فزعتكم تكفون

[سلمان s]

والله ياخووك انت بالاول استخير وبعدها اللي ترتاح له اجلس فيه
وقرب مثآل اعطيك اخوي متخرج من كلية المجتمع بحفر الباطن
توظف بسآبك سنه ممدري سنتين وماعجبه الوضع لان كارفينهم بالعربي
وحول للحفر ديرة الاهل وتوظف بالقاعده العسكريه مدني - ميكانيكا

وريح رآسه وراتبه كويس

ف الاحسن يالغالي عند اهلك بدل ما اتلعوز بالديار الثانيه
والله يوفقك وين ماتروح

[أبوفواز]

إذا صرت بسابك يعني انسى النقل والأهل والحبايب و راح تقول اهلا بالسفر والمشقة
الناس تدفع فلوس علشان تجي عند اهلها
انا اعرف واحد قبل شهرين ترك سابك بعد ماطلعله تعيين بالشؤون الصحية ترك راتب اكثر من 10آلاف ريال ورضا ب 6 آلاف بس يكون عند اهله
و الله يوفق الجميع

[أم ريوني]

موفق باذن الله

[ولدسيالة]

انا موظف حكومي واحب اشور عليك وظيفة سابك احسن وأفضل بسبب الراتب والمميزات افضل بكثير من سلم الوظائف الحكوميه .. وانا احب ان اضيف لك ليس هناك امان بانك سوف تكون عند الاهل وفي الحفر لأن بعد اربع سنولت رايح تترقى بس وين الله اعلم ... انا مثلا من الشرقيه اهلي وجماعتي في الشرقية ترقيت في الحفر وتعرف فرق الراتب 80 ريال فقط اتكل على الله وخذ وظيفة سابك والله يوفقك ... ترى مسقبلها مشرق وتحياتي للجميع

[king hard]

هذا الموضوع يعتمد على وضعك المادي وفي مدخل مادي اخر او مشاريع مستقبليه (تعرف 5500ما تسوي شى الحين ومع العائله) فا الوظيفه في الديوان اما اذا عكس ذلك فا سابك افضل مع العلم ان ولد عمي ما شاء الله دخل دبلوم وظيفه ( مشغل ) والراتب 9000وزود شوي وما صارله 6شهور وغير المميزات من سكن وقروض خاصه بموظفين سابك وغيره

[الوطني 46338]

بسم الله الرحمن الرحيم

السلام عليكم ورحمة الله

اتقدم بالشكر والتقدير لكل من ساعدني باستشارة او براي وادعوا الله انه يرزقه ويوسع له برزقه ويبارك له بعمره وماله الحمد لله ان الله وفقني واليوم الحمد لله بديت دوامي في الشؤون الصحية في حفر الباطن واخترت الوظيفة الحكومية ارجو انكم تدعو لي بالتوفيق

اخوكم الوطني

[عزاه الحفراوي]

صل صلاة استخاره ..

[زبن المرشد]

اقتباس: المشاركة الأصلية كتبت بواسطة الوطني 46338    بسم الله الرحمن الرحيم السلام عليكم ورحمة الله اتقدم بالشكر والتقدير لكل من ساعدني باستشارة او براي وادعوا الله انه يرزقه ويوسع له برزقه ويبارك له بعمره وماله الحمد لله ان الله وفقني واليوم الحمد لله بديت دوامي في الشؤون الصحية في حفر الباطن واخترت الوظيفة الحكومية ارجو انكم تدعو لي بالتوفيق اخوكم الوطني

ما شاء الله تبارك الله الف مبروك وعقبال المراتب العليا
نصيحتي لك ان تكون مكانك سر بل حاول تطوير نفسك بالدورات وحاول الحصول على الشهادات الجانعيه وخصوصا ان الدراسه الان اسهل من قبل وايسر ايضا.
تحياتي لك ودعواتي لم بأن يكون التوفيق حليفك وتبدأ حياة جديدة وسعيدة.