هع هع مشكلة الظفي كلهم اخ نواف مو بس انت
بعدين لو اختك ترضى ينقص مهرها ولا يكفيها
يوم العرس لحاله 15 الف اقل شي من غير التجهيزات الثانيه والذهب 40 الف والملابس العاديه 10 الاف
اما عاد الدراريع والبدل اقل شي 20 الف
وتطلع لك شغلات مالها داعي والمكياج والعطورات 5000
يالله تكفي بعد
اقول شرايك تاخذها بلاش
الرجال اللي يبي يتزوج يتزوج عطورات والا ؟
بعدين ليش الغلا هذا كله سون مقاطعه على اي شي مرتفع هع
تبي الصحيح يانواف
الصحيح المفروض الدوله تسمح للشباب الزواج من الخارج مو بس للشيبان
وخل واحد من هالشيبان يتكلم وليه وماليه تتزوج من برا وبنات عمك وجماعتك ماتخذهن
قول له لو في خير عمي وجماعتي مابعوني بنتهم بيع شركات السياره للزبون
وانا بعد مثلك اعاني من تلك النقطه ولا احد يحس
ولكن صدقني من حفر حفره لاخيه وقع فيه اصبر كم سنه راح ابو البنت يعرض عليك بنته
او المفروض يكون المهر 40 الف مثل ماقال احد الاخوان الحين بنك التسليف يعطيك حق الزواج 45 الف تجي انت يابو البنت تبي 60 او 70 او 80 الف ليه ماهي بنتك ولا من يوم انولدت وانت قاعد تحسب الخساير الي خسرتها عليها يعني بالعربي يالبنت ابوك مايحبك قاعد يساومك سوم الاراضي
بعدين قصور الافراح مو لازم استراحه محترمه وعشا طيب ويكفي لن ماهي فرض ولا سنه القصر الافراح
بعدين ياخوك غلطان تقسط سياره المفروض شاري سياره مستعمله محترمه
والي يخاف من حكي الناس اقول الناس يوم انك طفران ريال واحد ماعطوك والي ماصرف عليك ريال واحد وفتح حلقه قول له انثبر واكرمنا بسكوتك
والحياة حلوه وانت عزوبي ^^
والسلام عليكم
نواف توك تقول للبنت ادفعي وادعي وانت بعد مثلهم كل شي بفلوس هع
اقول ياولد انت الزعيم اللي بحارتنا نفس اسلوبه
وفي واحد اسم اختو احلام مخطوبه خل يشوف كم مهرها وبعدين يتكلم عن بنات الناس
أذكر قبل فترة كان فيه جزائري زوجتة هولندية يقول يوم جاء يخطبها من ابوها ووافق قاله الجزائري طيب كم المهر؟؟
قال ابوها ووش المهر؟؟
قال المهر عندنا بالاسلام فلوس تتدفعها للبنت زعل الهولندي وقال ليش أنا بايعك بنتي !!
ويقول زواجه من الهولندية كلف أقل من 2000 دولار !!!!!!!!!
بالمقابل أعرف صديق لي من الحفر طلب علية أبو البنت 140 الف ريال هذا بس مهر غير تكاليف الزواج!
وبعد أقل من سنة الرجال طلق بس بعد ما حط ع ظهرة قرض فوق ال200 الف ريال!!
غلاء المهور أعتبرة جريمة بحق الشباب وانا أؤيد بأن الدولة تتدخل وتحط حد أعلى للمهور لا يتعدى ال50 الف ريال كحد اعلى ويتم التنفيذ عن طريق المحكمة فوق ال50 الف مايعقدلك لو تفحط..
والمفروض الدولة تسمح للشباب بالزواج من الخارج وش فيها اذا السعودي اخذ اجنبية ماهو كبار القوم زوجاتهم من المغرب ولبنان
والمغرب عندهم العنوسة منتشرة اكثر من السعودية بسبب الفقر وعزوف الرجال هناك عن الزواج ولا يطلبون مهور خيالية ولا عرس ولا طقطقة وخساير ع الفاضي وتبي تعيش معك حتى لو ع الرصيف عكس السعودية اللي تتشرط وتبهذل فيك طبعا البعض وليس الكل ..
حتى العاطلين عن العمل بيقدر يتزوج من المغرب او حتى سوريا لأن التكاليف مقدور عليها وفي بعض الاحيان لاتعدى ال20 الف ريال مع كلش..