شئ من مشاعري على ضفاف مدونتي 00

[للتميز عنوان]

اقتباس: السلام عليكم ورحمة الله وبركاته اخي الفاضل اطروحات راقت لي كثيرا ولو أن كل قسم بالفعل يحتاج لنقاش 0 نعم أغلب المدونات تسطر الخواطر وارى مدونتك تختلف تماما 00000 حفظك الله ورعاك

اختي الراقيه 000 شموخ داعيه 0

عليكم السلام ورحمة الله وبركاته
اسعد بان ما طرحته قد ارتقي لذائقتك 00
وهي مقتضبات من هذه الحياة الملئيه بالمواقف الجميله 00
بعيدا عن تدوين الخواطر والاوجاع 00 والالم 00
نحاول هنا جميعا ان نبتسم 00


شاكر لك مرورك 00 لاتقاطعينا 00!!

[للتميز عنوان]

كح كح غباااار من وين مصدر ها الغبار
وانا داخل على شركه مرتبه ومؤثثه ومكيفه وعلى قولتهم كل شي فيها يلق
مكاتب فخمه وزهور واشجار ومناظر وشاهي رايح وكافي جاي 00

تلفت بصالة الاستقبال والا اشوف من بعيد صندوق هناك هناك يسمونه ( صندوق الاقتراحات )
من مبطي محد قرب حوله ولا يدرون ايش بداخله 00 ويقال والعهده علىالراوي ان مفاتح الصندوق اصلا ضايع

ليش يا مسكين يا هالصندوق 000
والمصيبه ان بعض هالصناديق مفضوح شلون ؟؟يعني فيها زجاجه من برا تشوف اللى بالداخل
وش تشوف ورق مكوم من سنين ومحد جايب خبر 00!!

الله المستعان 00!!

[للتميز عنوان]

أنت يا الاخو0000!!
ياأخ لو سمحت 00!!
لو سمحت انت ممكن لحظه 00!!
يا هيه 00 يا هوه 00!!
أنت يا ابو شماغ 00 ولا جاكيت اسود 00!!



وعلى مستوي النساء ما عندي فكره
لكن الاوكااااااااد انه بيكون الطف من كلامنا

ويمكن تخربونها 00

وتقول 00هيه انتي يام شوشه
ولا انتي يا العصلا 00







000 سؤال كيف تنادي على شخص لا تعرفه ؟؟؟
كثير منا له طريقته ويمكن بالتدريج 00 يبداء بمناداة الشخص
واذ لم يستجب 00 يتدرج لوصف ما يلبس 00 ويمكن يخربها ويقول يا قصير ولا يا دب 00 هههه..!!

هل فكرنا بحق نترفع باخلاقنا ونكرم اخواننا وناديهم بما
يليق بانسانيتهم وادميتهم مااستطعنا 00!!




اتمني ذلك 00!!

[للتميز عنوان]

اه من الاهاات على زمان فات 00!!
هكذا صعدت من عمقه الزفرات 00!!

لماذ يا ترا وماذا حدث من مساوئ ومسرات 00!!

قال :

00 كانت تتوالي على الاتصالات بكل يوم وبكل الساعات 00!!
0وما ان انقطعت عنهم حتي تناقص تواجدهم بالمئات 00!!
0 واصبح تنحصر الاتصالات على شي من المسجات 00!!

0وفقط فى حالة وجود مناسابات كجمعه او عزاء او زواجااات00!!

اين تلك الصحبه والبهرجه والحكايات 00ام انها كانت سيل من النفاقات 00 انقطعت مع انتهاء الصلاحيات 00!!

[للتميز عنوان]

اذ ضاق صدر من تعزه وله مكانته
فحتما راح تشاركه ذلك الحزن والضيقه
لكن اذ عرفت اسباب هالحزن وشاركته بالحل
وحليت له مشاكله فقد اجزلت العطاء ..!!

لكن هناك مشاعر قد تشاطرها الاخرين بمجرد الرؤيا او القراءه
ان كنت كذلك فبارك لنفسك الزكيه بتلك المشاعر
اما ان كنت لا تبالي لا لقريب ولا لبعيد

فقد يعتبرك البعض قد صُلي عليك ركعتين وانتهي ..!!

