قراشيع الشباب واشياء أخرى

[جروح الذاكرة]

صباح البرد


موضوع خفيف



على غرار موضوع العضوات والذي يتعلق بمستلزمات الفتيات جاء هذا الموضوع . هنا سنقوم بالتعرف على بعض المستلزمات الرجالية من ملابس و إكسسوارات ، هنا سيتم الإجابة على إستفسارات الأخوان عن أي غرض يجهلونه . فكرة الموضوع بالبداية مثل ما ذكرت جاءت من موضوع الفتيات الموجود في أحد الأقسام وعززها زيارتي لأحد محلات الأقمشة الرجالية في الخبر يوم أمس . ذهبت إلى أحد فروع مجموعة الجديعي للأقمشة لشراء ما يحوز على الرضى . زرت فرعهم في الدمام في سوق الحب وفرعهم الآخر في شارع الملك عبدالعزيز مقابل البنك الهولندي . الأسعار مناسبة نوعا ً ما على الرغم من وجود التخفيضات . وقعت عيناي على نوعين من الأقمشة الجميلة ، إخترت واحدة بحكم ندرتها والأخرى فضلت عدم الإستعجال . وأثناء الذهاب إلى الـ Cashier شاهدت كتالوج لنوعية من الأقمشة . سألت عنها وقال لي أنها إنقليزيه ، وليست موجودة لديهم ويتم إحضارها بالطلب . المتر بألف ريال يعني شخص بدين مثل الفارس ـ ماشاء الله تبارك الله ـ يكلفه إحضار ثوب واحد فقط ستة آلاف ريال . طبعا ً الشخص اللي متوسط طوله 170 ووزنه 70 يكلفه ثلاثة أمتار تقريبا ً يطلع الثوب بثلاثة آلاف ريال . الحق يقال بأن نوعية القماش تأخذ العقل ، ويتم احضارها بالطلب من انجلترا والنمونه على قولة بني بنغال توها واصلة ، وبما أنه ما فيه وقت نفصلها قبل العيد قلت ماراح أستعجل عليها ، خاصة إني ناوي أطلع للكويت ونشوف أقشمة " كاكولي " ، أحد الزملاء إتصل علي وقال لي إنه سمع إن فيه خياطين ومحلات أقمشة تيجب من الكويت أقمشة حلوة . إذا أحد عنده خبر ياليت يفيدنا . هذا من جهة . من جهة ثانية ، تعرفون إن جمعية حماية المستهلك نايمة في العسل وتجار الجملة والمفرق لاعبين في حسبتنا خاصة في المستلزمات المصنوعة في الصين . من أحذيه ( تكرمون ) وملابس داخلية وأكوات . فا ليش ما نثقف بعضنا في هالمسألة ويحمي بعضنا البعض الآخر من هذا التلاعب . أحد الزملاء إشترى قبل عدة أيام عدد جزمتين الواحدة بمبلغ 370 ريال وصناعتها صينية . ومع إن صناعتها صينية إلا إن شكلها حلو ، نصحته لا يشتريها بسبب وجود made in chaina والمعروف إن الأحذية الصينية إذا ما تمزقت راح تكون رائحتها كريهة لأبعد حد حتى لو كانت الشرابات ماركة أسبانية . فيه محلات مشهورة في هالصناعة مثل تي شوز وسبرينق . تي شوز سبق انه فتح في الحفر وأغلق . الأسعار عالية ويتوهم الواحد منا إن اللي سعرها غالي من البضاعة الصينية جودتها حلوة . وهذا ماهو صحيح أبدا ً . من المفروض إن كل واحد منّا يحط أكس كبير على أي شي يوصل لنا من الصين . ونصيحة إذا الجزمة صناعتها مووش إيطالية ولا أسبانيه لا تأخذها . حتى لو قال لك هذي صينية سعرها 200 ريال ومن نوع مغاير للي تشوفه بالسوق . المهم مثل ما سألت وقلت إذا أحد يعرف خياطين يجيبون أقمشة من الكويت وخاصة أقمشة كاكولي يا ليت يفيدونا ، واللي يدلنا على خياط يفصل الثوب خلال يوم ونص له ثوب من عندي مجانا ً + طاقية زري من النوع القديم .


