الشبك عليها قبل كنت اضع القصدير على الجمر مباشره وكان الجمر اللي تحت يسمد وتقل حرارته اما الحين مع الشبك صار الشغل ممتاز نضع القصدير الان بهذا الشكل طبعا الدجاج نخلين تقريبا 45 دقيقه واللحم ساعة وبعد ماخلصت الـ45 دقيقه نطلعه شكله رهيب مره وهذا الصحن حاشه شويت حراق طبعا البطاط مهمته هي انه يكون فدائي يعني اي حراق راح يكون في البطاط اولا ويحمي الدجاج من الحراق وبدأت المعركه وحمي الوطيس ولا تهون المشروبات الغازيه وهذه نتائج المعركه الداميه الشباب اندبلت كبودهم اشتغل واصور وهم مستعجلين وفي الختام اتمنى ان اكون قد وفقت بالشرح اخوكم الشيف فتى الوادي
رائع يامال العافيه طبخ ولا اروع بس عندي سؤال طيب القصدير من فوق ماتجيه النار وشلون ينضج حنا لما نسويه نضع الجمر فوق القصدير 000 بس طريقتك اعجبتني وحبيت استفسر الله يعطيك العافيه وتسلم ايدينك
اقول والله انك وليده 00 وشقردي 00 بس وينكم عني (اعزموني) وشكلي عرفت الشباب (هل فيهم سطم وفهد سلطان) (اكتب صحيح ان كان هذا صحيح )
يعطيك العافيه يافتى الوادي على هذا الشرح
اقتباس: المشاركة الأصلية كتبت بواسطة هقاوي رائع يامال العافيه طبخ ولا اروع بس عندي سؤال طيب القصدير من فوق ماتجيه النار وشلون ينضج حنا لما نسويه نضع الجمر فوق القصدير 000 بس طريقتك اعجبتني وحبيت استفسر الله يعطيك العافيه وتسلم ايدينك لا ما نحط فوق شي لان هذا القصدير مثل الصحن اصلا الغطاء اللي فوق عباره عن كرتون مقوى هذاك اول بالقصدير العادي نحط جمر فوق اما هذا مايحتاج تحط فوق شي جرب الطريقه هذي وادعيلي شاكر مرورك هقاوي
اقتباس: المشاركة الأصلية كتبت بواسطة ذخر واصل اقول والله انك وليده 00 وشقردي 00 بس وينكم عني (اعزموني) وشكلي عرفت الشباب (هل فيهم سطم وفهد سلطان) (اكتب صحيح ان كان هذا صحيح ) حاضرين الغالي ذخر واصل تستاهل اللي يعزمك بس الاسما اللي ذكرت مافيه احد منهم بالصوره شاكر مرورك ذخر واصل
اقتباس: المشاركة الأصلية كتبت بواسطة سليم الشرعان يعطيك العافيه يافتى الوادي على هذا الشرح الله يعافيك الغالي سليم الشرعان شاكر مرورك
يا عيني عليك يا فتى الوادي فناااااااااااااااااااااان بس بتعرف شو كان ناقص الطبخه حلقات جزر وفلفل حار شهيتني يا خوي عم اطلع عالصور وانا على وجبة الغدا تسلم اديك وعنيك وان شاء طلعاتكم دايما عامره ولك مني كل الاحترام والتقدير