ف الى ذلك القلب الحزين هذا المساء ازف لك مشاعر تتعدي الحدود واشاطرك بها
واسال الله ان ينجلي عنك همك وغمك ...!

[للتميز عنوان]

عمرك فكرت قبل تتصل با التلفون تخطط للمكالمه
ولا خبط لزق .. فلها وربك يحلها ..!!

كثير يرفع السماعه وعقب كيف الحال وش لونك يكررها تسع طعش مره لين يدبل تسبدك
يدخل معك بسالفه ويهربد ويسولف وويضحك وانت مو فاضي لكن تحترم اتصاله وشخصه الكريمه

تدري وش المصيبه اذ قفلت وتنفست الصعداء وقلت فكه وه بس غثني الا رجع يتصل ويقول
تصدق نسيت اني متصل عليك علشان فلان ويقوم يبداء بالسالفه من اول وهات يا حكي
ويدبل كبد ابو اللى خلفوك ..طيب امرنا لله نسمع ونسكت ونجامل

لكن مفرووض من اول تصير رجالن ولا بنتن سنعه تخطط وش تبي وش بتقوول وشو المطلوب
ومجهزه معلومات وبعدها اتصل وسلم بس لا تكرر وش لونك تسعين مره يكفي ثنتين وان كان مصمم خلهن اربع ههه
وادخل بصلب الموضوع وانجز واحترم اوقات الناس ووقتك !!


يعني باختصار لا تكثرون قرق بالفاضي تراه خسارة وقت وقروش


00000000000000000000000000000000000000000000000

[للتميز عنوان]

ودك ما تنسي اغراضك الشخصيه اذ سافرت
بعطيك فكره لعلها تنفع معك


للمراءه والرجل على حد سواء

قم واقف وابداء براسك وش يحتاج وحط اغراضه بالشنطه
اذ انت رجال يبيلك شماغ طاقيه واذ حرمه يبيلك تريلة اغراض هههه
بس الحريم ابخص بانفسهن

وانزل الى وجهك والمسه وش يبي عيونك تبي نظارات احتياطيه وعددسات زرقاء ههه
ووخشمك يبي مناديل اذ مزكم واذانك تبي عودان تنظيف
اللحيه والشارب يبي له عدة حلاقه ..ورجولك تبي بنطلون ولا لبس رياضه ..!!
ايه نسيت الراس يبيله مشط
وهكذا تمشي الى اطراف اصابع رجليك ..!!

والافضل تحط قائمه بالاغراض كلها بعد ما تخلص وتصير قائمه ثابته عندك
مو اذ وصلت لنقطة سفرك .. لقيت نفسك نسي الثوب والغتره والعطر ووو
خللك كول يا هووو


عاد نفس المبداء ينطبق على الحرمه ( عز الله انها تبي تملئ شناط بهالطريقه )
فيه نقطه مهمه وهي الادويه لا تحطها ب الشنطه ابدا خلاها معك بشنطتك اليدويه ..!!

ولا تنسي قرانك وسجادتك حطوهن بالقائمه ..!!

[للتميز عنوان]

استأذنك .. بسافـر ايـام .. وآجيـك
وان طالت ايّـام السفـر .. لاتحاتـي
حتى ولو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايام .. في المقبلاتـي
حتى يدي .. ماودّهـا تفـارق يديـك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"
وان طروا النسيان .. مانـي بناسيـك
ياراس مالي فـي الحيـاه .. وغناتـي
وان طروا السلوان .. مانـي بساليـك
طيفك معي حتى وانـا فـي صلاتـي
قلبي .. وهو قلبـي اذا مـرّ طاريـك
لولا ضلوعي .. كان عـزوا مماتـي
لو جض صدري .. كان يمديه ياتيـك
ويبـات عنـدك .. ويهنـى بالمباتـي
انا .. وقلبي .. والغلا .. ساكنٍ فيـك
وانته .. وقلبك .. والغلا .. وسط ذاتي
غلاك .. مثل الحكـم عنـد المماليـك
اكبر طموحي .. لا .. كـل امنياتـي
شف في غيابـي ايّ حاجـه تسليـك
لاني بعدك .. اسلى مع (( ذكرياتي))
احـاول اذكـر .. اي شـيٍ يطريـك
"واقول هو سوا .. وانا ذي سواتـي "
كني مـوادع .. كـل شـيٍ حواليـك
وكني حسبت حساب ((حزة وفاتـي))
احب .. لاني مقدر انساك .. وآبيـك
ولا اقـدر اخليـك .. ياللـي تحاتـي
معنى احب .. وماقدر انسى واخليـك
((يعني بدونك ويـش تسـوا حياتـي؟