لنا عودة




جروح الذاكرة

[شبيه البرق]

موضوع جميل ولاكن لمعلوميتك ليس مايحضر من الصين صناعة رديه بل التجار من يستوردونالبضاعة الرديه لان في الصين ثلاث انواع من الصناعات الاولي تذهب الى دول اورباء لانها جيده جدا والنوع الاخر يذهب الى دول امريكاء اما النوع الاخر وهو اخس الانواع يستورده تجارنا الجشعين ليمتصواء دماء مواطني هذا البلد وقبل فتره حدثني اخ يعمل بالسفارة ببكين مايصنعواه تجارنا الافاضل وقال لي بالحرف الواحد بانهم ياخذون ارداء الصناعات ويحضرونها لنا

[♥ כـِـِـِّلـِـِم ♥]

والله اللي بالسوق الان اما صيني او ياباني وكله حلو واسعاره مناسبه للمواطنين

[فراج العضيله]

الأقمشه أغلبها ليست أصليه ويقلونلك يابانيه !!!

أما الجزمات فأفضلها بعد الإيطالي المزيف واللي هو صيني بالغش وليس إيطالي هي الجزمات التركيه

وأتوقع التركيه نفس درجة الإيطالي .

نفس الأسعار هذي اللي قلتها يا جروح موجوده بالرياض وأنا قبل ما كنت أصدق الأسعار هذي لكن

بعدها عرفت مدى التخلف لدينا !!

[جروح الذاكرة]

اقتباس: المشاركة الأصلية كتبت بواسطة شبيه البرق    موضوع جميل ولاكن لمعلوميتك ليس مايحضر من الصين صناعة رديه بل التجار من يستوردونالبضاعة الرديه لان في الصين ثلاث انواع من الصناعات الاولي تذهب الى دول اورباء لانها جيده جدا والنوع الاخر يذهب الى دول امريكاء اما النوع الاخر وهو اخس الانواع يستورده تجارنا الجشعين ليمتصواء دماء مواطني هذا البلد وقبل فتره حدثني اخ يعمل بالسفارة ببكين مايصنعواه تجارنا الافاضل وقال لي بالحرف الواحد بانهم ياخذون ارداء الصناعات ويحضرونها لنا

مساء الخير شبيه البرق
معروف أن الصناعات الصينية التي تحظى بالجودة العالية لا تأتي إلى بلادنا . تجار البلاد الجشعين يعقدون صفقات مع الشركات الصينية لجلب كل ما رخص ثمنه . حتى صحون الميلامين التي نستخدمها في رمضان والتي يتم التحذير منها لا تزال تدخل البلاد بلا رقيب .

شكرا ً لك يا شبيه البرق

اقتباس: المشاركة الأصلية كتبت بواسطة ™آآآلــــوآآفــي™    والله اللي بالسوق الان اما صيني او ياباني وكله حلو واسعاره مناسبه للمواطنين

مساء الخير يالوافي

الأسعار مناسبة لكن ماذا عن الجودة ؟ . نزل جهاز نوكيا 95 بقيمة الفين وعليها ، بعدها بأسابيع ينزل نفس الشكل لكن صناعة صينية بـ 900 ريال ، وإحسب عدد اللي توهقوا من المواطنين . واحد من الربع شراه أول ما نزل من ثاني يوم ساموه اصحاب المحلات بـ 450 ريال !

