شغمووووم

[الشعبان]

اقتباس: المشاركة الأصلية كتبت بواسطة محمدالجرمان    ألى هذا تصل الأمور بك محمدالفيصل وبذلك أعلن صحة كلامك نعم أنا مع النايف قلبآ وقالبآ ويكفيني المعلومات اللتي حصلت عليها ومصيركم قسم مبارك الجديد لمراجعة النفس وبئس المصير

يابو عبد العزيز
تراك غالي وابو عايله
لا تصير بوجهه المدفع وانا أخوك
ترى متيم الحفر مايرحم ولا تنفع الواسطات لاثار الدخن ههههههه

[الفارس]

عزالله رحنا فيها ..
أنا قايل لكم مبارك .. ما ينلعب معه
انا اقول لكم .. ياجماعه عينوا خير ..
<<< ماااااش ما ينشد فينى الظهر
ورمضان مقبل أأجلوها لبعد رمضان تزين الامور

[الشعبان]

يامكثرين الهرج لااسمـع ولااجيـب " = "تريحوا من فضلكـم واسمحـوا لـي
تريحـوا لاتلحـقـون المشاهـيـب " = "على الردى مانـي شفـوق عجولـي
بالعقل والصبر ادب النفـس تاديـب " = "والا لهـا مـده تصـول وتجـولـي
خلج ترازم فـي سيـاج المحاديـب " = "مافيهـن اللـي بالعقـال معقـولـي
اشد وطية زور مـن شمـخ النيـب " = "اليا ضاع مفعو ل الحيـل والحلولـي
انـا لاقلـت ارتـب القـول ترتيـب" = "حتى يجـي كـي علـى فـك قولـي
اليا ارسلت لافكار القريحـه مناديـب" = "ترايعن مـن عقـب ماهـن جفولـي
لكن مالـي مـن وراهـا مكاسيـب " = "لو كان عشاق القشـر صفقـوا لـي
مامستفيـد الا العـدو والاجانـيـب " = "ولانـي مطيـع مقرقعيـن الطبولـي
خليتهـا تعطـي فجـوج مجاديـب " = "جربا تجـود فـي رسنهـا مهبولـي
والله لااجنـب دام لـي درب تجنيـب " = "من شرهة حشام الرفاقـه خجولـي
لـو انهـا بيـن النحـر والتلابيـب " = "من الحيا وجهـي مهـوب مغسولـي
طبـع لنـا نشـب عليـه ونشيـب " = "وطبيـعـةٍ لعـلـهـا مـاتـزولـي
على الجماعه للجماعـه مواجيـب " = "الا جهلـوا قـدر الرفيـق الهتولـي
ماني على ربعي قريـب محاضيـب " = "ادنـاة مايخلينـي اسـرج خيـولـي
ان جات من طيب شقاها على الطيب " = "لو انها اعوج مـن رقبـة الذلولـي
وان جات من مسكين منطق واساليب " = "حطيتهـا بيـن الثـرى والنعـولـي
لاحركـت شعـره ولاطلعـت شيـب " = "ولاضيقت صـدري ولاطـق جولـي
وان كان في صبري على ميلهم عيب" = " العيب تفتيـش الصـرر والحثولـي
لاقمت تذكر فـي رفيقـك عذاريـب " = "وتبيـن عيوبـه لذولـي وذولــي
صبرك على ربعك عـلاج وتطابيـب " = "يقصـر حبـال السالفـه لاتطـولـي
حتى مايلقا فـي طرفهـا مقاضيـب " = "كـراه خيـر وللمشاكـل ميـولـي
واليا بليـت بتايـه شـره وصعيـب " = "يقول انا العـراف وانـت الجهولـي
قـل الله الله ياحصـان الاطالـيـب " = "يالفاهـم العالـم عطيـب الفعولـي
هذا الكلام اللي مافي صحتـه ريـب "= "لانيـب لاحولـك ولانتـاب حـولـي
حصان وبن حصان طيـب مجاذيـب " = "وبالمعرفـه رجـل محلـي ودولـي
خله يروح يخطي الـدرب ويصيـب " = "يقول مابالنـاس عرضـي وطولـي
والفرق ماهو باللحـى والاشانيـب " = "الفرق بين النـاس فـرق العقولـي
كم واحد تحسن بـه الظـن ويخيـب " = "السـن يضحـك والفـواد معلولـي
واللي غدت به كلمة مالهـا غيـب " = "ماهو من اطيب ربعي اللي غود لـي
يالله عساها صيحة فـي قفـا ذيـب " = "وقلـع النيـا بينـي وبينـه يحولـي
الرجل مايغصب على الطيب تغصيـب " = "اليا صار ماهو دل ضمـن الدلولـي
ومن عادة اللي طيبه يحضر ويغيـب " = "لاطالـت الرفقـة زهـوق ملـولـي
واليا بلنـك غبـر الايـام بصحيـب " = "في مستوى طيبـه صعـود ونزولـي
اعرف ترى الدنيا دروس وتجاريـب " = "والكامـل الله والنـقـا للرسـولـي
لاتصير مشـذاب يقـص العراقيـب " = "خلـه وراع الاولــه وش يقـولـي
اخذت حكمه مـن كـلام اللواعيـب " = "للطيـب نـاس وللعـذارى فحولـي

