واحد معه مريض يروح للمستشفى الحكومى ويعرف ان الدكاتره والممرضات ماعندك احد وزحمه ويشب عليهم لعن وسب وشتم والله لاشتكيكم والله والله والله لاسوي واسوي بكم
الرجل والمرأه متساويان بالحياه وسبب التفرقه والتقليل من هذا وذاك هو قصور كبير بتقدير ادميه الاخر وتهميشه
هادى مره
اننى وبفضل الله لا احمل لاى شخص ذكر او انثى اى بغض بحياتي او كره بالمنتديات او اى مكان ببساطه لانه لايوجد مايستحق ذلك فهما اخاك واختك وان ضايقوك ليس مثاليه وانما متعه التجربه وعيشها على الواقع يدعك تعترف ولاتبالى
هادى مره
ان الدنيا لاتستحق بغض او زعل او نكد على احد هى مجرد وقت لنقضيه بمتعه على الاقل لانفسنا
هادى مره
ماعنده سالفه . ماعندها سالفه
العضو والعضوه اللي يعتقد كل شئ عليه ويجيب طبلونه كله ويسب ويشتم ويعصب ويفقد اعصابه
ولا احد درى عنه يمكن اللي يحاورك خلف الشاشه بزر او طفله او مجنون او خبل او متفضي او رايق او يمكن يطقطق عليك او عليكي
ا ويتسلا مداوم وقافله معه من مديره ويضيع وقته على عصبيتك ونرفزتك ويضحك ويوسع صدره لين ينتهى دوامه ويخرج ويبعد عن خشتك انتى وياه
الزوج اللي يصدق ان الزوجه تنصفك عند الغضب او تذكر محاسنك
الزوجه اللى تصدق ان الزوج اذا حصل له مزيونه اصغر منها وبااحسن من صفاتها ومعروضه عليه يضحى لاجلها الا خواف او ممسوك من رقبته
لايصير ماعندك وماعندكى سالفه هذه غريزه وشئ مجبول عليه الاثنان
هادى مره
ماعندك سالفه وماعندكي سالفه
العضو والعضوه اللي اول ما يصحى من النوم يدخل المنتدى يروح يتابع واحد او حده وش كتب عنه وش كتبت عنه ومجهز الرد السئ والظن السئ والله اذا انت خبل او انتى خبله لو يمدحونك ليل نهار ماتتغير واذا انت او انتى عسل مايغيركم السب او الاتهام او التكفيخ الكلامى او الخطافيات بدون سبب
يابن الحلال عين خير يابنت الحلال مااحد يمك تعاملو مع الاعضاء اخوانكم بااريحيه وبعدين ترى الاعضاء بشر لهم ظروف اسريه واجتماعيه واقتصاديه وماليه وعمليه
اثنو على اللي يستحق الثناء واشكرو من يستحق الشكر ومن استفدتم منهم لان النفس البشريه تحب التشجيع والدافع المعنوى الطيب بالكلام والعمل وابتعدو عن السب والشتم وظن السوء لانه الكلمه الشينه جرح غائر في صدر اخوك او اختك خاصه اذا كان ظلم وبهتان روقووووووو
حتى لاتردون رد مال امه سنع تقرونه بعد فتره او بعد معرفه الحقيقه ويبرد وجهك وتحس وتحسين ماعندك سالفه
هادى مره
ماعنده سالفه وماعندها سالفه
اللي مسير يم ناس وطول الزياره فاتح حلقه بالواتس ومشغول امحق من زياره يااخوى خلك عند اهلك اصرف
اذا جاء وقت المشيه تحس ان زيارتك مالها سنع ماعندك سالفه ههههههههههههههه
هادى مره
ماعنده سالفه . وماعندها سالفه
اللي مواعد زوجته للسوق من بدرى وخم ودار السوق كله وضحك ووناسه ودفع واذا قربو للبيت وقالت ابي البقاله تنرفز وعصب وعطاها درس وقام يدور بالسياره انطلق بالنصايح والمحاضرات على المسيكينه لين تبكى
اذا دخلو البيت كل واحد بوزه شبرين قدامه تحس ان ماعنده سالفه كل هالتعب وعلى بقاله عفست الدنيا وانتى ضاقت الابقاله الرجال معصب تلايصى واسكتى وقولى شكرا ماكفاك ثلاث ساعات ههههههههههههههههههه
العرض العادي
