يا بنت أرجوك انا مقدر كفاني ماضي الغلطات
أخاف الله يعذبني وانا خواف يا بنيه
وأخاف بساعة اللذة يجينا هادم اللذات
وياخذ من حشا جوفي بقايا روحي الحية
أنا ليه ثمان سنين وانا مدمن على الشهوات
ديار الفسق حاستها مواطي تحت رجليه
عيوني من كبر همي تخلط الدم والعبرات
مسيل الدمع من عيني حفر بالخد ماريه
صحيح إنك جميله بس تبنا من هوى الزينات
تركنا الحب غصب وطوع للعين الشقاوية
يا بنت إنتي على بالك أبا آخذ من بنات الشات؟؟
ترى أكبر شي يربطني معك جوال أبو شاشات
وهاتف ينقل اشواقي على نبرات سلكيه
وترى كل العلوم إللي عطيتك بالهوى كذبات
وحتى دمعتي يوم الفراق الصعب كذبيه
هذاك اليوم ماهلت عيوني لجلك الدمعات
لأن الدمع ماينثر بقصة حب وهميه
انا أضحك معك وأضحك منك .. عليك أكثر الضحكات
كأني بالهوى جني يعبي راس جنية
وانا ماني بخكري يلبس القمصان والشيرتات
ويفرح قلبه المسكين إذا حب الدوينيه
أنا من لابةٍ أروت ضمايا سيوفها الغزوات
خلايا جسمنا عاشت على دم القبيلية
ودهنتي شعرك الأسود بالوان من الصبغات
وعيت تقبل الصبغه ملامحك الخليجية
وحشرتي ردفك المسكين بالبنطال .. والجنزات
خلاقين تصنعها مزاجات اليهودية
عشاني ميت في ثغرك الأحمر أبو اللمعات
تحسبيني برضخ لك لأن شفاك وردية ؟؟
ورب الكون ما أرضى فيك لو إنك شيخة الحلوات
وإذا صمل علي العلم أكب ارض السعودية
يا بنت الناس عزك في سواد يستر العورات
وعزي في شماغ أحمر .. وثوب .. وطاقية
سعوديين نفخر في عبايات السعوديات
نغض الطرف إجلالاً إذا شفنا السعودية
وخليجيين نفخر في عبايات الخليجيات
نغض الطرف إجلالاً إذا شفنا خليجية