حمدان المري

[للتميز عنوان]

عليكم السلام

مين ابو فلان
ايه اجل ام فلان
كيف الحال
تسرك الحال

والله من زمان ما شفناك
اكيد من زمان وش الجديد يعني

للحين تراه ما عَرفْ بنفسه

عرفتني 00ولالا
والله يااخوي هذا واجبك تعرفني بنفسك 00مو لازم اشغل مخي اتعقب التاريخ الماضي
واشوف صوتك واعرفك

وش فيك معصب 0

مو معصب 00 بس للحديث بالتلفون ادب00 مفروض من قلت الو تقول معك فلان
علشان ارحب فيك واقوم بواجبك ولا تحط نفسك بموقف مثل كذا

يضحك مدري وش نوع الضحكه بس باين صفارها باذني 000

طيب يبدو اتصالي ازعجك0

مو يبدو الى هاللحظه هو قمة الازعاج 00لاانك ما عرفت بنفسك
ولا استفدنا شي ابدا الا صرف فلوس0 وطاقه كلام 00

وش فيك ياخي كذا مره رسمي ما ني خابرك معقد0

معقد شلون يعني تتصل على شخص وتقوله ما تعرفني
بالله هذا سؤال فكر فيه شوي0 مو شوي كثير
تخيل تتصل على اكثر من واحد وكل شوي تقول عرفتني

عموما سم وش المطلوب ؟؟؟

انا زميل قديم لك 00 ؟؟ ويمكن الزمن كفيل يخليك تنسي الزماله
حياك الله 00 (للحين ما ادري منه )

انا فلان بن فلان
ياهلا ومسهلا فيك منور بصوتك

جايك بخدمه وابيك تخدمني 00
حاضر ابشر باللى اقدر عليه


المهم قال الخدمه ومشي بحال سبيله
وعدته اسوي اللى اقد ر عليه



خلاصة هالمكالمه 00 انه فيه ناس ما عندها ثقافة كيفية الكلام والادب بالجوال
يقوم يلف ويدور ويضيع وقت هو نفسه بامس الحاجه له

دائما خلك واضح عرف بنفسك بعد السلام مباشرة 00
ولا تقوم تفلسف عرفتني وما عرفتني
ترا الناس تكون بمكان ولا بموقف ولا بمجلس مو فاضي لك


وسلامتكم 00!!

[للتميز عنوان]

تسعة اعشار الرزق بالتجاره

مدري هذا حديث ولا اثر
المهم 00 التجاره عندما تبداء بتجارتك
فاانت فال خير على غيرك وتفتح لغيرك ابواب رزق
كيف يا مهندزز

الحين اذ جيت بتفتح محل دكان صغير وليكن محل تصليح وبيع جولاات ولا كمبوترات
راح تحتاج الى ان تبحث عن من يعمل ويصلح لك هالمحل
فكم من المهن تحتاج اعتقد بل اجزم انك راح تدور على اصحاب المهن التاليه :

بتدور على واحد نجار خشب يعني بتروح للمنجره
وبرضه تبي حق ديكورات
وبتدور كهربائي
وبتسوي لوحه عند الخطاط
وبتسوي زجاج للواجهه
وبتركب باب حديد عن الحداد
وبتبحث عن واحد صباغ
واخر حق جبس
وبعدين بتدور اللى يبيع الرفوف

شوف كم فتحت من مجال لغيرك يترزق الله
من وراء مشروعك 00!!

اذن اكيد التجاره افضل من الوظيفه 000!!