شكرا ً لك الوافي

اقتباس: المشاركة الأصلية كتبت بواسطة S a i F    الأقمشه أغلبها ليست أصليه ويقلونلك يابانيه !!! أما الجزمات فأفضلها بعد الإيطالي المزيف واللي هو صيني بالغش وليس إيطالي هي الجزمات التركيه وأتوقع التركيه نفس درجة الإيطالي . نفس الأسعار هذي اللي قلتها يا جروح موجوده بالرياض وأنا قبل ما كنت أصدق الأسعار هذي لكن بعدها عرفت مدى التخلف لدينا !!

s a i f اهلين بالحليو

الأقمشة فيه عندك الجديعي وريتشي والقاضي ، كل اللي عندهم على مستوى عال ، عندهم انقليزي وياباني ، بالإضافة إلى نوعين من الأقمشة الصينية ، نوعية غسيل بالدراي كلين ونوعية تغسلها بالطشت ـ يعني مش حالك . ويعلمونك اللي يصلح واللي ما يصلح .

بالجزمات " تكرمون " الصينيين حلوين بالأشكال ، مثل غرف النوم ، شكلها حلو بس من ثاني سنة تتكسر . خاصة اذا كان فيه مباراة فاصلة كل ليلة .
عندي فوبيا من حاجتين ، من الصناعة الصينية ومن البائع اليمني .

عندك الأقلام ، اللي نشوفها بمحلات الملابس الرجالية ـ تحصلها منها بقيمة 100 ريال ، واذا خرب القلم روح إشتر لك واحد ثاني ، عكس الأقلام الماركة ، عندي قلم ماركة Dior شريته بـ 800 ريال ، لكن والحق يقال كل ما خرب أرسلهم لهم ومن ثالث يوم أجي أستلمه ، وعليه ضمان ثلاث سنوات . دوري لي بضاعة صينية في السوق يعطونك عليها ضمان أكثر من سنة .

مشكور s a i f

[جروح الذاكرة]

المهم حبيت أسأل عن أفضل نوعية من " الغتر " . فيه العطار وفيه بروجية وفيه فالنتينو ( الشماغ حلو ) وفيه البسام ، وفيه أكثر من ستة نوعيات تقريبا ً . بس المشكلة إن أغلبها يتغير لونها بعد الغسيل وكلكم تعرفون هالشيء . فياليت اللي متخصص في هاللبس ما يبخل علينا .



أقصد من باب الإفادة وليس من باب الهدية

[معرّب الجدين]

يعطيك العافيه اخووي

بالنسبه فضل محل واختيار من اكسسوارات

او قماش هو محلات مان ديفان اللي اختار منها ملابسي

بالنسبه للمعروض من جزم صينيه وغيره تكرمون

مثل ما قالو الاخوان انا اذكر شريت جزمه صينية ثلاث سنين عندي ماتغير فيها شي

الا انها ما شاء الله علي تضخمت رجلي وصرت ماقدر ابسها

ماعمري شفت جزمه اخف واريح منها ملبوووس

مشكووور اخوي ولاهنت

[جروح الذاكرة]

اقتباس: المشاركة الأصلية كتبت بواسطة كبرياء رجل    يعطيك العافيه اخووي بالنسبه فضل محل واختيار من اكسسوارات او قماش هو محلات مان ديفان اللي اختار منها ملابسي بالنسبه للمعروض من جزم صينيه وغيره تكرمون مثل ما قالو الاخوان انا اذكر شريت جزمه صينية ثلاث سنين عندي ماتغير فيها شي الا انها ما شاء الله علي تضخمت رجلي وصرت ماقدر ابسها ماعمري شفت جزمه اخف واريح منها ملبوووس مشكووور اخوي ولاهنت

الله يعافيك يا كبرياء

مان ديفان على كثر الدعاية اللي مسوينها ما جيتهم ، نفسي أجيهم وأشوف وش عندهم من ملابس ، مع العلم إن هالشركة تابعة لمجموعة عجلان وإخوانه . فا ماأدري هل طلعوا بشيء جديد أو لا .

