[align=center]اخواني الاعضاء اليكم اخر ماكتبت
وهي قصيده وجهتها لاحد اصدقائي المقربين الاخ \لافي مرضي الشمري[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/38.gif" border="none,4,gray" type=1 line=0 align=center use=ex num="0,black"]
يالله يامنزل لنا سورة النور
= ياللي تجازي بالخطيه خطيه
يالله ياعالم متى ينفخ الصور
= هني من ينعم بعفوك هنيّه
انت الذي تفعل ولا تأخذ الشور
= يارب عفوك قبل يوم المنيّه
ابسألك وانت الذي تعطي الحور
= يالرازق اللي ماتمن العطيّه
عسى الشعيب اللي تحت خشّة الثور
= يمشي يالافي قبل عيد الضحيّه
في ليلةٍ حس الرعد تقل ماطور
= عسى بها الاشجار تصبح نديّه
يارب ياقادر على كل مقدور
= يالله عساها ديم ولا برديّه
يصبح بها راع المغاتير مسرور
= وراع الغنم يلقاه قاعٍ مريّه
ومثله على واد الهلالي وابا القور
= جعله على كل المناطق ضفيّه
نشوف به نبت النواوير منثور
= ربيع ما نشوف الفياض محميّه
يرتاح راع المور ما حمّل المور
= العشب واجد والحوايا مليّه
نبي مع الريضان ونفارق الدور
= نطلع مع الاجواد واهل الحميّه
وش جاب شوف العشب لمقابل السور
= نفسك مع البرّان تصبح رضيّه
انشهد ان القلب مدمن ومسحور
= مسحور في شوف الفياض العذيّه
عزّي لمنهو بالخفارات محشور
= اما رقد ولاّ بلش بالتحيّه
ثابت وراحه واتّجه للورا دور
= وشد السرير ونظّف البندقيه
مثبور ياراع البساطير مثبور
= اكو البدال ورخصتك موسميّه
صبرت انا والقلب مقهور مقهور
= زاده قهر بعض الوجيه الرديّه
والله يالافي عندنا نطّت القور
= الذ من صفاتنا بالسريّه
وصلاة ربي عد الايام وشهور
= على نبي الله هاد البريّه[/poem]
[align=center]خشة الثور \ هي عباره عن تلال ممتده وبارزه وهذا سبب تسميتها وتقع بالشمال
يمر من تحتها شعيب يسمى شعيب الخر وهو مشهور يقطع الطريق الدولي المؤدي
الى الشام قبل مدينة العويقيله بعشر كيلو
للمعلوميه فقط
وسلامتك [/align]