السلام عليكم يا اخوان واخوات
ياازواج و زوجات
ياموظفين و موظفات
و ياشباب و بنات
اليوم فيه موضوع يمكن يمكن يعني بعضهم وبعضهن بشئ
على كلا شوفوا بأنفسكم وجربوا وأقرؤوه و
تعرفون وش قصدت بالسلام العمومي هذا
(((مس قلبي ولا تمس جيبي)))
هذي عباره هزليه ولكن تشرح واقع حال لبعض الأزواج مع بعضهم
وخاصة بعض الزوجات الموظفات مع ازواجهن
اللي مهما كان راتبها صغيراو كبير ماشاء الله
وطبعا عشان مايكون فيه ظلم بتعميم الكلام
فيه بعض الزوجات الوحده منهن مرنه من الناحيه الماديه
ونفسها سخيه وحبوبه وطيوبه مره
واللي في جيبها مو لها
تصرفه على مستلزمات اولادها
وحتى احيانا لمساعدة أقاربها ولأهلها ولوبعد الزواج
وتساهم في بيتها كثير
حتى يمكن بدرجه اكبر من الزوج في مصروفات البيت
وتشيل عنه اعباء ماديه كثيره خاصة الحاجيات
اللي لها علاقه بالكماليات واكسسوارت البيت
وشغلات الستات الكثيره المعروف انها ماتخلص
ويشوفها الزوج غير ضروريه
هذا غير مسؤليتها عن لبسها ولبس اولادها
وبناتها والصرف على ترفيهم
موجود في كثير من البيوت والاسر موظفات هذا وقع حالهن
ويكفي بس الوحده تتلفت يمينها ويسارها فيما حولها
وتشوف كيف عايشين أغلب الأسر اللي الزوجه فيها موظفه
وهذي الفئه من الزوجات الموظفات ماشاء الله عليها
الله يبارك لها
يعني مافيها أنانيه ولا شح وماتحب نفسها وتحب تعطي بلا حدود
لكن في المقابل فيه فـئـه ثانيه من الزوجات
هي اللي يتكلم عنها هذا الموضوع
لدرجه ان الزوج مايحلم
حتى انه هو اللي يصرف راتبها بنفسه ومايمكن يطول منه ريال لوول
واللي لويفكر يفاتحها فيه
لسبب من الأسباب ياويله لو تلقف او حست انه
في كلامه وتصرفاته معها ريحة طمع
يعني باختصار ماعليها من شي وتخليه هو
المسكين لحاله هو المسؤل عن كافة
مصاريف العائله ومطالبها وهي مالها شغل
اوكي هذا عادي ومقبول لما تكون ظروف الزوج الماديه ميسوره
وعنده دخل كبير من راتب او ثروه او ورث الخ
يعني مستغني بفلوسه الخاصه عن فلوس زوجته
مافيها شي
طيب لما يكون الزوج على قد حاله وراتبه محدود ومديون واقساطه كثيره؟
وكثير من الازواج يعيشون ظروف مادية سيئه
وش يسوي في الحاله هذي يطر منها فلوس؟؟
ولو ان فيه ازواج يتعفف ويرفع نفسه عن الطلب من زوجته
او يقبل منها لو تعطيه اكيد يختلفون عن بعض
ولأن بعض الزوجات الموظفات حريصه مره على راتبها
الا بشكل محدود جداً مايذكر
وماتحس بزوجها وتساعده بدون ما يطلب منها
مع ان المفروض حتى في الاسلام يكون
فيه تكاتف بين الزوجين وتعاون عالحياه ومصاعبها
في كل الشؤون والأحوال
ولو انعدم هذا وكان مفقود التعاون المتبادل
يخلف جفاء ونفور ولو خفي
يظهر من خلال تصرفات مسيئه يمكن وسلوك
صعب ومعامله قاسية من الزوج للتعبير عن غيظه المكبوت منها
وبكذا يكون الراتب باب شر مو باب خير ونفع
همسة باذن كل زوجه موظفه
اذا زوجك اقل منك راتب ..لاتنسينه
ابي اعرف رأي الاعضاء (سواء بنات او شباب) اش هو رأيهم بمثل هذي الزوجه؟؟
العرض العادي
