يالله ياجالي ليالي كدرها ..يامصرف الايام ماشن بيخفاه
افرج لمن عينه تزايد سهرها ..عافت لذيذ النوم ماعاد تشهاه
عيني على المجمول هلت عبرها .. مثل المطر لاهل يدفن رفاياه
الي خذا قلبي وروحي دمرها ..اسمر حمر ماشفت شكله وحلياه
الي جعوده فوق متنه نثرها ..كتف وردف ياسعد والله مانساه
ادعج غنج مربوع روحي هجرها ..من غير سبه كيف احاول مراضاه
كم ساعة عرضت نفسي خطرها ..ماخفت انا لوكان تدري دناياه
كم ليلة زاورتهم في سحرها ..ويفك لي باب خطيرً لمن جاه
من عقب وصل الحبل رجله قصرها ..الله عليه اليوم ماأكبر خطاياه
كبدي عليه اليوم يسقي ثمرها ..وزرع الحشى ينلاف لااواحيت طرياه
هو قرة عيوني وغايه نظرها ..وهو الذي لاشق قلبي بيرفاه