وعلى فكرة المتاجر المشهورة والمتخصصة في صناعة الأقمشة الرجالية والأحذية والإكسسوارات الموجودة في أوروبا لجأت في السنوات الأخيرة إلى السوق الصينية وفتحت لها مصانع بسبب رخص الأيدي العاملة في الصين . لا تستغرب لما تروح لمحلات مثل MILANO و ELDO وتحصل على الجزمة مكتوب صنع في الصين .

مشكور على هالرأي

فتك بعافية




وين الحلوين اللي يلبسون الغتر ، يجاوبون على السؤال ؟ .

[غزيل]

<ترى متغطيه لحد يستخدم العقال ههههه
بما ان هالمتصفح لشباب
فأعتذر عن دخول مملكتكم
الحقيقه انا احب دائما الاطلاع على مايخص الرجل يهمني حقا ًكيف يهتم الرجل بـ أناقته واختياره لكل مايناسبه يهمني ان اعرف خطوط الموضه التي توصل لها الرجل
فـ اهتمام الرجل بمظهره الخارجي يعكس مدى نضوجه واطلاعه
ونحن الفتيات دائما يعجبنا الرجل الانيق
والزوجه تحب ان يكون زوجها في غاية الاناقه
سواء خارج المنزل اوداخله
لدي سؤال للجميع
ماهي افضل الاشياء التي يحرص الرجل على اقتنائها مهما كانت قيمتها الماديه؟
السوال الثاني
لاتوجد محلات تهتم بالهدايا الرجاليه من اكسوارات واقلام وغيرها كاالهدايا الموجوده في قزاز وغيره من المولات في جده اوالشرقيه ؟(طبعا اتكلم عن الحفر)


ولي عوده بعد الاجابه << ناويه تنشب لكم

[جروح الذاكرة]

اقتباس: المشاركة الأصلية كتبت بواسطة غزيل    <ترى متغطيه لحد يستخدم العقال ههههه بما ان هالمتصفح لشباب فأعتذر عن دخول مملكتكم الحقيقه انا احب دائما الاطلاع على مايخص الرجل يهمني حقا ًكيف يهتم الرجل بـ أناقته واختياره لكل مايناسبه يهمني ان اعرف خطوط الموضه التي توصل لها الرجل فـ اهتمام الرجل بمظهره الخارجي يعكس مدى نضوجه واطلاعه ونحن الفتيات دائما يعجبنا الرجل الانيق والزوجه تحب ان يكون زوجها في غاية الاناقه سواء خارج المنزل اوداخله لدي سؤال للجميع ماهي افضل الاشياء التي يحرص الرجل على اقتنائها مهما كانت قيمتها الماديه؟ السوال الثاني لاتوجد محلات تهتم بالهدايا الرجاليه من اكسوارات واقلام وغيرها كاالهدايا الموجوده في قزاز وغيره من المولات في جده اوالشرقيه ؟(طبعا اتكلم عن الحفر) ولي عوده بعد الاجابه << ناويه تنشب لكم

هلا فيك غزيّل

وحياك الله أنتي وكل عضوة في هذا المنتدى .