الشاعر :- لافي الغيداني

[الرسن]

مساك الله بالخير ياخيي الشعبان بشر وش صار وش ماصار

[الشعبان]

العلوم طيبه ياحبيب قلبي
ابشرك انا بخير وسلامه //لا ينشغل يالك وابو متعب بخير

نسمع زنتصنت ونرسل جواسيسنا ونتدبر خطة محكمه للاطاح بمبارك والباقين يسهل أمرهم
لا تخلونا شوفو لنا جواسيس لهم ثقلهم لونهم غالين
ماتهمن الفلوووس اهم حاجه الخطه

[الرسن]

لكن اكثر الاعضاء زعلانين عليك يقولون وشلون يبدا بالتعيينات ولا يستشيرنا وبعدين وشلون تعين محمد الجرمان بالخزانه لا شوف له وظيفه ثانيه وسفير مطير وابن عباد وصوني ان تكون التعيينات عندهم لانهم يعرفون الناس الكويسيين من المش كويسيين

[محمدالجرمان]

أيها المنشق الرسن أي خزنه تتكلم فيها الخزنه بح راحت صفرت شريت فيها مكيفات

[الشعبان]

: : : : : :
: : : : : :

[متيم الحفر]

الحمدلله صيف هالسنة افضل من السنوات الماضية من ناحية الحرارة

وكان الله في عون اصحاب محلات المكيفات بحيث ان شاهد عيان يقول بضاعتهم تكدست بل وصل بهم الامر
اشتر واحد والثاني مجانا

صديقي الشعبان اجتماع هام سيحدث في الايام القليلة سننتقل الى الخطة البديلة اعتقد الدبلوماسية احيانا لا تنفع
وهناك بشائر واخبار جميلة جدا

النصر قادم باذن الله

[محمدالجرمان]

اقتباس: المشاركة الأصلية كتبت بواسطة متيم الحفر    الحمدلله صيف هالسنة افضل من السنوات الماضية من ناحية الحرارة وكان الله في عون اصحاب محلات المكيفات بحيث ان شاهد عيان يقول بضاعتهم تكدست بل وصل بهم الامر اشتر واحد والثاني مجانا صديقي الشعبان اجتماع هام سيحدث في الايام القليلة سننتقل الى الخطة البديلة اعتقد الدبلوماسية احيانا لا تنفع وهناك بشائر واخبار جميلة جدا النصر قادم باذن الله

كثر من هالخطط تركيب المكيفات بمواعيد وبعدين شي ببلاش ربحه باين من صوفها أكتفها