ياناشدن عن حالتي - للشاعر محمد الوجعان

[سلطان السالم]

[frame="10 10"]
. أهديك آخر ماكتبت .

مرتاح لاوالله ماني بمرتاح
ياناشدن عن حالتي وارتياحي
أعيش في جو هواجيس واشباح
تجتاحني فيه الهموم اجتياحي
كني من الضيقه على جال ضحضاح
والليل به مايختلف عن صباحي
اسلي الخاطر مع ماضي راح
يوم اكثر العالم قلوبه صحاحي
دمعي على فرقا هاك الوقت نضاح
اليا ذكرت اهل الثنا والفلاحي
اصفق عليهم باطن الراح بالراح
اللي مكارمهم بكل النواحي
سمحين الانفس متعبت كل مداح
برباعهم يلقى الضعيف مطاحي
وان عودت يم الخساير والارباح
تبقى صنايعهم ببيض الصفاحي
راحوا عن الدنيا بعيدين الاشباح
على نصايبهم تهب الرياحي
عسى الحيا يسقي ثراهم اليا طاح
في جاه من يرزق خفوق الجناحي
وحياة رب البيت فلاق الاصباح
من عقبهم مابالحياة ارتياحي

’ محمد بن فهد الوجعان ،
26 / 5 / 2014
[/frame]