كثير من الشباب مع إن الله رازقه بالمادة إلا إنه ما تستهويه الموضه ، ماهو من باب البخل ، بالعكس ـ تحصلينه كل سنة في ديرة ومرفه عن نفسه ، لكن بالنسبة للموضه ماعنده إستعداد إن يكون متابع لها أو تكون عنده القدرة في التفريق بين الأصلي والتقليد . أعرف شباب بالحفر إذا جوّ للدمام سواء مع العائلة أو عنده دورة مثلا ً لازم يشوف محلات العطورات الموجودة في سوق الحُب . ومع إن هالأشخاص منعم الله عليهم ــ ماشاء الله تبارك الله ــ إلا إنهم ما عرفوا يفرقون بين الأصل والتقليد . أكثر العطورات الموجودة بسوق الحب مضروبه ، يتم إستيرادها من دبي وأصبح له إقبال شديد في السوق السعودي ، لدرجة إن كثير من محلات العطور المشهورة مثل " وجوه ـ قزاز ـ درعة ـ وغيرها " تأثرت من الشيء . المواطن كمستهلك بحاجة إلى توعية من قبل جمعيّة المستهلك . أنا لولا " النكبات " اللي صارت لي بالبداية ولا بصراحة ما فكرت أنبه أحد وأوجهه . لكن القهر اللي شفته بالبداية خلق عندي أمانة تتمثل في إني لازم ابين الجيد من الرديء لكل شخص أقابله . مره من المرات إشتريت " نعال " ــ تكرمون ــ من أحد المحلات . شهرين تقريبا ً طلعت المساوء ، مريت نفس المحل بعد أيام ، وشفت شاب سعودي معه أهله ، يمسك نفس الموديل اللي أخذته أنا ، ويحاول يكاسر البائع . مسيته بالخير وقلت له أنا جربتها و نصيحه مني لا تاخذها وأنت وبكيفك . وإلتفت للبائع وكان قريب وقلت له : لا تخاف ، رزقك بيجيك سواء من هذا أو من الف غيره ، لكن كان لازم عليّ إني ابين له بحكم إن ماعندنا جهة تضبط الفوضى اللي صايره بالسوق . وشكرني الشاب وطلع من المحل على طول . وهو على فكره محل مشهور .

قبل سنوات ما كانت شركات كبرى مثل بيير كاردين وجيفنشي ودينهل وديور مهتمة في السوق السعودي وما كان عندها الإستعداد إنها تغامر وتصنع الأزياء اللي يحرص السعوديين على إقتنائها . فجأة شفنا بيير كاردين تدخل مجال صناعة " الغتر والأشمغة " ، جيفنشي نفس الكلام . وأبدعت هالشركات وخلقت روح تنافس بينها وبين الشركات السعودية .

أنتي سألتي : ماهي أفضل الأشياء اللي يحب الرجل إقتنائها مهما كانت قيمتها المادية ؟ .

بالأحذية : فيه ماركات متخصصة وأثبتت وجودها وبقوة مثل روبروتو روسي ROBERTO ROSSI بالدرجة الأولى ، وميلانو MILANO والدو ELDO وباتا BATA . هذه بالنسبة للأحذية الرسميّة . الأحذية السبورت الغير رياضية عندك محلات كلاركس Clarks وعبدالغفور أمين . طبعا ً حنا نتكلم عن الماركات من غير المحلات . بالنسبة للمحلات فيه محل بالرياض على طريق العليا شرق برج المملكة إسمه قصر الأحذية ، هذا روعة . وهو من أفخم المحلات بالسعودية . بس حسب ما أذكر مافيه شيء أقل من الف ريال .

بالنسبة للإكسسوارات الرجالية مثل الكبكات والأقلام فيه محلات متخصصة بهالأمور مثل قزاز وبقشان وقزاز بالنسبة لي أفضل . الكبكات الموجودة في السوق أغلبها صيني وأسعارها من 20 ريال إلى 80 تقريبا ً وأفضل أنواع الكبكات الألماني أسعارها غالية شوية من 250 إلى ما دون الألفين . وانا بصراحة مثل ما ذكرت ما كنت مهتم بالموضة بشكل كبير ، أعرف أشياء بسيطة . لكن بعد المواقف اللي صارت لي تعلمت وزاد إهتمامي . . يعني بالنسبة للكبكات أذكر شريت واحد بـ 40 تقريبا ً وشكله حلو ويؤدي الغرض . فجأة وانا طالع من البيت طاح الكبك على البلاط وإنكسر ، إستغربت يعني لهالدرجة صناعتة رديئة وانا دافع فيه 40 ريال ؟ . من ذاك الموقف صرت أسأل عن الماركات في هالمجال .

الساعات مالي فيها بعد ما طلعت الجوالات .

شنط وحقائب السفر : فيه بيير كاردين pierre cardin وعندهم أشياء خيال وبأسعار غالية خاصة إذا كنت ناوي تأخذ مجموعة كاملة " غالبا ً تكون أربع حقائب " . لكن تقدر تاخذ شنطة او ثنتين بسعر من 500 إلى 800 ريال .

الأكوات الرسميّة هذه أحبها تكون تفصال مثل نفس قماش الثوب . فيه محل بالدمام إسمه ريموند raymond متخصصين في هالشيء ، عنده كاتالوجات تختار الموديل اللي تبي وإنسى الباقي . وأسعاره حلوه .

بالنسبة للأكوات السبورت اللي تختلف عن السبورت فيه محلات تجيب أشياء حليوه مثل زارا ZARA . رباعيات ( على فكرة لا تستغربين لو حصلتي فرعين نسائيين جنب بعض ، لأن كل فرع من رباعيات متخصص في ماركات ماهي موجودة عن الفرع الثاني ) . فيه محلات هي المفضلة بالنسبة لي إسمها ماسيمو ديوتي massimo duti عندهم أشياء تأخذ العقل .

النظارات الشمسيّة : وهذي مصيبة المصائب . تخيل تتمشى في أحد المجمعات المشهورة وتحصل بنص الممرات كشك صغير ما عليه إسم يبيع نظارات شمسيّة قيمة الوحدة توصل لميتين ريال !! . شيء يقهر بصراحة . لأن هالنظارات هي تقليد . فيه ماركات مشهورة مثل راي بان Ray Ban وبوليس Police وغيرها من الماركات المشهورة ما يحضرني إسمها هي المتخصصة في هالنوعية . صناعة إيطالية . ونصيحة أخوية للجميع قبل لا تشتري نظارة شمسيّة إسأل فيها بلورايز ولا لا . والبلورايز هذا يحمي العين من أشعة الشمس . وفيه طريقة قالها لي واحد عنده ذمة وضمير يبيع في محل نظارات يقول : إذا تبي تعرف هالنظارة فيها بلورايز ولا لا ، إلبسها وخلك بنفس الوقت ماسك آله حاسبة ، إذا شفت الشاشة اللي تتطلع فيها الأرقام فيها مجموعة من الألوان وكأنك ضاغط عليها بإصبعك ، إعرف إن فيها خاصيّة البلورايز . طبعا ً أسعار الأغلبيّة منهن من 350 إلى 800 نتكلم عن موديلات آخر سنتين تقريبا ً .

عاد نجي للعلة ، واقصد بالعلة هي السبحه " المسباح " . ياهو غاثني غثا . هو فيه مسابيح الوحدة منهن قيمتها الفين وثلاثة خاصة اللي تكون مصنوعة من أحجار كريمة مثل الكهرمان وياقوت ، أو تكون مرصعة بالألماس . هالنوعيات وما أدري فيه أحد يوافقني على هالشيء ولا لا ، عيبها حاجتين ، الأول : تشكيلاتها ماهي حلوة ، تجيك خرزه وحدة لونها اخضر والثانية أحمر ، كأنها حقت واحد مشعوذ . والثاني : ما تصلح إنك تسبّح فيها لأن ملمسها ماهو مثل ملمس الكريستال ، يعني اللي يشتريها بس يكون ماسكها من غير ما يسبّح فيها . وفيه نوعية الموجودة بالسوق من البلاستيك والكريستال العادي . وهذي حلوة ، البلاستيك أسعارها من خمس ريال إلى عشرين والكريستال ما تتعدى 100 ريال . لكن مشكلة الكريستال ، إن الخيط رديء ومع كثرة تحريك الخرز يبدأ بالخيط يتفتت لين تنفرط السبحة ، قبل كم شهر إنفرطت السبحه بأحد المجمعات ، والأرضيّة سيراميك عاد أنواع الفضايح .

هذا اللي عندي اليوم ، جيت للموضوع قلت يمكن أحد من الأخوان مجاوب على سؤالي ما حصلت إجابة ، قلت أجل أستخدم غترة العام لين الله يفرجها .



مشكورة غزيّل